MAFIA Vs MAFIA

Episode 1

Unicode

မှန်ပြောင်းချိန်သည့် ခလုတ်အား ဖြည်းဖြည်းချင်းလှည့်ကာ ပြစ်မှတ်အား အနီရောင်အမှတ်တည့်တည့်၌ ချိန်ထားလိုက်သည်။စနိုက်ပါ ရိုင်ဖယ်သေနတ်အား ဖြည်းညှင်းစွာ ရွေ့လျားလိုက်ကာ မီတာ ၅၀၀ ခန့်အကွာအဝေးတွင်ရှိနေသော ကြယ်ငါးပွင့်စားသောက်ဆိုင်ထဲသို့ စေ့စပ်စွာ ကြည့်နေသည်။အသက်အား ပုံမှန်ရူကာ မျက်လုံးတို့က ပြစ်မှတ်အား အကြည့်မလွှဲဘဲ ရှိနေခဲ့သည်။ထိုအချိန်တွင် သားကောင်မှာ မြင်ကွင်းထဲသို့ ရှင်းလင်းစွာ ဝင်လာခဲ့သည်။‌‌

ေလှျာ့‌ေပါ့‌ေပြာရလျှင်‌ေတာ့ ထိုလူမှာ အလွန်ကြည့်ရဆိုးသည့်လူဖြစ်သည်။အဝလွန်နေသည့်အပြင် ဖြူဖွေးနေသော ဆံပင်တို့နှင့် အပြုံးကပင် တစ်ဖက်လူအား လန့်သွားစေနိုင်သည်။ဒီလိုလူအိုကြီးက သူ့အသက်ထပ်ဝက်နီးပါးရှိတဲ့ သက်တော်စောင့်တွေဖြင့် အမြဲသွားလာနေရသည်မှာ မထူးဆန်းပါ။စနိုက်ပါသမားသည် ထိုသားကောင်ကို ဘာကြောင့်များ စောင့်ကြည့်နေရပါသနည်း။

စနိုက်ပါသမားဖြစ်သူအတွက် ဒီနေ့ရဲ့ မေးခွန်းကတော့။
နဖူးတည့်တည့်လား နှလုံးတည့်တည့်လား ဆိုတာပါပဲ။

တာဝန်တစ်ခုကို ထမ်းဆောင်နေချိန်မှာ သူ့အတွက်တော့ ဒီနှစ်ခုက အခက်ခဲဆုံး ရွေးချယ်မှုပင်ဖြစ်သည်။သေချာချင့်ချိန်တွေးတောပြီးနောက် သေနတ်မောင်းခလုတ်အား အသာအယာ ထိတွေ့ရင်း နှုတ်ခမ်းအား အနည်းငယ်ဆူကာ အခွင့်ကောင်းကိုချောင်းမြောင်းနေလိုက်သည်။စက္ကန့့်အနည်းငယ် စောင့်ဆိုင်းပြီးနောက်တွင် သက်ပြင်းတစ်ချက်ချလိုက်ကာ ခန္ဓာကိုယ်အား ပံုစံမှန်အောင် ပြုလုပ်လိုက်သည်။အသက်အောင့်ကာ ပစ်မှတ်ကို ချိန်လိုက်ပြီးနောက် သေနတ်မောင်းခလုတ်အား နှိပ်ချလိုက်သည်။

သင်တို့တွေးထားသည့်အတိုင်းပင် သား‌ေကာင်၏ခေါင်းမှာ ထုတ်ချင်းပေါက်သွားပြီး သွေးများပန်းထွက်လာကာ သူ့ဘေးမှ အပျော်မယ်များပေါ်သို့ လွင့်စင်ကုန်သည်။သွေးတို့အိုင်ထွန်းနေသော ကြမ်းပြင်ပေါ်၌ သူ၏ဘဝမှာ နိဂုံးချုပ်သွားခဲ့သည်။သူရ‌ဲ့ သက်တော်စောင့်များက တစ်ယောက်မကျန် ထိုနေရာသို့ တဟုန်ထိုးရောက်လာကြပြီး လူများအော်ဟစ်ဆူညံနေကြခြင်း၏ အကြောင်းအရင်းကို သိရန် ကပျာကယာ ကြိုးစားနေကြသည်။