|| ကောင်းကင်ဘုံ နန်းဆောင်ကို ဝင်စီးခြင်း ၊ နတ်မင်းအားလုံး ထိတ်လန့်စေမဲ့ စကားသုံးခွန်း ||
ငွေမင်ရောင်တလက်လက်တောက်ပနေတဲ့ လေပြင်းဟာ ဝုန်းဒိုင်းကျဲ ဝင်လာခဲ့ချိန် ရှဲ့လျန်ရဲ့ ပထမဆုံး တုံ့ပြန်မှုက ဘာမှ မစဉ်းစားဘဲ သူ့လက်နဲ့ ကာလိုက်တာပဲ ။ ရော့ယယ်ဟာ သူ့ရဲ့ လက်ကောက်ဝတ်မှာ ရှိနေပြီး အခြေအနေအရလိုအပ်တာနဲ့ အလိုလျှောက်တိုက်ခိုက်ဖို့ အသင့်ရှိနေတယ် ။ သို့ပေမဲ့ အဲဒီ ငွေမင်ရောင်လိပ်ပြာတွေဟာ သူ့ဆီကို တိုးဝင်မလာဘဲ သူ့နောက်မှာ စောစောလေးကတင် ရန်သတ်နေကြတဲ့ နှစ်ယောက်ကို တိုက်ခိုက်ဖို့ ရှဲ့လျန်ဘေးနားကနေ ဝေ့ဝဲ ဖြတ်ပျံသွားကြတယ် ။
ဖုန်းရှင့်နဲ့ မုချင်ဟာ အဲဒီသေမင်းတမန် ဝိညာဉ်လိပ်ပြာတွေနဲ့ လက်တွေ့ကြုံတွေ့ ခံစားခဲ့ဖူးတာကြောင့် သူတို့ဟာ ဘယ်လောက် အစွမ်းထက်တယ်ဆိုတာကို သိပြီးသားဖြစ်ပြီး သတိလက်လွတ်မနေရဲကြဘူး ။ သူတို့ နှစ်ယောက်လုံးဟာ လက်တွေကို ပြိုင်တူ မြှောက်လိုက်ကြပြီး အော်လိုက်ကြတယ် ။
" အကာအကွယ် !!!!"
ငွေမင်ရောင်လိပ်ပြာတွေ ထောင်သောင်းမက ဟာ သူတို့ရဲ့ အတောင်ပံတွေကို လေပြင်းတစ်ခုလို တဖြတ်ဖြတ်ခတ်ပြီး သူတို့ဆီကို အရှိန်ပြင်းပြင်း ထိုးစိုက်ဦးတည်တိုးဝင်သွားပေမဲ့ မမြင်ရတဲ့ နံရံတစ်ခုက သူတို့ကို တားဆီးထားတယ် ။ လိပ်ပြာတွေဟာ မမြင်ရတဲ့ နံရံဆီ မိုးကြိုးမုန်တိုင်းတစ်ခုလို ၊ မိုးသီးမိုးပေါက်တွေ အရှိန်ပြင်းပြင်းနဲ့ တဝုန်းဝုန်း ကြွေကျ ထုနှက်သလို ပြင်းထန်စွာ သွားရောက် ရိုက်ခတ်တော့တယ် ။ ပွတ်တိုက်ထိခတ်မှုကနေ အဖြူရောင် အလင်းတွေ လင်းဖြာလာတာဟာ မီးပွင့် မီးဖွားတွေ ထွက်လာသလိုပဲ ။ ကြည့်ရတာ ဟိုနှစ်ယောက်က အကာအကွယ် မန္တာန်တစ်ခု ချထားတယ်ထင်တယ် ။ ဒါပေမဲ့ မှော်အစွမ်းနဲ့ အကာအကွယ်တစ်ခုကိုတောင် အံတုရင်ဆိုင်ပြီး သေမင်းတမန် ဝိညာဉ်လိပ်ပြာတွေဟာ ပိုးဖလံမျိုး မီးကိုတိုးသလို အရှိန်ပြင်းပြင်း ၊ အဆုံးအစမရှိ အရူးအမူး တိုးဝင်ကြတယ် ။ ဝိညာဉ်စွမ်းအားသုံး အကာအကွယ်နဲ့တောင်မှ လိပ်ပြာတွေရဲ့ ဒလဟောတိုက် အတောမသတ် တိုးတိုက်မှုကြောင့် သူတို့နှစ်ယောက်ဟာ နောက်ကို တွန်းထုတ်ခံလိုက်သလိုပဲ ။
