"ချီးယာ့စ်!!!!
ခွက်ချင်းတိုက်သံနှင့်အတူ လက်ထဲရှိ ဝိုင်ခွက်ကိုကုန်စင်အောင်မော့သောက်လိုက်သည် ။ ဒီလိုပြင်းရှရှ အယ်ကိုဟောတွေကို အတတ်နိုင်ဆုံးရှောင်သော်လည်း ဒီနေရာမှာတော့သူမငြင်းမရပေ ။
"မလုပ်တော့နဲ့ !! သဏ္ဌန်က မသောက်နိုင်ဘူး မောင် !! ထည့်ချင်ငါ့ထဲထည့် !!
သွေး၏စကားကြောင့် ရီဝေဝေဖြစ်နေသည့်ဘုန်းသက်ဇူးမောင်က ခေါင်းတစ်ဆက်ဆက်ငြိမ့်ရင်း သွေး၏ခွက်ထဲသို့ထည့်ပေးလိုက်သည် ။ ပြောစရာ ရှိတာကိုမပြောပဲ ဇွတ်သောက်နေသည့် မောင့်ကို သွေးတို့လည်းရိပ်မိကြပေမယ့် ဘာမှမမေးမိသေး ။
"ငါ့ကိုပြောစရာရှိနေတာလား !!
"နင်သိလား သွေး ! နင်တို့အားလုံး ငါ့ကိုလက်ဆောင်တွေပေးကြပေမယ့် တစ်ယောက်သောသူကတော့ ငါ့ကိုဘာမှမပေးဘူးလေ ! ငါစိတ်တိုတာ လွန်သလား !!
သဏ္ဌန်မေးတာကိုအရေးမလုပ်ပဲ မောင်က ကလေးဆန်စွာနှင့် သွေးတို့ကိုပြောသလိုလိုနှင့်သဏ္ဌန့်အားရွဲ့စောင်းနေသည် ။ မောင့် စကားကြောင့် အကုန်လုံး၏အကြည့်တွေဟာ သဏ္ဌန့်ဆီသို့ ..။ယနေ့မောင့်မွေးနေ့ဖြစ်သည့်တိုင် သူကျွေးမွေးတာတွေကျ စားသောက်နေပြီး လက်ဆောင်မပေးဘူးတဲ့လား ။ဒါကတော့ သဏ္ဌန်လွန်ပါသည်။
"ငါ့ဆီက ဘာလက်ဆောင်လိုချင်တာလဲ !!နင်ဘာကြိုက်တတ်မှန်းမသိလို့ ဘာမှမပြင်လာမိဘူးလေ !!နင်လိုချင် နောက်ရက်ငါဝယ်ပေးမယ် !!
"ဂေ့ ~အေ့~ မယူဘူး မယူဘူး !! နင့်ဆီက ဘာမှမယူချင်တော့ဘူး !! နင့်လိုရက်စက်ပြီး ~အသည်းမာတဲ့မိန်းမကို ဒီနေ့အဝသောက်ပြီးမေ့ပစ်မယ်ကွာ..!!
ထိုသို့ပြောရင်း ပုလင်းပါထောင်မော့နေသည့် မောင့်ကို မျက်လုံးအဝိုင်းသားတွေနှင့် ကြည့်နေမိကြသည် ။ပေါင်းလာခဲ့သည့်တစ်လျှောက်လုံး မောင့်၏ဒီလိုဖရိုဖရဲဖြစ်နေသည့်ပုံစံကိုပထမဦးဆုံးမြင်ဖူးတာပင်။ သနားစရာမောင်က ရုပ်ရည်လေးနဲ့မှမလိုက် သူ၏frist loveမှာတင်ဒီလိုမျိုးအသည်းကွဲရသည်တဲ့လေ ။
"တော်တော့ မောင် !! သောက်နိုင်တာလည်းမဟုတ်ပဲနဲ့ မသောက်နဲ့တော့ !!
VOUS LISEZ
အချစ်ရှိရာ အညာမြေ
Fantastiqueအချစ်အတွက်သာဆိုရင် လယ်ပဲစိုက်ရစိုက်ရ ကျားပဲဖမ်းရ ဖမ်းရ သွေး မမှုပါဘူး ။ အဓိက မယွန်းသဒ္ဓါသိမ့် နဲ့ပေါင်းရဖို့ပဲ ။ #ခွန်းစစ်လွန်းသွေး
