أنا ووشمي وتعويذة عشقك ❤

الفصل الثالث و العشرون

الفصل الثالث و العشرون
¤¤¤¤¤¤¤¤¤¤¤¤¤¤¤¤

توقف أمام الموقود تُعد وجبة الإفطار  وهي تلوي ثغرها   استدارت بجسـ ـدها كله حاملة بين يـ ـدها وجبته ثم قالت بكذب:
- تفتكر يا جسور أنا انسى بردو حاجة زي كدا !  أنا من أول ما فتحت عيني و جريت للجزار  و قلت له عاوزة أحلى حتة لحمة عندك عشان جسور حبيب ماما 

جلست على الأرض. مقابلته و تابعت بإحباط مصطنع قائلة:
- قالي مجتيش من امبارح ليه دا اللحمة كلها اتباعت و مافيش أي حاجة

رد " جاسر" بإحباط و قال:
- يا خسارة يعني الأسبوع دا كمان مافيش لحمة !

ردت بعتذار يملؤه الندم
- حقك عليا يا جسور إن شاء الله الجمعة الجاية تأكلها يا حبيبي 

تابعت بإبتسامة خفيفة قائلة:
- يلا يا حبيبي افطر عشان ننزل نسلم الحاجات لصاحبتهم
- و أنتِ يا ماما مش هتفطري ؟!

ردت بكذب و قالت:
- لا يا حبيبي أنا فطرت من بدري هقوم اعمل كوبية شاي على ما تخلص أكلك كله أوعى تسيب منه حاجة
- حاضر .

قرع ناقوس باب الشقة اثناء وجودها داخل المطبخ هتفت لابنها بأن يفتح للطارق،  نفذ أمرها  وجد والده يقف أمامه مباشرةً سأله بنبرة متعجبة لوجوده
- بابا !

ابتسم له" وجدي" و قال:
-  ازيك يا جسور عامل إيه ؟!
- الحمد لله حضرتك عامل إيه ؟!
- بخير يا حبيبي

خرجت " دعاء" ما أن وصل لمسامعها صوت طليقها   تحدثت بنبرة جادة قائلة:
- وجدي ! بتعمل إيه هنا ؟!
- طب قولي ازيك و لا دخليني الاول حتى !
- واقولك ازيك ليه  ولا تدخل عندي بأي صفة  انا واحدة مطلقة و كلام الناس مابيحرمش يا وجدي  قول عاوز إيه وخلصني

وضع الأكياس البلاستيكية أرضا ثم قال:
- خُدي دول شوية لحمة و خضار وفاكهة عشان جسور يأكل و يتغذى

رمقة "دعاء"  الأشياء الموضوعة أرضًا ثم عادت ببصرها له و قالت:
- ادخل في الموضوع على طول يا وجدي و قول عاوز إيه ؟!
- دعاء أنا عاوز ارجع لك و نربي جسور سوا

ردت " دعاء" بإبتسامة ساخرة و قالت:
- عاوزني بعد سبع سنين مفكرتش تسأل فيهم عن ابنك و لا حتى بمكالمة تليفون واحدة اصدق الشويتين دول ؟! اخلص يا وجدي وقول عاوز ايه ؟!
- ما قلت لك عاوز ارجع لك !
- و أنا مش موافقة ارجع لك و لو كنت آخر راجل في الدنيا و اتفضل امشي من هنا

اغتاظ "وجدي" من فشل خططته بعودتها لها للاستيلاء على ربحها التي تكتسبه من الحياكة
لملم الاكياس من جديد ثم قال:
- صحيح مش وش نعمة خليكي بقى كدا يتقطم ضهرك على المكنة عشان تربي الواد و ياريتك هتعرفي تربي و بكرا تقولي وجدي قال

ردت "دعاء" بنبرة تملؤها الشموخ قائلة:
- ربيت ابني سبع سنين و مخبطتش على بابك يوم و ربنا يديني العمر و اخلي ابني احسن مني و منك روح يا وجدي لمراتك وعيالك و طلع ابني من حساباتك زي ما أنت عامل من سبع سنين .