[Unicode]
ပါးပါး၏ ပါးကို နောက်ဆုံးအကြိမ် နမ်းလိုက်ပြီးနောက် ထိုနေရာမှ ပြေးထွက်ခဲ့သည်။မြန်နိုင်သမျှ မြန်မြန်ပြေးကာ မျက်ရည်တို့ကလည်း အဆက်မပြတ် စီးဆင်းနေသည်။မျက်ရည်များကြောင့် ရှေ့ကို သေချာမမြင်နိုင်ပေမယ့် ဆက်ပြေးနေမိတုန်းပင်။ဖြစ်ခဲ့သမျှတွေကို Daddy ဆီသို့ ပြောပြရမည်။ဒါမှ Daddyက ပါးပါးနဲ့ ကိုယ့်ကို ကယ်နိုင်မှာ။လူဆိုးကြီးက မတ်တပ်ထရပ်ပြီး ကိုယ့်နောက်မှ ပြေးလိုက်လာသည်။ဒါပေမယ့် ကိုယ်က သူ့ထက်အများကြီးမြန်သည်။နောက်ဆုံးတော့ Daddy၏ အိမ်ရှေ့သို့ ရောက်ခဲ့တာကြောင့် အိမ်ထဲသို့ ပြေးဝင်လိုက်သည်။
"Daddy"
Daddy ကို အော်ခေါ်လိုက်သည်။
"ဟိုဟာ အဂ္ဂမလား"
တစ်ယောက်ယောက်က ထိုသို့ပြောသည့်အချိန်တွင် ပါးပါးကို သေနတ်ဖြင့် ပစ်ခဲ့သည့်လူမှာ ခြံထဲသို့ ဝင်လာသည်။
"Daddy ရေ ကယ်ပါ"
ခုနထက်ပင် ပိုကျယ်လောင်စွာ အော်လိုက်သည်။
"သူက ဘယ်လိုဒီရောက်လာတာလဲ"
မှိုင်းညို့က ပြောကာ မင်းအမိန့်ကို ဆွဲဖမ်းထားလိုက်သည်။မင်းအမိန့်က ပြန်မတိုက်ခိုက်ဘဲ သေနတ်ကို လွတ်ချကာ အဖမ်းခံသည်။
"Daddy"
အားလုံးက ကိုယ့်အား အူကြောင်ကြောင်ဖြင့် ကြည့်နေတာကြောင့် ထပ်အော်မိသည်။
"ဘာတွေဆူညံနေတာလဲ"
Daddy က လှေကားပေါ်မှ ဆင်းလာသည်။
"Daddy "
Daddy ဆီ ပြေးသွားတော့ Daddy က လက်များဆန့်တန်းကာ ကြိုဆိုနေသည်။
"သား ဒီကိုဘယ်လိုလာတာလဲ သားပါးပါးရော"
Daddy က အပြုံးများဖြင့် မေးသည်။
"Daddy "
"ဘာလို့လဲ သား"
"သူ သေသွားပြီ"
မင်းအမိန့်က ဝင်ပြောသည်။
"ငါသူ့ကို သတ်ပစ်နိုင်ခဲ့ပြီ"
"ဘာ"
"ပါးပါးက သားကို ပြေးခိုင်းပြီး ကယ်နိုင်မယ့် အကူအညီကို ရှာခိုင်းတာ ဒါပေမယ့် အဲ့လူကြီးက ပါးပါးကို သေနတ်နဲ့ ပစ်လိုက်တယ်"
YOU ARE READING
MAFIA Vs MAFIA
Randomနှစ်ပေါင်းများစွာ မာနပြိုင်ဆိုင်ကြလျက် အလစ်အငိုက်အား ချောင်းကာ တစ်ဦးကိုယ်တစ်ဦး အမြဲလုပ်ကြံသတ်ဖြတ်ရန် ကြံစည်နေကြသူနှစ်ဦး။နှစ်ဦးစလုံးမှာ မာဖီးယားများ ဖြစ်သည့်အလျှောက် အချင်းချင်း ရန်သူများဟုပင် သဘောထားပြီး ခြိမ်းခြောက်နေကြစမြဲပင်။ထိုလူနှစ်ဦးသည် မမျှော...
