[Unicode]
"ဘာ?"
"မင်းက သူ့ကို အတင်းလက်ထပ်ခိုင်းလို့ လက်ထပ်ရတာလားလို့"
ပြန်မဖြေသည့် မီးလျှံခစားကြောင့် ဇမ္ဗူရှားက ဝင်ဖြေပေးလိုက်သည်။
"ငါတို့နှစ်ယောက်လုံးက အတင်းလက်ထပ်ဖို့ ဖိအားပေးခံခဲ့ရတာ အဲ့ဒါအပြင် သူ့အဖေက မျိုးဆက်ပါ မွေးပေးဖို့ တောင်းဆိုခဲ့သေးတယ် ရပြီလား"
"ဘာတွေလဲ ငါနားမလည်တော့ဘူး"
ထိုကောင်လေးက ခေါင်းကို ခါကာ စိတ်ညစ်နေသည့် လေသံဖြင့်ပြောသည်။
"သိပြီဆို မင်းပါးစပ်ပိတ်လိုက်တော့"
မီးလျှံခစားက အော်လိုက်သည်။
ယခုအချိန်ထိ ထိုကောင်လေးက ဘယ်သူမှန်း ဇမ္ဗူရှားမသိသေးပါ။မီးလျှံခစား၏ သူငယ်ချင်းလား ချစ်သူလား?
"ငါက ဒီစံအိမ်ရဲ့ ခေါင်းဆောင်တစ်ယောက် မင်းမှာ ငါ့ကို အော်ပိုင်ခွင့်မရှိဘူး"
"ဟုတ်ပါပြီ မင်းကို အော်ပြောရတာလဲ ငါတော်တော် လည်ချောင်းနာနေပြီ"
နှစ်ယောက်သား အားရအောင် ရန်ဖြစ်ပြီးသည့်အခါ ကိုယ်နှင့် မှိုင်းညို့ဘက်သို့ လှည့်လာကြသည်။
"ငါ့အထင်တော့ သူတို့ ငါဘယ်သူလဲဆိုတာ သိချင်နေကြပုံပဲ"
ထိုသို့ပြောကာ ကောင်လေးက ကိုယ်တို့အနားသို့ တိုးလာသည်။
"ငါ့နာမည်က တိမ်စိုင်ခစား သူကတော့ ငါ့အကို မီးလျှံခစားလေ"
သူက ချစ်စရာအပြုံးလေးဖြင့် မိတ်ဆက်သည်။
ကိုယ့်အတွေးတို့ မှားသွားခဲ့သည်။ဒီကောင်လေးက သူ့ချစ်သူမဟုတ် သူ့ညီလေးပင်။ပြောချင်တာက ဒီကောင်လေး သူ့ချစ်သူ ဟုတ်မဟုတ် ဂရုမစိုက်ပါ။ပြီးတော့ မီးလျှံခစားကိုလည်း လုံးဝလက်မထပ်ချင်ပါ။
"ငါ့နာမည်က ဇမ္ဗူရှား"
သူက လက်တစ်ဖက်ကမ်းပေးရင်း မိတ်ဆက်လာတာကြောင့် ကိုယ်လည်း လက်ဆွဲနှုတ်ဆတ်လိုက်သည်။ဒါ ယဉ်ကျေးမှုတစ်ခုပဲလေ။
ကိုယ့်နာမည်အား ကြားချိန်တွင် သူက လက်ကိုဖြုတ်လိုက်ပြီး ကိုယ့်ကို တင်းကျပ်စွာ ဖက်လိုက်သည်။သူ၏ ပွေ့ဖက်ခြင်းကြောင့် ကိုယ့်မှာ ကြောင်သွားမိသည်။
YOU ARE READING
MAFIA Vs MAFIA
Randomနှစ်ပေါင်းများစွာ မာနပြိုင်ဆိုင်ကြလျက် အလစ်အငိုက်အား ချောင်းကာ တစ်ဦးကိုယ်တစ်ဦး အမြဲလုပ်ကြံသတ်ဖြတ်ရန် ကြံစည်နေကြသူနှစ်ဦး။နှစ်ဦးစလုံးမှာ မာဖီးယားများ ဖြစ်သည့်အလျှောက် အချင်းချင်း ရန်သူများဟုပင် သဘောထားပြီး ခြိမ်းခြောက်နေကြစမြဲပင်။ထိုလူနှစ်ဦးသည် မမျှော...
