အချစ်ထူး
အပိုင်း (၁၆)
#အချစ်ထူး
07111111
".........."
အလင်းပေါက်ကနေ အလင်းတွေ ဝင်နေလို့ အထူး ခြေသံဖွဖွ နင်းပြီး ပုဆိုးတစ်ထည်နဲ့ ပိတ်ကာ ထားလိုက်သည်။
ညတုန်းက အစ်မက တအားငိုထားပြီး နေလည်း မကောင်းတော့ ပင်ပန်းနေတာ..။
ပုဆိုးနဲ့ကာပေမဲ့လည်း နောက်ထပ် အလင်းပေါက်ကနေ အလင်းက ဝင်နေသည်။
အစ်မနဲ့ နီးတဲ့ အလင်းမရိှိတော့လို့ အထူး နောက်ထပ် အလင်းပေါက် ရှေ့မှာ ခဏရပ်ရင်း အိပ်ပျော်နေတဲ့ အစ်မကို တစ်ချက် ကြည့်မိသည်။
အစ်မက ဆံပင်ရှည်တာပဲ..။
ရှည်လို့လည်း စုလိမ်ပြီး ဆံညှပ်ထိုးလို့ရတာပေါ့..။
ဒါပေမဲ့ အစ်မ ဆံပင်ဖြန့်ချထားတာကို ဘယ်တုန်းကမှ မတွေ့ခဲ့ဖူးတဲ့ အထူး အတွက်တော့ အထူးအဆန်းပါပဲ..။
ဆံပင်တွေက ပခုံးပေါ် အထိ ရောက်နေသည်။
ညတုန်းက အစ်မ ထိုင်လိုက်တော့ ကျောလယ် အထိ ရောက်နေတာ သတိထားမိသည်။
နောက်ထပ် ပုံတွေမှာ အစ်မ ဆံပင်ချထားတဲ့ ပုံလေး ဆွဲကြည့်ရဦးမည်။
အစ်မ မျက်နှာလေး က အလင်းရောင်ကြောင့် တစ်ဖက်က လင်းပြီး တစ်ဖက် က မှောင်နေသည်။
မျက်တောင်ဖျားတွေ စင်းကျပြီး အိပ်ပျော်နေပေမဲ့လည်း ပါးစပ်လေးက နည်းနည်းပွင့်နေသည်။
နားသယ်စပ်က ဆံပင်တွေက ချွေးစိုနဲ့ နည်းနည်း စုကပ်နေသည်။
အထူး စောင်ကို ခြုံမပေးချင်ပေမဲ့လည်း အစ်မက ချမ်းနေလို့ ခဏခဏ ဆွဲခြုံသည်။
အခုတော့ မချမ်းလို့လား မသိဘူး ဘေးဘက်ကို ပို့ထားသည်။
ညတုန်းက အစ်မ ဟိုဘက် ဒီဘက် လှည့်ရင်း တီရှပ်က ခါးစ လွှတ်နေရင် အထူး ဖြည်းဖြည်း ဆွဲချပေးရသည်။
မိုးလင်းတော့ အစ်မလည်း ငြိမ်ငြိမ်လေး အိပ်ပျော်နေသည်။
"ဂျောက်..."
أنت تقرأ
အချစ်ထူး
عشوائي"သူ့ ကို တကယ်ကြိုက်လား..." "အင်း..ကြိုက်တယ်..." "ဘယ်လောက် ကြိုက်လဲ.." "မသေချင်တော့အောင် ကြိုက်တယ်..."
