[Unicode]
"ဇမ္ဗူ မင်းဘယ်မှာလဲ မနက်စာစားရအောင်"
လူတစ်ယောက်၏ ခေါ်သံကြောင့် အိပ်ရာမှ နိုးလာခဲ့သည်။မနေ့က အေးစက်နေတဲ့ ရေချိုးခန်း ကြမ်းပြင်မှာ အိပ်ပျော်သွားခဲ့တာပဲ။လက်ဆစ်များတွင်တောင် သွေးစို့နေဆဲပင်။
"ဇမ္ဗူ"
မှိုင်းညို့က ထပ်မံအော်ခေါ်လိုက်တာကြောင့် မြန်မြန်ထရပ်လိုက်ကာ လော့ကျထားသော ရေချိုးခန်းတံခါးကို ဖွင့်လိုက်သည်။
"ဪ မင်းက ရေချိုးခန်းထဲမှာလား မနက်စာ အဆင်သင့်ဖြစ်နေပြီ မျက်နှာသစ်ပြီး အောက်ဆင်းခဲ့နော်"
မှိုင်းညို့က ထိုသို့ပြောကာ ထွက်သွားသည်။
ဘေစင်ဆီသို့ ပြန်သွားလိုက်ကာ ရေပိုက်ခေါင်းကို ဖွင့်ပြီး လက်မှ သွေးများကို ဆေးကြောလိုက်သည်။ရေချိုးပြီးနောက် ခန္ဓာကိုယ်ရှိ ဒဏ်ရာဒဏ်ချက်များကို ဖုံးကွယ်နိုင်ရန် Over-sized hoodie တစ်ထည်အား ဝတ်ကာ ဘောင်းဘီတိုတစ်ထည်အား ဝတ်လိုက်သည်။ဒါတွေအားလုံးက တိမ်စိုင်ခစား ရွေးချယ်ဝယ်ယူပေးထားတာဖြစ်ပြီး ကိုယ်က လုံးဝမကြိုက်ပေမယ့် မီးလျှံခစားကတော့ ကိုယ်နှင့်လိုက်သည်ဟု အမြဲပြောသည်။ဒီညီအစ်ကိုနှစ်ယောက် စိတ်သဘောထားချင်း တိုက်ဆိုင်တဲ့နေရာလည်း ရှိသေးသားပဲ။အဝတ်အစားလဲပြီးနောက် အောက်ထပ်သို့ ဆင်းလိုက်သည်။ထမင်းစားခန်းသို့ သွားပြီး မှိုင်းညို့ဘေးက လွတ်နေသည့်နေရာတွင် ဝင်ထိုင်လိုက်သည်။မှိုင်းညို့၏ အခြားတစ်ဘက်တွင်တော့ တိမ်စိုင်ခစားက ထိုင်နေသည်။
"နိုးပြီလား ဇမ္ဗူ ဒါနဲ့ ဘာလို့ Hoodie ဝတ်ထားတာလဲ သိပ်လည်းမအေးဘဲနဲ့"
တိမ်စိုင်ခစားက မေးသည်။
"ငါ့စိတ်ထဲ အေးတယ် ထင်နေလို့"
ပြန်ဖြေပြီးနောက် ရှေ့၌ ချထားသော ကြွေကရားထဲမှ ကော်ဖီတို့ကို ကြွေခွက်အတွင်းသို့ ငှဲ့လိုက်သည်။
ပုံမှန်ဆို ကော်ဖီမကြိုက်တာကြောင့် မသောက်ပေ။ဒါပေမယ့် ယခုမူ အလွန်ပင်ပန်းထားတာကြောင့် စွမ်းအင်ဖြည့်ရန် လိုအပ်သည်။ကော်ဖီအား တစိမ့်စိမ့် သောက်နေရင်း မှိုင်းညို့နှင့် တိမ်စိုင်ခစားတို့ စကားပြောနေသည်ကို ကြည့်နေမိသည်။အခြားလူများကလည်း မနက်စာစားပွဲ၌ လာထိုင်ကြကာ ကော်ဖီသောက်လိုက် မနက်စာစားလိုက် လုပ်နေကြသည်။သည်းမခံနိုင်တော့တာကြောင့် မတ်တပ်ထရပ်လိုက်သည်။
YOU ARE READING
MAFIA Vs MAFIA
De Todoနှစ်ပေါင်းများစွာ မာနပြိုင်ဆိုင်ကြလျက် အလစ်အငိုက်အား ချောင်းကာ တစ်ဦးကိုယ်တစ်ဦး အမြဲလုပ်ကြံသတ်ဖြတ်ရန် ကြံစည်နေကြသူနှစ်ဦး။နှစ်ဦးစလုံးမှာ မာဖီးယားများ ဖြစ်သည့်အလျှောက် အချင်းချင်း ရန်သူများဟုပင် သဘောထားပြီး ခြိမ်းခြောက်နေကြစမြဲပင်။ထိုလူနှစ်ဦးသည် မမျှော...
