[Unicode]
ခေါင်းရှိအမြှုပ်တို့နှင့် ခုနလေးတင်မှ ပေသွားသော လတ်လတ်ဆတ်ဆတ်သွေးတို့အား ပြောင်စင်အောင် ရေဖြင့်ဆေးချလိုက်သည်။နောက်ဆုံးတော့ ရေချိုးခြင်းမှာ အောင်မြင်စွာ ပြီးမြောက်ခဲ့ပြီ။
ခန္ဓာကိုယ်ရှိ ရေစက်တို့အား သဘတ်ဖြင့် သုတ်ကာ အဝတ်အစားလဲခန်းရှိရာသို့ သွားလိုက်သည်။အခန်းထဲရှိ အဝတ်တန်းများမှာ အနက်ရောင်အဝတ်အစားများဖြင့် ပြည့်နေသည်။ဒါပေမယ့် တချို့အကျီတွေမှာတော့ အနက်ရောင်အပြင် အခြားအရောင်များလည်း ပါဝင်ပါသည်။
Gucci, Hermes, Fendi, Louis Vuitton
စသော Brand ပစ္စည်းများဖြင့် စင်တိုင်းက ပြည့်နေပြီး ထို Brandများမှာ ကိုယ်အကြိုက်ဆုံး ရွေးချယ်မှုများပင်ဖြစ်သည်။ဒါပေမယ့် နေ့တိုင်းလိုလိုတော့ တူညီတဲ့အဝတ်အစားပုံစံကိုသာ ဝတ်ဆင်ရင်း အဆုံးသတ်သွားလေ့ရှိသည်။အနက်ရောင် Tank top နှင့် အနက်ရောင် ဂျင်းပြဲဘောင်းဘီကိုသာ အမြဲဝတ်ဆင်လေ့ရှိသည်။
ကိုယ်က လူများအမြင်မှာ ကြည့်ကောင်းပြီး မိမိုက်နေဖို့ကို ဂရုမစိုက်။လူတစ်ယောက်၏ လည်ပင်းအား ဘယ်လိုလှီးဖြတ်ရမလဲဆိုတာကို ပိုစိတ်ဝင်စားသည်။ဒါ့အပြင် အနက်ရောင်မှာ ဘာနဲ့တွဲဝတ်ဝတ် လိုက်ဖက်ပြီး မတော်တဆ ဒဏ်ရာရခဲ့လျှင်တောင် သွေးတို့အား ဖုံးကွယ်ပေးထားနိုင်သည်လေ။
ဗီရိုတံခါးအား ဆွဲဖွင့်လိုက်ပြီး ပုံမှန်ဝတ်နေကျ အဝတ်အစားအား ယူလိုက်သည်။ထို့နောက် အဝတ်လဲခန်းအတွင်းရှိ တံခါးနောက်တစ်ခုအား ဖွင့်လိုက်သည်။ထိုအခန်းမှာ ဖိနပ်ခန်းဖြစ်သည်။ဖိနပ်စင်ထားရန် မလောက်တာကြောင့် အခန်းသပ်သပ် လုပ်ထားရခြင်းပင်။
အခန်းထဲ လမ်းလျှောက် ဝင်လာရင်း စင်ပေါ်ရှိ ဖိနပ်တို့အား လက်ဖြင့် အသာတို့ထိနေသည်။ကြိုက်တဲ့တစ်ရန်တွေ့သည့်အခါ ယူစီးလိုက်သည်။မကြာခင် ညစ်ပေသွားတော့မယ်ဆိုတာ သိတာကြောင့် အနည်းငယ်ဟောင်းနွမ်းနေသည့် စစ်ဖိနပ်အား ရွေးချယ်လိုက်သည်။ဆံပင်တို့အား လက်ဖြင့် လျင်လျင်မြန်မြန် သပ်ရပ်အောင် လုပ်လိုက်သည်။တာဝန်တစ်ခု လုပ်ရတော့မည်ဆို ထိုကဲ့သို့ပင် အမြဲပြင်ဆင်လေ့ရှိသည်။
YOU ARE READING
MAFIA Vs MAFIA
Randomနှစ်ပေါင်းများစွာ မာနပြိုင်ဆိုင်ကြလျက် အလစ်အငိုက်အား ချောင်းကာ တစ်ဦးကိုယ်တစ်ဦး အမြဲလုပ်ကြံသတ်ဖြတ်ရန် ကြံစည်နေကြသူနှစ်ဦး။နှစ်ဦးစလုံးမှာ မာဖီးယားများ ဖြစ်သည့်အလျှောက် အချင်းချင်း ရန်သူများဟုပင် သဘောထားပြီး ခြိမ်းခြောက်နေကြစမြဲပင်။ထိုလူနှစ်ဦးသည် မမျှော...
