عائلة آل ترك

البارت الخامس

أنتِ..!! يا فتاة..
صلى على من وصفني ووصفكي بالمؤنسات الغاليات 💕

وانت..!!! اذا كنت موجود..
فـ صل على من قال لك "رفقاً بالقوارير" 💕

ـــــــــــــــــــــــــــــــــــــــــــــــــــــــــــــــ

نظرت فاطمة للشقة ببسمة واسعة، تبدو جميلة بل رائعة الجمال، نظرت للفتيات وقالت "بس دى كبيرة اوي، هقعد فيها لوحدى؟!" 

نظرت لها مريم وقالت بمرح "ودى تنفع بردو يكبير"

صفقت سارة بطفولة وقالت "اخيرا فاطمة هتحضر معانا حفل مبييييت"

ابتسمت فاطمة على صديقاتها و قالت صفية "يلا بق كل واحدة تطلع وتلبس بيجامة ونجيب بق حجات لزوم السهرة علشان هنخربها بالليل"

خرجت مريم وهى تقوم بحركات شعبية بحماس وسارة تصفق بطفولية وصفية تضحك بياس على تصرفات بنات اعمامها

تفحصت فاطمة تلك الشقة واختارت غرفة النوم الرئيسية لتتخذها غرفتها، فتحت حقيبة ملابسها فوجدت صورتها مع جدتها

نظرت لها ودموعها تغرق عينيها وقالت "هتوحشنى اوي يا تيتا، شوفتى يا تيتا ربنا رزقنى بالعيلة دى، ساعدونى فى دفنك وفى العزا، عيلة طيبة جدا، مارضوش يسبونى لوحدى ابدا، بس انتى عارفانى يا تيتا مابحبش احس انى تقيلة على حد، انا هشتغل وادفع ايجار الشقة دى، مش عاوزة اعيش كدا وانا حاسة انى عالة عليهم"

قبلت الصورة ومسحت دموعها وهى تقول "بحبك اوي يا تيتا"

ـــــــــــــــــــــــــــــــــــــــــــــــــــــــــــــــ

"ولاااا منك ليه، ماتتعدل يلا اللاه..!!!! انتى يا اخت انتى مش فى كوافير هنا يمااا، استاذ فالنتينو بطل تسبل للبت، الله يخرب بيتكو انتو اطفال عندهم عشر سنين؟!!!!!!"

تحدث طفل بنبرة لا تليق بطفل على الاطلاق "اي يا ابلتى فى اي مالك ع الصبح كدا، وبعدين انتى مين اصلا؟!!!!"

نظرت له بصدمة، كيف يتحدث ذلك الصغير؟!!!!

قالت بصدمة "انت مين يلا؟؟! "

قال بنفس النبرة "محسوبك زلطة يا ابلة، انتى مين بقاا"

صرخت بغضب "انا ميس سندس يلا منك ليه، الميس الجديدة بدل ميس كوثر، يلا طلعو كتب الماث كاتكو وكسة"

تحدثت فتاة وهى تمضغ العلكة بدلع لا يليق بطفلة "الكتاب الموفى يا ابلتشى؟!"

فتحت سندس عيناها بصدمة وقالت "ابلتشى؟!!! موفى؟!!!!!"

قال احد الفتيان وهو يغمز لتلك الفتاة "ابلتشى طالعة منها سكر اوي صح يا ابلة سندس؟!! "

صُدمت سندس للمرة اللتى لا تعلم عددها وقالت وهى تهمس "انا قولتله عايزة اشتغل فى ازهر، الله يسامحك يا سليم"