"အငယ်ရေ မပြီးသေးဘူးလား ။ဒီမှာ အငယ့်သူငယ်ချင်းတွေနဲ့အစ်မနှိုင်းတို့စောင့်နေတာကြာလှပေါ့ ။"
အခန်းအပြင်ဘက်မှ ထွက်ပေါ်လာသော မ ၏အသံကြားမှ ကမန်းကရမ်းထထိုင်မိသည် ။ အစောကြီးကတည်းကပြီးစီးနေပြီဖြစ်သော်လည်း ကုတင်ပေါ်တွင်သာငုတ်တုတ်ငိုင်နေမိသည်မှာ ဘယ်လောက်တောင်ကြာခဲ့လိုက်သလဲ ။သဏ္ဌန့်၏စကားလုံးတွေနှင့်တောင်စဉ်မရသော အတွေးတွေဟာ သူ့ခေါင်းတစ်ခုလုံးအပြည့်နေရာယူထားလေသည်။ ကိုယ်ဟာ တကယ်ပဲ သဏ္ဌန့်အပေါ်မှာ မတရားခဲ့သူမဟုတ်လား ။
"ဒီနေ့ကစပြီး နင်နဲ့ငါနဲ့ သူငယ်ချင်းမဟုတ်တော့ဘူး လွန်းသွေးငယ်။ ကိုယ့်အပေါ်နည်းနည်းလေးမှ မကောင်းတဲ့သူငယ်ချင်းကို ငါဆက်ပြီး မပေါင်းနိုင်တော့ဘူး ။ ဒါကြောင့် သူငယ်ချင်းအဖြစ်ကရပ်စဲကြတာပေါ့ ။"
နောက်ဆုံး သူပြောခဲ့တဲ့စကားကိုပြန်ကြားယောင်မိပြီး လူကယိုင်ချင်ချင်ဖြစ်လာသည် ။ သွေးရဲ့ စွာတေးလန်ငယ်သူငယ်ချင်းမလေးဟာ တကယ်ကြီးပြတ်သားသွားရင် ခက်ရချည်ရဲ့ ။
"အဝတ်အစားလေးလဲတာကို ကြာလိုက်တာ အငယ်ရယ် "
"ပြီးပြီဆိုလည်း သွားကြစို့လေ မမသိမ့် ။ ခေတ် ဗိုက်ဆာနေတာကြာပြီ ။"
"ဟုတ်တယ် ။ယွန်းလည်း မနက်ကတည်းကဆာနေတာ ။"
ယွန်းနှင့်ခေတ်၏တစ်ယောက်တစ်ပေါက်ပြောသံတွေကို မ ကခေါင်းလေးသာငြိမ့်ပြပြီး မျက်နှာပျက်နေသည့်သူ့ကိုသာအကဲခတ်နေလေသည် ။ထို့ကြောင့် မလုံမလဲဖြင့် အကြည့်လွဲကာ
"မောင်ကော !
"မောင်နဲ့မုဒွိသဏ္ဌန်နဲ့က သွားနှင့်ပြီလေ သွေးရဲ့ ။ဟိုက စောင့်နေမယ်တဲ့ ။"
"ဪ ..!
ယွန်း၏ပြန်ဖြေသံကြားမှ မေးမိတဲ့ကိုယ့်ပါးစပ်ကိုပိတ်ရိုက်ချင်သွားသည် ။ ဒါထက်ပို၍ ကိုယ့်ကိုယ်ကိုဒေါသထွက်မိသည်ကား တီတီ့ဆီသို့အကြည့်ရောက်မိတာပင် ။ ကြည်လင်နေသည့်မျက်နှာလေးကနေ ဝမ်းနည်းနာကျင်သွားသည့်မျက်နှာလေးအဖြစ်သို့ကူးပြောင်းသွားသည်ကို မြင်ဖြစ်အောင်မြင်လိုက်ရသည် ။ ချစ်ရဲ့သားနဲ့ တီတီရယ် ဟုသာ တီးတိုးလေးရေရွတ်လိုက်မိတော့သည် ။
_______
YOU ARE READING
အချစ်ရှိရာ အညာမြေ
Paranormalအချစ်အတွက်သာဆိုရင် လယ်ပဲစိုက်ရစိုက်ရ ကျားပဲဖမ်းရ ဖမ်းရ သွေး မမှုပါဘူး ။ အဓိက မယွန်းသဒ္ဓါသိမ့် နဲ့ပေါင်းရဖို့ပဲ ။ #ခွန်းစစ်လွန်းသွေး
