[Unicode]
"ကိုယ်တို့ ကလေးက ဘာလေးဖြစ်မလဲ မသိဘူး ကိုယ့်လို Alpha လား ရှားလို Omega လေးဖြစ်မလားပဲ"
မီးလျှံခစားက ဇမ္ဗူရှား၏ ဆံပင်တို့ကို သပ်ပေးရင်းပြောသည်။
"ငါကတော့ Alpha ပဲဖြစ်စေချင်တယ် Omega တစ်ယောက်အနေနဲ့ မာဖီးယားလောက ကြမ်းတမ်းလွန်းတယ် ငါ့ကလေးကို ငါ့လို မကြုံစေချင်ဘူး"
"ဟုတ်ပါပြီဗျာ ရှားသဘော"
နှစ်ယောက်သား တစ်ယောက်ကို တစ်ယောက် ကြည့်ပြီး ပြုံးနေမိကြစဉ် အိမ်ထဲသို့ တစ်ယောက်ယောက် ဝင်လာသည်။
"Daddy"
မီးလျှံခစားက အံ့ဩစွာ ရေရွတ်လိုက်သည်။ဦးမင်းခစားကတော့ တံခါးဝ၌ ရပ်ကာ ပြုံးပြနေသည်။
"မင်းအဖေကို ထိုင်ခိုင်းလိုက်ဦးလေ"
ဇမ္ဗူရှားပြောမှ မီးလျှံခစားက သတိရသွားပုံပင်။
"လာ Daddy ထိုင်လေ ဘယ်လိုရောက်လာတာလဲ"
ဦးမင်းခစားက သူတို့နှင့် မျက်နှာချင်းဆိုင်တွင် ထိုင်နေရင်း
"မနေ့ညက တိမ်စိုင်နဲ့ ဖုန်းပြောဖြစ်တယ် စကားဆက်မိတော့ ဇမ္ဗူ့မှာ ကိုယ်ဝန်ရှိနေပြီဆိုလို့ လာကြည့်တာ နေရတာ အဆင်ပြေရဲ့လား"
ဦးမင်းခစားက ဇမ္ဗူရှားကို ကြည့်ကာ မေးလာတာကြောင့်
"အဆင်ပြေပါတယ် လနုသေးလို့ထင်တယ် ဘာမှ ထွေထွေထူးထူးမဖြစ်ဘူး"
"အင်း မီးလျှံတုန်းကဆို ငါးလလောက်ကတည်းက သူ့ Omega အဖေခမျာ လူးလိမ့်ခံရတာ ဟိုဟာမစားချင် ဒီဟာမစားချင်နဲ့"
ဦးမင်းခစားက သူ့အတွေ့အကြုံပြောပြသည်။
"Daddy ကျနော့်ရဲ့ Omega အဖေအကြောင်း ပြောပြဖူးတာ ဒါပထမဆုံးပဲ"
မီးလျှံခစား၏ စကားကြောင့် ဦးမင်းခစားမှာ မျက်နှာပျက်သွားသည်။
"မင်း သူ့အကြောင်းတွေ သိချင်လား"
ဦးမင်းခစားက မေးသည်။
"သူရဲ့ မျက်နှာကိုတောင် ကျနော် မေ့နေပြီ ကျနော် အမှတ်မိဆုံးကတော့ သူက ကျနော့်အပေါ် အရမ်းကြင်နာပြီး ဂရုစိုက်ပေးခဲ့တာပဲ သူရဲ့ပုံစံက ဘယ်လိုမျိုးလေးလဲဟင်"
YOU ARE READING
MAFIA Vs MAFIA
De Todoနှစ်ပေါင်းများစွာ မာနပြိုင်ဆိုင်ကြလျက် အလစ်အငိုက်အား ချောင်းကာ တစ်ဦးကိုယ်တစ်ဦး အမြဲလုပ်ကြံသတ်ဖြတ်ရန် ကြံစည်နေကြသူနှစ်ဦး။နှစ်ဦးစလုံးမှာ မာဖီးယားများ ဖြစ်သည့်အလျှောက် အချင်းချင်း ရန်သူများဟုပင် သဘောထားပြီး ခြိမ်းခြောက်နေကြစမြဲပင်။ထိုလူနှစ်ဦးသည် မမျှော...
