"သမီး တီလေးကိုဦးထွန်းမစွန့်လွှတ်နိုင်ဘူး !!
အာလုံးတိတ်ဆိတ်နေသည့်အချိန်မှာ သွေးအားကြည့်ကာ ပြောလိုက်သည့်ဦးထွန်း၏စကားကြောင့် အားလုံးလှုပ်လှုပ်ရှားရှားဖြစ်သွားလေသည် ။ဒီအချိန်မှာတော့ ဦးထွန်းဟာ ခုနကလိုမူးနေတာမဟုတ်ပဲ အမူးပြေခါစတည်တည်ငြိမ်ငြိမ်ဖြင့်ပြောလိုက်သည့်စကားရယ်ပါ ။
"မစွန့်လွှတ်နိုင်လို့မရဘူးလေ !နိူင်းအိမ့်လွန်းညိုက ကျွန်မ မိန်းမဖြစ်နေပြီ !!
ခေါင်းကိုမော့ ရင်ကိုကော့ကာ ပက်ကနဲဝင်ပြောလိုက်သော သဏ္ဌန့်၏စကားကြောင့် လူကြီးမိဘတွေပင်မျက်နှာ ဘယ်နားဖွက်ထားရမှန်းမသိအောင်ဖြစ်သွားလေသည် ။ဒီနေရာမှာ တီနှိုင်း၏မိဘတွေရယ် သဏ္ဌန့်၏မိဘတွေရယ်အပြင် သွေး၏မာမီလည်းရှိနေပါသည်။ ဒယ်ဒီကတော့ အလုပ်မအားဘူးဟုဆိုကာ ဒီနေရာမှာသူမရှိပါ ။
"ဟဲ့ အဲ့လောက်မပွင့်လင်းနဲ့လေ သဏ္ဌန် !!
ခေတ်က မနေနိုင်စွာ ဝင်ပြောလေသည် ။
"ကျွန်တော့်ဘက်က ဒီကိစ္စကိုခွင့်လွှတ်နိုင်တယ်ဆိုရင်ရော ..!! နှိုင်း !! ကို နှိုင်းကိုခွင့်လွှတ်တယ်နော် ! ကိုယ့်ကိုလက်ထပ်မယ်မလားဟင် !!
"မရဘူးလို့ !! ကျွန်မ သဘောမတူဘူး ။နှိုင်းကကျွန်မနဲ့လက်ထပ်မှာ !!
"သမီး !!
"နင်အဲ့လိုတစ်ဇွတ်ထိုးဆန်လို့မရဘူး မုဒွိသဏ္ဌန် ! ဒါတီလေးကိုယ်တိုင်ဆုံးဖြတ်လိမ့်မယ် ။!
သဏ္ဌန့်၏မေမေက သူ့သမီးကိုဟန့်တားပေမယ့် သွေး ဝင်ပြောမိလိုက်သည် ။အစကတည်း ဒီလိုခက်ခဲတဲ့ကိစ္စတွေ ဖြစ်မလာခင်ကတည်းက တားခဲ့ဖို့မတိုက်တွန်းခဲ့ပေဘူးလား ။အဲ့တုန်းကကျ ခေါင်းမာနေပြီး အခုမှအသည်းအသန်ဖြစ်ပြနေသည့် သူ့ကို သွေး လည်းစိတ်တ်ိုမိသည်လေ ။
"ငါ့သမီး ဘယ်လိုဖြစ်ချင်လဲ ပြော ! မောင် ထွန်းနဲ့လက်ထပ်ချင်သေးလား !! ဒါမှမဟုတ် ဒီမိန်းကလေး ကိုရွေးချယ်ချင်သလား ။"
နှိုင်းဆီသို့ဦးတည်လာသည့်ဒယ်ဒီ့၏အမေးစကားကြောင့် ကျောတွေမတ်သွားရသည် ။ ဒယ်ဒီ့ခေါင်းထဲမှာ ဘာတွေတွေးနေလဲ မသိပေမယ့် ကောင်းသောမေးခြင်းနဲ့မေးတာမျိုးမဟုတ်တာကိုတော့ နှိုင်းတပ်အပ်သိနေသည်။
YOU ARE READING
အချစ်ရှိရာ အညာမြေ
Paranormalအချစ်အတွက်သာဆိုရင် လယ်ပဲစိုက်ရစိုက်ရ ကျားပဲဖမ်းရ ဖမ်းရ သွေး မမှုပါဘူး ။ အဓိက မယွန်းသဒ္ဓါသိမ့် နဲ့ပေါင်းရဖို့ပဲ ။ #ခွန်းစစ်လွန်းသွေး
