[Unicode]
"ဘာများလဲ ခ "
သားလေးမနိုးစေရန် အိပ်ရာပေါ်မှ အသာထကာ မေးလိုက်သည်။
"မင်းအမိန့်ကိစ္စကတော့ ရှင်းသွားပေမယ့် ရှားကို အရေးတကြီး ပြောစရာရှိလာလို့"
"အင်း ရတယ် ပြောလေ ဘာများလဲ သားကို ကျောင်းပို့ဖို့ ကိစ္စလား ဒါဆိုရင်တော့ ငါသဘောတူတယ် သားက မူကြိုတက်သင့်နေပြီ"
"ဟင့်အင်း ကိုယ်ပြောချင်တာ အဲ့ဒါမဟုတ်ဘူး"
မီးလျှံခစားက ခေါင်းငိုက်စိုက်ချကာ ငြင်းသည်။
"ဒါဆို ဘာလဲ ခ ရဲ့"
"ရှား သိတဲ့အတိုင်းပဲ မင်းအမိန့်က ဘယ်ချိန် ပြန်ပေါ်လာဦးမလဲမသိဘူး ကိုယ် ရှားနဲ့ သားရဲ့ လုံခြုံရေးအတွက် စိတ်ပူတယ် ဒါကြောင့် ကိုယ်ဆုံးဖြတ်လိုက်တယ် ရှားတို့ကို နှစ်အနည်းငယ်လောက် အီတလီကို ပို့ထားမလားလို့ မင်းအမိန့်လံုးဝသေပြီဆိုတာ သေချာတဲ့အထိလေ"
မီးလျှံခစားက မျက်မှောင်ကို ကြုံ့ကာ ပြောသည်။
"နှစ်အနည်းငယ်...နှစ်အနည်းငယ်လောက် ခွဲနေရမှာလား"
မျက်ရည်များကို တင်းခံရင်း မေးလိုက်သည်။
"ကိုယ်လည်း ဒီလိုမလုပ်ချင်ပါဘူး ဒါပေမယ့် ရှားတို့ ဘေးကင်းဖို့ ဒီနည်းပဲရှိတယ် ကိုယ်နဲ့ဝေးမှ ရှားတို့ လုံခြုံဖို့က သေချာမှာ ဒီဆုံးဖြတ်ချက်က ရှားတို့အတွက်ဆိုတာ နားလည်စေချင်တယ် ကိုယ်မင်းကို အရမ်းချစ်တယ် ရှား"
ထို့နောက် ကိုယ့်အား တင်းကျပ်စွာ ဆွဲဖက်သည်။
"ငါမင်းကို မထားခဲ့နိုင်ဘူး"
မျက်ရည်တို့က စီးကျလာသည်။
"ကိုယ်လည်း မခွဲချင်ပါဘူး ရှားနဲ့ သားကို အန္တရာယ်မဖြစ်စေချင်လို့ပါ"
ကိုယ့်နဖူးအား နမ်းကာ ပြောသည်။
"ငါ မင်းကို အရမ်းချစ်တယ်နော် အရူးကောင်"
"ကိုယ်က ပိုပါတယ် ရှား"
ထို့နောက် ဖက်ထားရာမှ ခွာလိုက်သည်။
"ငါ အထုပ်အပိုးပြင်လိုက်မယ်"
မျက်ရည်များကို သုတ်ရင်း ပြောမိသည်။
YOU ARE READING
MAFIA Vs MAFIA
Randomနှစ်ပေါင်းများစွာ မာနပြိုင်ဆိုင်ကြလျက် အလစ်အငိုက်အား ချောင်းကာ တစ်ဦးကိုယ်တစ်ဦး အမြဲလုပ်ကြံသတ်ဖြတ်ရန် ကြံစည်နေကြသူနှစ်ဦး။နှစ်ဦးစလုံးမှာ မာဖီးယားများ ဖြစ်သည့်အလျှောက် အချင်းချင်း ရန်သူများဟုပင် သဘောထားပြီး ခြိမ်းခြောက်နေကြစမြဲပင်။ထိုလူနှစ်ဦးသည် မမျှော...
