MAFIA Vs MAFIA

Episode 19

[Unicode]

လွန်ခဲ့သော 18နှစ်ခန့်

အသက်ခြောက်နှစ်အရွယ်သာ ရှိသေးသော မင်းအမိန့်သည် ကျောင်းရှိ ရွယ်တူကလေးများ၏ အနိုင်ကျင့်ခြင်းကို အမြဲတစေ ခံရ‌ေလ့ရှိသည်။ပါဝါအထူကြီးရှိသော မျက်မှန်ကို တပ်ဆင်ကာ အရွယ်နှင့်မလိုက်အောင် ထွားကြိုင်းဝဖြိုးတာကြောင့် ရုပ်ဆိုးကောင်၊ဖက်တီးကောင် စသဖြင့် အမြဲလှောင်ပြောင်ခံခဲ့ရသည်။တစ်နေ့၌ ထုံးစံအတိုင်း အနိုင်ကျင့်သူများနှင့် တွေ့ကာ နှိပ်စက်ခံရတာကြောင့် သွေးထွက်လွန်ကာ သတိလစ်မေ့မျောသွားခဲ့သည်။ထိုအခါ အနိုင်ကျင့်သူများက သူ့အား ထိုနေရာတွင် ပစ်ထားခဲ့ကြပြီး ထွက်ခွာခဲ့ကြသည်။ယင်းအချိန်တွင် သူနဲ့ရွယ်တူ ကောင်လေးတစ်ယောက်က သူ့အား တွဲပြီး ကျောင်းဆေးခန်းသို့ ပို့ပေးခဲ့သည်။နောက်ပိုင်းများတွင် ထိုကောင်လေးမှာ သူ့ဘက်မှ အမြဲရပ်တည်ပေးပြီး အနိုင်ကျင့်သူများဆီမှလည်း ကာကွယ်ပေးခဲ့သည်။သူငယ်ချင်းများဖြစ်သွားကြပြီးသည့် ထိုကောင်လေး၏ နာမည်မှာ မီးလျှံခစားဖြစ်ကြောင်း သူသိခဲ့ရသည်။မင်းအမိန့်မှာ မီးလျှံခစားကို ချက်ချင်းခင်မင်သွားပြီး အကောင်းဆုံးသူငယ်ချင်းဟုပင် သဘောထားခဲ့သည်။အမြဲတမ်း တပူးပူးတတွဲတွဲဖြင့် အတူသွား အတူလာဖြစ်ခဲ့ကြသည်။မီးလျှံခစားမှာလည်း သူ့အား ခင်မင်ပါသည်။မီးလျှံခစား အဖေ၏ အိမ်တွင်းအကြမ်းဖက်မှုများကိုတောင် သူ့ကို အမြဲရင်ဖွင့်ခဲ့သည်။ငယ်ဘဝတွင် မီးလျှံခစားသည် သူ့အတွက်တော့ အကောင်းဆုံး သူငယ်ချင်း‌တစ်ယောက်ဖြစ်ခဲ့ပါသည်။

သူတို့နှစ်ယောက်လုံး အသက်ဆယ့်သုံးနှစ်ပြည့်တော့ မီးလျှံခစားရဲ့အဖေက မီးလျှံခစားကို အမွေဆက်ဆံဖို့ စတင်လေ့ကျင့်ပေးတော့သည်။ရိုးရှင်းတယ်ထင်ရပေမယ့် တကယ်တမ်းတော့ လှည့်ကွက်တွေ ရှိနေခဲ့သည်။မီးလျှံခစားရဲ့အဖေက သူ့နေရာကို ပေးရုံအပြင် သူ့သားရဲ့ စိတ်ထဲကိုပါ အမုန်းတရားတွေနဲ့ ဥပက္ခာတရားတွေကိုပါ အမွေဆက်ဆံခိုင်းခဲ့သည်။မီးလျှံခစား၏ အဖေဖြစ်သူ ဦးမင်းခစားမှာ သူ၏သားဖြစ်သူ စိတ်ထဲ၌ အာဏာအား မက်မောစေရန် နည်းအမျိုးမျိုးဖြင့် ပြုလုပ်ခဲ့သည်။ထို့နောက်တွင်တော့ မီးလျှံခစားမှာ သူ၏ဖခင်ကြိုးဆွဲရာ ကရသည့် မာဖီးယားရုပ်သေးရုပ်တစ်ရုပ်ဖြစ်ခဲ့တော့သည်။