[Unicode]
"ဒီအရွယ်ထိ တံခါးမခေါက်တတ်သေးဘူးလား"
အဖေက အလုပ်စားပွဲ၌ ထိုင်နေရင်း ပြောသည်။ပါးစပ်၌ ဈေးကြီးလှသော ဆေးပေါ့လိပ်တစ်လိပ်အား ဖွာလျက် သူ့အနေအထားနှင့် ကိုက်ညီသော တန်ဖိုးရှိသည့် အနောက်တိုင်းဝတ်စုံအားလည်း ဝတ်ဆင်ထားသေးသည်။
အဖေဖြစ်သူအား ကြည့်လိုက်တော့ အဖေဖြစ်သူ၏ ရင်ခွင်ထဲ၌ ပါးအပ်ကာ ရှက်သွေးဖြာနေသော ပါးပါးအား ထပ်မြင်လိုက်သည်။
'ဝင်လာမိတာ မှားပြီ'
"နှောင့်ယှက်မိသွားလို့ တောင်းပန်ပါတယ်"
သူတို့နှစ်ယောက်ဆီမှ ခပ်မြန်မြန် အကြည့်လွှဲကာ အခန်းထောင့်ရှိ ဗီရိုဆီသို့ သွားလိုက်သည်။ဗီဒိုတံခါးအား ဆွဲဖွင့်လိုက်ကာ အထဲမှ အရေးပေါ်ဆေးသေတ္တာအား ထုတ်ယူလိုက်သည်။ထို့နောက် အခန်းနံရံ၌ ကပ်ကာ ထားရှိသော ဆိုဖာခုံ၌ ဝင်ထိုင်လိုက်သည်။
ယခုမှပင် Alpha အဖေဖြစ်သူက ကိုယ်၏ အဝတ်မပါသော ခန္ဓာကိုယ်အပေါ်ပိုင်းအား သတိထားမိသွားသည်ထင် သူ၏မျက်လုံးအား အုပ်လိုက်ကာခပ်တိုးတိုးဆဲလိုက်ပြီး ခေါင်းအား တခါခါဖြင့်။
ရာထူးကြောင့် အဖေဟာ ကြောက်မက်ဖွယ်ကောင်းသော လူတစ်ယောက်ဖြစ်နေသည့်အပြင် အရပ်မှာ ၆ပေ၃လက်မခန့်ရှိပြီး ထစ်ခနဲဆို ပစ်တတ်ခတ်တတ်သော စိတ်ရှိသူဖြစ်တာကြောင့် မာဖီးယားတစ်ယောက်ဖြစ်လာရန် သိပ်တော့ မခက်ခဲခဲ့ချေ။
ညိုသော အသားအရေက သူ့အား မြန်မာလူမျိုးစစ်စစ်ဖြစ်ကြောင်း ထောက်ပံ့ပေးနေပြန်သည်။သူ၏ အနက်ရောင်ဆံပင်အား အမြဲတစေ Long Crew Cut ကိုသာ စတိုင်ကျကျ ညှပ်ထားလေ့ရှိသည်။သူ၏ မျက်နှာအား အမွှေးအမျှင်မရှိစေရန် အမြဲဂရုစိုက်ပေမယ့် မနက်မုတ်ဆိတ်ရိတ်လျှင် ညဘက်၌ မုတ်ဆိတ်မွှေးအတိုလေးများက သူ၏မေးရိုးတစ်လျှောက် ပြန်ထွက်လာသည်မှာလည်း တစ်မျိုးကြည့်ကောင်းပြန်သည်။အသက်လေးဆယ့်ခုနစ်နှစ်ရှိပြီဖြစ်သော်လည်း နေ့တိုင်း အလုပ်များကို အနားမယူဘဲ လုပ်နေဆဲပင်။သူ၏လမ်း၌ လာရှုပ်သမျှ လူတိုင်းကိုလည်း အပြုံးမပျက် တက်နင်းပစ်ဆဲပင်။
YOU ARE READING
MAFIA Vs MAFIA
Randomနှစ်ပေါင်းများစွာ မာနပြိုင်ဆိုင်ကြလျက် အလစ်အငိုက်အား ချောင်းကာ တစ်ဦးကိုယ်တစ်ဦး အမြဲလုပ်ကြံသတ်ဖြတ်ရန် ကြံစည်နေကြသူနှစ်ဦး။နှစ်ဦးစလုံးမှာ မာဖီးယားများ ဖြစ်သည့်အလျှောက် အချင်းချင်း ရန်သူများဟုပင် သဘောထားပြီး ခြိမ်းခြောက်နေကြစမြဲပင်။ထိုလူနှစ်ဦးသည် မမျှော...
