عائلة آل ترك

البارت الحادي عشر

ممكن قبل القرائة تعمل فوت بالله 🥺💕

وصلو على سيدنا محمد 💕

قرائة ممتعة 💕

ـــــــــــــــــــــــــــــــــــــــــــــــــــــــــــــــ

نظر سفيان لجده بترقب وقد بدأ القلق يتسرب لقلبه من مقدمات جده الذى اكمل ما ان لمح التساؤل فى عين سفيان لذا قال "سفيان انا عايزك تتجوز..."

نظر له سفيان بدهشة وقال باستنكار "اتجوز..؟!!!!!!"

هز فريد راسه بهدوء فقال سفيان "بس حضرتك يا جدو عارف انى مش بفكر ابدا فى الحوار دا وحضرتك عارف انى  مش عايز ارتبط"

قال فريد "انا عارف يا سفيان بس البنت دى لازم تتجوزها"

قال سفيان بتعجب "هو كمان فى بنت معينة؟! "

قال فريد بهدوء "اه فى بنت معينة"

قال سفيان بترقب "مين هي؟!"

تنهد فريد بهدوء وظل صامت للحظات، يتردد فى طلبه هذا، لا يريد ان يظلم اي منهما لكنه يرى ان هذا الحل هو الاصلح لهما

"يا جدو مين البنت دي؟!!"

"فاطمة.."

غضن سفيان حاجبية وقال "فاطمة؟!! طب واشمعنا انا؟!!"

ابتسم فريد بهدوء ثم قال "انت عارف ان صقر بيحب يلديز ومالك مش هينفع مع فاطمة خالص وريان شكله فى دماغه بنت"

نظر سفيان لجده بتعجب، ريان يفكر فى فتاة؟! لم يخبر احد بالامر وايضا ريان لا يتعامل مع فتيات

"وحضرتك عرفت منين؟!"

ضحك فريد بخفة ثم قال "سفيان انا مش ابن امبارح، وانا حافظكو كلكو واحد واحد، وعارف بتفكرو فى اي"

صمت سفيان، ولم يستطيع قول اي شيئ، لا يستطيع الرفض فهذا جده، كبير العائلة، لا يُرفض له طلب ابدا

قال فريد بأسف "سفيان انا عارف انه صعب بس البنت دى مالهاش حد غيرنا وانا مش عايزها تحس انها غريبة فمفيش حل غير انها تكون من العيلة رسميا، علشان تاخد راحتها معانا"

هز سفيان راسه وقال باقتضاب "تمام يا جدو، عن اذنك"

نهض سفيان ليخرج من مكتب جده الذى اخرج تنهيدة حزينة وقال فى نفسه "انا بعمل كدا علشانك انت كمان يا سفيان"

بينما فى الخارج، كان سفيان يتجه للاعلى لكنه توقف للحظة عندما رأى فاطمة تذاكر لسيف ومعاذ وريم وتضحك معهم بشدة

شعر بالضيق منها، هل سيفرض عليه الزواج من فتاة لا يعرفها، فقط لانها وحيدة ولا تملك عائلة..؟!!

شرد فى ضحكاتها الخافتة، وفى غمازتها اليسرى التى تظهر فقط عند الضحك، لا يعلم ماذا حدث لكن هناك شيئ غريب..!!!!