[Unicode]
မီးလျှံခစားသည် မင်းအမိန့်၏ စာအား ဖတ်ပြီးနောက် ဒေါသအမျက် ခြောင်းခြောင်းထွက်နေတော့သည်။
မင်းအမိန့်က ကိုယ့်ကို နိုင်သွားပြီလား?
သူဘယ်လိုလုပ်ပြီး ဇမ္ဗူရှားကို ဖမ်းသွားတာလဲ?
စံအိမ်တစ်ခုလုံးက လုံခြုံရေးတေွ အပြည့်ရှိသည်။သို့သော် မင်းအမိန့်ကတော့ကိုယ့်ကို လုပ်ကြံရန် စံအိမ်ထဲကို အသာလေး ဝင်ထွက်နေမြဲပင်။
စာရွက်အား ဆုပ်ချေလိုက်ကာ အခန်းအပြင်သို့ ခြေလှမ်းကျဲကျဲဖြင့် ထွက်ခဲ့သည်။ဧည့်ခန်းထဲသို့ ရောက်သွားသောအခါ အရက်သောက်လိုက် ရယ်မောလိုက်ဖြင့် ပျော်ရွှင်နေကြသော ကိုယ်၏ လက်အောက်ငယ်သားများအား တွေ့ရသည်။သူတို့ကြည့်ရတာ မင်းအမိန့်က ကိုယ့်စံအိမ်ထဲအထိဝင်ပြီး ဇမ္ဗူရှားအား ဖမ်းခေါ်သွားခြင်းကို နည်းနည်းလေးမှသိပုံမပေါ်။ထိုအခြင်းအရာက ကိုယ်၏ ဒေါသကို ပိုဆွပေးနေသယောင်။မှိုင်းညို့လည်း ထိုနေရာတွင် ရှိနေသည်။အခြားလူများနည်းတူ ရယ်မောပျော်ရွှင်နေသည်။
"မင်းတို့ကို အသေသတ်ပေးဖို့ အသနားခံလာတဲ့အထိ ငါအပြစ်ပေးပြမယ် မင်းတို့သောက်မျက်လုံးတွေ ကန်းသွားအောင် လုပ်ပစ်လိုက်ချင်တယ်"
ကိုယ်အော်လိုက်တော့ သူတို့က ကြောင်တောင်တောင်မျက်လုံးများဖြင့် ကြည့်လာကြသည်။
"ခေါင်းဆောင် ဘာဖြစ်လာတာလဲ?တစ်ခွက်လောက် သောက်ပါဦး"
မှိုင်းညို့က ပြောကာ ကိုယ့်အား ဝိုင်တစ်ခွက်ကို ကမ်းပေးသည်။
"ဘာဖြစ်နေလဲဆိုတာ ငါပြောပြမယ် မင်းအမိန့်က အိမ်ထဲအထိ ဝင်ပြီး ဇမ္ဗူရှားကို ဖမ်းသွားတယ် မင်းတို့ ငါ့ကို ပြောစမ်းပါဦး သူ ဒါကို ဘယ်လိုလုပ်နိုင်သွားလဲဆိုတာ မပြောနိုင်ရင် မင်းတို့မျက်လုံးတွေထဲကို သေနတ်နဲ့ပစ်ပေးမယ်"
ကိုယ်အော်နေသည့်အချိန်တွင် တိမ်စိုင်ခစားက ဧည့်ခန်းရှိရာသို့ လျှောက်လာသည်။
"ဘာလို့ အော်ဟစ်နေတာလဲ"
တိမ်စိုင်ခစားက မေးသည်။
"ငါပြောပြမယ် မင်းအမိန့်က ဇမ္ဗူရှားကို ဖမ်းသွားပြီ"
"ဘယ်လို"
YOU ARE READING
MAFIA Vs MAFIA
Randomနှစ်ပေါင်းများစွာ မာနပြိုင်ဆိုင်ကြလျက် အလစ်အငိုက်အား ချောင်းကာ တစ်ဦးကိုယ်တစ်ဦး အမြဲလုပ်ကြံသတ်ဖြတ်ရန် ကြံစည်နေကြသူနှစ်ဦး။နှစ်ဦးစလုံးမှာ မာဖီးယားများ ဖြစ်သည့်အလျှောက် အချင်းချင်း ရန်သူများဟုပင် သဘောထားပြီး ခြိမ်းခြောက်နေကြစမြဲပင်။ထိုလူနှစ်ဦးသည် မမျှော...
