အချစ်ထူး
အပိုင်း (၂၉)
#အချစ်ထူး
12030807
"အစ်မ..စိတ်ညစ်နေလားဟင်..."
အိ ကားမောင်းနေရင်းကနေ စိတ်ထဲ ထင့်သွားသော်လည်း ရှေ့ကိုပဲ အကြည့်ပို့ထားမိသည်။
အထူး ရဲ့ စကားတွေကလည်း အထူးပဲမို့ ဖြေရခက်စေသည်..။
မနေ့ကတည်းက သူ့မေးခွန်းတွေကိုချည်း ဖြေနေရတာ..။
ခုလည်း ထပ်မေးပြန်ပါပြီ..။
လက်ထပ်ရတာ ရုတ်တရက်မို့ စိတ်ညစ်သလိုလို ရင်ခုန်သလိုလို နဲ့ ကိုယ်တိုင်တောင် မဝေခွဲတက်ပါဘူး.။
သူများကို စပ်စုနေတဲ့ သူကိုယ်တိုင်တောင် လက်ထပ်တာ ဘာမှန်း သေချာ သိရဲ့လား မသိဘူး။
ညတုန်းက အိ့ ခါးကို သူလာဖက်တော့ အတော်လေး ထိတ်လန့်တုန်လှုပ်ခဲ့ရသေးသည်။
မနက်တုန်းကလည်း လင်မယားလို နမ်းပြီး နှိုးရမှာလားတဲ့..။
အိ့မှာ အိပ်ချင်စိတ်ပျောက်တဲ့အထိ ရင်ခုန်လန့်ဖျပ်သွားရသည်။
ရုပ်ရှင်ကို ဆရာတင်ထားတဲ့ ယောက်ျားဖြစ်သူကို ပိုင်ဆိုင်လိုက်ရတာလေ။
အိ အဖြစ်က ဘာမှန်းမသိတော့ပါဘူး။
"မေမေ က အစ်မ အခန်းမှာ နေဖို့ပြောတယ်....အစ်မ မနေခိုင်းရင် ကျွန်တော် အလုပ်မှာပဲ နေမယ်လေ..."
"ရတယ်..."
မရဘူးဆိုရင် အိ့ကို မေမေ သတ်လိမ့်မည်လေ။
"အစ်မဆီမှာ နေရမှာပေါ့နော်.."
"အမ်း..မေမေ ဆူမှာ စိုးလို့..."
"ဒါဆို အစ်မအိမ်က ဖိနပ်လေးတွေ ခွက်လေးတွေကို တကယ်ပိုင်ပြီပေါ့....အဟွင်း..."
"......."
သူ တောင်းထားတဲ့ ခွက်တွေ ဖိနပ်တွေကို သတိရတော့ အိ နှာခေါင်းရှုံ့ချင်သွားသည်။
ဘာမှ မသိနားမလည်ပါဘူးဆိုတဲ့ လူက မသိရင် အကွက်ကျကျ တစ်လှမ်းချင်း ရှေ့တိုးလာသလိုပါပဲ..။
အိ ကားမောင်းနေရင်း လှည့်ကြည့်တော့ သူက ကိုယ့်ကို ကြည့်၍ ပြုံးနေလို့ ရင်ခုန်ပြီး အကြည့်ပြန်လွဲလိုက်ရသည်။
YOU ARE READING
အချစ်ထူး
Random"သူ့ ကို တကယ်ကြိုက်လား..." "အင်း..ကြိုက်တယ်..." "ဘယ်လောက် ကြိုက်လဲ.." "မသေချင်တော့အောင် ကြိုက်တယ်..."
