[Unicode]
"ဇမ္ဗူ ထတော့ ခေါင်းဆောင်ရဲ့အဖေက မင်းနဲ့ စကားပြောချင်လို့တဲ့"
မှိုင်းညို့က ကိုယ့်အား လှုပ်နိုးကာ ပြောသည်။
"ဘာ"
အိပ်ချင်မူးတူးဖြင့် ပြန်မေးမိသည်။
"ခေါင်းဆောင်ရဲ့အဖေက အခုချက်ချင်း မင်းနဲ့စကား ပြောချင်လို့တဲ့"
သူက ထပ်ပြောသည်။
"အင်း လာခဲ့မယ်လို့"
ထို့နောက် အိပ်ရာမှ ထလိုက်သည်။
"သူ့အခန်းက အောက်ထပ် ညာဘက် ငါးခန်းမြောက်နော်"
မှိုင်းညို့က ပြောပြီး အပြင်ထွက်သွားသည်။
"အင်းအင်း"
အိပ်တစ်ဝက်နိုးတစ်ဝက်ဖြင့် ရေချိုးခန်းရှိရာသို့ သွားလိုက်သည်။
ရေအချို့ဖြင့် မျက်နှာသစ်လိုက်ပြီး ကိုယ့်ဖာသာကိုယ် ပြန်နှိုးလိုက်သည်။ထို့နောက် အဖြူရောင် ရှပ်အကျီနှင့် အပြာရောင် ဘောင်းဘီတိုတို့အား ဝတ်ဆင်လိုက်သည်။မီးလျှံခစား၏ လူများက ကိုယ့်အား ယခုထိအဝတ်အစားလာမပေးသေးတာကြောင့် သူ့အဝတ်များသာ ယူဝတ်နေရသည်။အနက်ရောင်ဆံပင်များကို ဟိုသပ်ဒီသပ် လုပ်လိုက်ကာ မီးလျှံခစား၏ အဖေဖြစ်သူ ရုံးခန်းဆီသို့ ထွက်လာခဲ့သည်။
သူက ကိုယ့်ကို ဘာပြောချင်တာပါလိမ့်? သူ့အိမ်ပေါ် တက်နေလို့များလား?
မီးလျှံခစား၏ စံအိမ်မှာ သုံးထပ်ရှိပြီး အိပ်ခန်းများမှာ အပေါ်ဆုံးထပ်တွင်ဖြစ်သည်။အလယ်ထပ်တွင် ရုံးခန်းနှင့် အစည်းအဝေးခန်းများရှိကြပြီး အောက်ဆုံးထပ်တွင်တော့ ဧည့်ခန်းသာရှိသည်။အလုပ်သမားများနှင့် ဂိုဏ်းသားများမှာ ဒုတိယထပ်အထိသာ တက်ခွင့်ရှိသည်။သို့သော် အရေးကြီးရင် ကြီးသလို စံအိမ်အနှံ့သွားလာနိုင်သည်။
အတွေးတို့အား ရပ်ကာ တံခါးခေါက်လိုက်သည်။
"ဝင်ခဲ့"
တုံ့ပြန်သံကြားသည်နှင့် အခန်းတံခါးကို ဖွင့်ကာ အထဲသို့ ဖြည်းညှင်းစွာ ဝင်လိုက်သည်။
YOU ARE READING
MAFIA Vs MAFIA
Randomနှစ်ပေါင်းများစွာ မာနပြိုင်ဆိုင်ကြလျက် အလစ်အငိုက်အား ချောင်းကာ တစ်ဦးကိုယ်တစ်ဦး အမြဲလုပ်ကြံသတ်ဖြတ်ရန် ကြံစည်နေကြသူနှစ်ဦး။နှစ်ဦးစလုံးမှာ မာဖီးယားများ ဖြစ်သည့်အလျှောက် အချင်းချင်း ရန်သူများဟုပင် သဘောထားပြီး ခြိမ်းခြောက်နေကြစမြဲပင်။ထိုလူနှစ်ဦးသည် မမျှော...
