[Unicode]
မီးလျှံခစားနှင့် ဇမ္ဗူရှားတို့ မဂ်လာဆောင်ဝတ်စုံဝယ်ခဲ့သည့် ဆိုင်သို့ပင် လာလိုက်ကြသည်။ဆိုင်ထဲဝင်လိုက်တော့ ဇမ္ဗူရှားအား ဝတ်စုံရွေးပေးခဲ့သည့် လူနှင့် ပြန်တွေ့သည်။
"အရင်လက မဂ်လာဝတ်စုံလာဝယ်ခဲ့တဲ့ ဧည့်သည်တွေမလား"
"ဟုတ်ပါတယ် အခုတစ်ခေါက်ကတော့ ကျနော့်အချစ်ဆုံး သူငယ်ချင်းနှစ်ယောက်အတွက် ဝတ်စုံလာရှာတာပါ သူတို့က သတို့သားအရံတွေ လုပ်မှာလေ"
ဇမ္ဗူရှားက ပြန်ဖြေလိုက်သည်။
"ဟုတ်ပါပြီ ဒါဆို စလိုက်ရအောင် ဘယ်လိုဝတ်စုံမျိုး လိုချင်ကြပါသလဲ"
ဆိုင်ဝန်ထမ်းက မေးသည်။
"အင်း ကျနော်တို့က မဂ်လာဆောင်ပုံစံကို အဖြူရောင် Theme နဲ့ ပြင်ဆင်ထားတာ အရင်တစ်ခါကလည်း အဖြူရောင်ဝတ်စုံပဲဆိုတော့ လိုက်ဖက်မယ့်ဟာလေးတွေ ပြပေးပါ"
ဇမ္ဗူရှားက ပြောသည်။
"ဘယ်လို ဒီဇိုင်းမျိုးရော လိုချင်လဲ"
"အဖြူရောင် ဒီဇိုင်းဆန်းလေးမှာ ငွေရောင်လေးတွေ ထည့်ထားတာဆိုရင်ရော"
ဇမ္ဗူရှားက မေးလိုက်သည်။
"ဧည့်သည်လိုချင်တဲ့ ပုံစံနဲ့ ကိုက်ညီတာ ရှိပါတယ် ကြွပါ"
ဆိုင်ဝန်ထမ်း၏ စကားကြောင့် ကျန်လူများမှာ နောက်မှ လိုက်သွားကြရင်း အဝတ်အစားလဲခန်းထဲသို့ ရောက်သွားသည်။
"ဒီမှာပါ စမ်းဝတ်ကြည့်ပါဦး"
ဆိုင်ဝန်ထမ်းက တိမ်စိုင်ခစားဆီသို့ ဝတ်စုံအား လှမ်းပေးလိုက်သည်။တိမ်စိုင်ခစားက အဝတ်အစားလဲခန်းထဲသို့ ဝင်သွားပြီး ကျန်လူများကတော့ အပြင်၌သာ စောင့်နေကြသည်။
"ဒါနဲ့ မဂ်လာပွဲက ဘယ်နေ့များလဲ"
တိမ်စိုင်ခစား အပြင်ထွက်အလာကို စောင့်နေစဉ်တွင် ဆိုင်ဝန်ထမ်းက ဇမ္ဗူရှားကို မေးသည်။
"နောက်နှစ်ပတ်မှပါ ဒီဇင်ဘာ 27 လေ"
ဇမ္ဗူရှားက ပြန်ဖြေလိုက်သည်။
"အရမ်းကောင်းတာပဲ အိုအောင်မင်းအောင် ပေါင်းကြရပါစေနော်"
ဆိုင်ဝန်ထမ်းက ဆုတောင်းပေးသည်။
YOU ARE READING
MAFIA Vs MAFIA
Randomနှစ်ပေါင်းများစွာ မာနပြိုင်ဆိုင်ကြလျက် အလစ်အငိုက်အား ချောင်းကာ တစ်ဦးကိုယ်တစ်ဦး အမြဲလုပ်ကြံသတ်ဖြတ်ရန် ကြံစည်နေကြသူနှစ်ဦး။နှစ်ဦးစလုံးမှာ မာဖီးယားများ ဖြစ်သည့်အလျှောက် အချင်းချင်း ရန်သူများဟုပင် သဘောထားပြီး ခြိမ်းခြောက်နေကြစမြဲပင်။ထိုလူနှစ်ဦးသည် မမျှော...
