၁၂
အချစ်ထူး
အပိုင်း (၁၂)
#အချစ်ထူး
07090446
"ဟူး...ဒီနေ့တော့..ဒီလောက်ပဲ တော်ပါပြီ.."
အထူး အိမ်အလုပ်တွေ လုပ်ရင် ဒီလောက်ပဲ ဆိုတာ ဘယ်တုန်းကမှမရှိခဲ့ပါ..။
ဒေါ်လေး ခိုင်းသမျှကို အချိန်မှီပြီးအောင် အမြဲလုပ်ပေးရသည်။
အခုတော့ ရေချိုးခန်းက အောက်ခင်းကို တိုက်ဆေးနေရင်း သိပ်မစင်သေးသလို ခံစားရပေမဲ့ ဆက်မလုပ်ချင်တော့ပါ..။
တနင်္ဂနွေဆို ဘယ်သူမှ မရှိလို့ အထူး ရေချိုးချင်တဲ့ အချိန်ချိုးလို့ရသည်။
အလုပ်ဖွင့်တဲ့နေ့ဆိုရင်တော့ အကုန်ပြန်သွားတဲ့ ညပိုင်းပဲ ရေချိုးလို့ အဆင်ပြေသည်။
မပြည့်ပေးတဲ့ ကာတွန်း စာအုပ်ကိုဖတ်ပြီး လုပ်သင့် မလုပ်သင့် သင့်တော် မတော် ဆိုတဲ့ အရာတွေကို အတော် သတိထားနေရသည်။
အဲ့စာအုပ်လေးက ထမင်းစားတာအစ အိပ်တာအဆုံး လုပ်ရမဲ့ နည်းစနစ်တွေကို ပုံဆွဲပြထားတာ..။
ထမင်းစားရင် အသံထွက်အောင် မစားရတာတော့ ဒေါ်လေးနဲ့နေကတည်းက အထူးသိပါသည်။
အိပ်ရင်လည်း လူမြင်ကွင်းမှာ ပက်လက် အိပ်မနေရဘူးဆိုတာ မသိပေမဲ့ ဒေါ်လေး ရိုက်တာခံရမှာစိုးလို့ တစ်ခါမှ မအိပ်ပါဘူး.။
ကျင့်ဝတ်တွေကို သိလာလေ သတိထားရတာတွေ များလာလေပါပဲ..။
အခုလို ပိတ်ရက်ဆို အထူးရေချိုးရတာ မနက်ပိုင်းမို့ အချိန်ကြာကြာ ချိုးသည်။
ရေချိုးလိုက် ဆပ်ပြာတိုက်လိုက်နဲ့ နာရီဝက်လောက် ကြာသည်။
ဒီနေ့တော့ မြန်မြန်လုပ်မှ ဖြစ်လိမ့်မည်..။
မြန်မြန်ဆိုပေမဲ့လည်း ဆပ်ပြာမသုံးလို့ မဖြစ်လို့ လက်ထဲထည့်ပြီး လျှောက်လိမ်းလိုက်သည်။
အပေါ်က ရေပိုက်ကို မဖွင့်ပဲ အောက်မှာ ချထားတဲ့ ရေဘုံးထဲက ရေကိုပဲ ခပ်ချိုးသည်။
ရေချိုးပြီးတော့ ရေဝတ်လဲဝတ်ကာ အကျီ ၤနဲ့ ပုဆိုးကို တစ်ခါတည်း လျှော်သည်။
YOU ARE READING
အချစ်ထူး
Random"သူ့ ကို တကယ်ကြိုက်လား..." "အင်း..ကြိုက်တယ်..." "ဘယ်လောက် ကြိုက်လဲ.." "မသေချင်တော့အောင် ကြိုက်တယ်..."
