အားအင်တို့ကုန်ခမ်းနေသည့်လူတစ်ယောက်လို ယဲ့ယဲ့လေးရပ်နေသည့် အငယ့် ကိုပြေးကာဖက်မိလိုက်သည် ။ အငယ်ဟာ သူ့ရဲ့မတိုမရှည်ဆံပင်တွေကို စည်းနှောင်ထားသော်လည်း ဆိုင်ကယ်စီးလာရ၍ကြောင့်ထင်သည် ၊ထိုဆံပင်လေးတွေကဖွာေနသည်မို့ သိမ့် သူမ၏လက်ကလေးတွေဖြင့်အသာသပ်တင်ပေးမိသည် ။
တစ်သသကြည့်၍မဝနိုင်လောက်အောင် သိမ့် ရဲ့အငယ်ဟာချောပါသည် ။ ခုလိုနေမကောင်းသည့်အချိန်မှာကော ရွှင်မြူးနေသည့် အချိန်မှာရောပေါ့ ။
"အငယ် ..!
"အငယ် မေးတာကိုမဖြေရသေးဘူးနော် ။"
ခပ်ဆတ်ဆတ်လေးထွက်ပေါ်လာသော အငယ့်၏စကားကြောင့် အသည်းယားစွာဖြင့်
အငယ့် ၏ပါးပြင်လေးကိုလက်ဖြင့်အုပ်ကိုင်လိုက်ရင်း ပြုံးမိသည် ။ဒါကိုပင် စိတ်ဆိုးနေသည့် အငယ်က အလိုမကျစွာဖြင့်မျက်ခုံးတွေကို တွန့်ချိုးလိုက်သည်မို့ သဘောတစ်ကျရယ်မိလိုက်သည် ။အငယ်က တစ်ကယ်ကြီးသိမ့်ကိုစိတ်ဆိုးနေတာပဲ ။"မ တောင်းပန်ပါတယ် အငယ်ရယ် ။ မ လေ အဲ့တုန်းကအများကြီးမတွေးခဲ့မိဘူး ။ မ ကြောင့်အငယ့်ကို ဒီထက်ပိုပြီးမထိခိုက်စေချင်တဲ့စိတ်တစ်ခုတည်းပဲရှိတော့တယ် ။ အဲ့အချိန်မှာ မ တွေးမိတာ ၊ မ တစ်ကယ်ကိုအတွေးတိမ်မိခဲ့တယ်သိလား ။ ချစ်ရဲ့သားနဲ့ စွန့်လွှတ်လိုက်တော့မယ် ဆိုပြီး ..;!
တစ်ဖြည်းဖြည်း မျက်ရည်တွေရစ်သိုင်းလာသည့် အငယ့် ကြောင့် သိမ့်ကိုယ့်ကိုယ်ကိုအပြစ်တင်လို့မဆုံးတော့ ။ လုပ်ရပ်နဲ့တင် အားမရသေးပဲ အခုတစ်ခါမှာလဲ စကားနဲ့တင် အငယ့်ကိုဝမ်းနည်းစေမိပြီလေ။
"ဝေးနေရတဲ့ ခုနစ်ရက်တာအတွင်းမှာ တို့ အငယ့်ကိုမလွမ်းတဲ့ရက်ဆိုတာ မရှိခဲ့ပါဘူး အငယ်ရယ် ။ မ ကျိန်ဆိုပြီးပြောရဲပါတယ် ။"
အငယ်က မျက်ရည်တွေကျလာကာ သိမ့်အား ရင်ခွင်ထဲဆွဲပွေ့လိုက်သည်မို့ အငယ့် ခါးလေးအားပြန်လည်ဖက်တွယ်မိသည် ။စိတ်ထဲမှလည်း "တောင်းပန်းပါတယ် အငယ်ရယ် "ဟုအကြိမ်ကြိမ်ရေရွေတ်နေမိတော့သည် ။
"ချစ်တယ် ! သိပ်ချစ်တာမို့ နောက်တစ်ခါထပ်ပြီး ထားမသွားပါနဲ့တော့ နော် ။"
![](https://img.wattpad.com/cover/334164514-288-k97855.jpg)
YOU ARE READING
အချစ်ရှိရာ အညာမြေ
Paranormalအချစ်အတွက်သာဆိုရင် လယ်ပဲစိုက်ရစိုက်ရ ကျားပဲဖမ်းရ ဖမ်းရ သွေး မမှုပါဘူး ။ အဓိက မယွန်းသဒ္ဓါသိမ့် နဲ့ပေါင်းရဖို့ပဲ ။ #ခွန်းစစ်လွန်းသွေး