[Unicode]
"တိမ်စိုင် ဘာဖြစ်လာတာလဲ"
ကိုယ့်အား ဖက်ကာ ငိုနေသည့် တိမ်စိုင်ခစားကို ဇမ္ဗူရှားမှ မေးလိုက်သည်။
"ငါ ဘာပြောရမှန်းတောင် မသိတော့ဘူး"
တိမ်စိုင်ခစားက တစ်ချက်ရှိုက်ကာ ပြောသည်။
"တိမ်စိုင် ဘာဖြစ်လာတာလဲ ငါ့ကို ပြောပါ"
"မှိုင်းညို့က ငါ့ကို မချစ်ဘူးတဲ့"
"ဘာ မင်းက သူ့ကို ဖွင့်ပြောလိုက်လို့လား"
"မဟုတ်ဘူး ဒါပေမယ့် သူက ဘယ်တော့မှ ချစ်သူမထားဘူးလို့ ပြောတယ် ဆိုလိုတာက သူဘယ်သူ့ကိုမှ မချစ်ဘူးဆိုတဲ့ သဘောပဲ"
"သေချာပေါက်ပြောလို့မရပါဘူးကွာ"
"ငါမသိဘူး ငါသူ့ကို တကယ်ချစ်တာ အရင်လူတွေနဲ့တုန်းက ဒီလိုတောင် မငိုဖူးဘူး အခု သူက အဲ့လိုပြောလိုက်တော့ ငါတကယ်ခံစားရတယ်"
"ငါစိတ်မကောင်းပါဘူး"
ဝမ်းနည်းနေသူအား ကိုယ့်မှာ ပြန်ဖက်ရင်း နှစ်သိမ့်ပေးမိသည်။
"Babe သွားဖို့ အဆင်သင့်ဖြစ်ပြီလား"
မီးလျှံခစားက အခန်းထဲသို့ ဝင်လာပြီး မေးသည်။
"ဟို ငါ တိမ်စိုင်နဲ့ စကားပြောနေတာ"
"တိမ်စိုင်က ဘာဖြစ်လို့လဲ"
မီးလျှံခစားက သူ့ညီဖြစ်သူအား မေးလိုက်သည်။
"ဘာမှမဖြစ်ပါဘူး ငါအဆင်ပြေပါတယ် မင်းတို့သွားကြတော့"
တိမ်စိုင်ခစားက မျက်ရည်တို့ကို ဖိသုတ်ကာ ပြောသည်။
"ဒါပေမယ့်..."
"သွားပါ ငါအဆင်ပြေပါတယ်"
ဇမ္ဗူရှား၏ စကားကို တိမ်စိုင်ခစားက ဖြတ်ပြောသည်။ထို့အပြင် ပြုံးပင်ပြုံးပြလာသည်။
"လာ သွားရအောင်"
မီးလျှံခစားက ကိုယ့်လက်အား လာဆွဲတာကြောင့် တိမ်စိုင်ခစားဘက်သို့ တစ်ချက်လှည့်လိုက်ကာ အခန်းထဲမှ ထွက်ခဲ့သည်။
∆∆∆∆∆∆∆∆∆∆∆∆∆∆∆∆∆∆∆∆∆∆
"တိမ်စိုင် အဆင်ပြေပါ့မလားဟင်"
YOU ARE READING
MAFIA Vs MAFIA
Diversosနှစ်ပေါင်းများစွာ မာနပြိုင်ဆိုင်ကြလျက် အလစ်အငိုက်အား ချောင်းကာ တစ်ဦးကိုယ်တစ်ဦး အမြဲလုပ်ကြံသတ်ဖြတ်ရန် ကြံစည်နေကြသူနှစ်ဦး။နှစ်ဦးစလုံးမှာ မာဖီးယားများ ဖြစ်သည့်အလျှောက် အချင်းချင်း ရန်သူများဟုပင် သဘောထားပြီး ခြိမ်းခြောက်နေကြစမြဲပင်။ထိုလူနှစ်ဦးသည် မမျှော...
