[Unicode]
အိမ်ပြန်ေရာက်သည့်အခါ မီးလျှံခစား၏ ချိန်းဆိုမှုအား မိဘများနှင့် မှိုင်းညို့ကို ပြောပြလိုက်သည်။
"ဘာကိစ္စမှန်းမသိပေမယ့် ငရဲကလည်း အဖေ့ကို ပွဲမှာရှောင်နေပြီး နောက်ရက်မှ တွေ့ဖို့ပြောတယ် ကြည့်ရတာ အကူအညီတောင်းဖို့ကို ကြိုသိနေပုံပဲ"
အဖေက လေးလေးနက်နက် တွေးနေသည့်ပုံဖြင့် ခေါင်းညိတ်ကာ ပြောသည်။
"ဒါဆို ဒီလုပ်ကြံမှုမှာ သေချာပေါက် မက္ကဆီကန်တွေပါလိမ့်မယ် သူတို့ ကူညီကြမယ်မထင်ဘူး"
ဉာဏ်ကောင်းသူဖြစ်သည့့် ပါးပါးက အခိုင်အမာပြောသည်။
တွေးလေတွေးလေ ဒေါသထွက်လေပင်။မက္ကဆီကန်တွေကို ကိုယ်တို့ဂိုဏ်းမှ ကူညီခဲ့တာ တစ်ခါနှစ်ခါ မကပေ။မဟာမိတ်ဆက်ဆံရေးမှာလည်း အလွန်ပင် ကောင်းခဲ့သည်မဟုတ်လား။ဘာကြောင့်များ ကိုယ်တို့နှင့် ရန်သူဖြစ်ချင်ရတာလဲ။
"ကျနော့်အထင်တော့ သူတို့က ဇမ္ဗူ့ကို ဒီနေရာကနေ ဆင်းခိုင်းချင်ကြပုံပဲ ဘာလို့ဆို သူတို့ထက် တော်နေလို့လေ သူတို့မပြောနဲ့ ကျနော့်တို့ ဂိုဏ်းထဲမှာတင် ဇမ္ဗူ့ရဲ့ သမာသမတ်ကျမှုကို မကြိုက်တဲ့လူတွေရှိနေကြတယ်"
မှိုင်းညို့က ဝင်ထောက်ခံသည်။မှိုင်းညို့၏ စကားများက မှန်ကန်ပါသည်။ဘာလို့ဆို Omega ဖြစ်နေသည့်ကိုယ့်အား ဘယ်သူမှ မလေးစားချင်ကြပေ။
"ဘာပဲဖြစ်ဖြစ် အခုချိန်မှာ အကူအညီထပ်ရှာရုံပဲရှိကြတော့တာပေါ့"
သက်ပြင်းတစ်ချက်ချကာ ပြောလိုက်မိသည်။တစ်ဂိုဏ်းမဟုတ် တစ်ဂိုဏ်းကတော့ ကူညီမှာပါ။
ထိုစဉ် တံခါးခေါက်သံ စကားဝိုင်းမှာ ရပ်တန့်သွားသည်။
"ဝင်ခဲ့"
အဖေက အမိန့်ပေးလိုက်သောအခါ ဂိုဏ်းအဖွဲ့ဝင်တစ်ယောက်က ဝင်လာသည်။
"ဒီစာအိတ်ကို ဂိတ်တံခါးထဲက စာတိုက်ပုံးထဲမှာ တွေ့လို့ လုံခြုံရေးစစ်ဆေးပြီး ယူခဲ့ပါတယ် သာမာန်စာတစ်စောင်ပါပဲ"
ထိုလူနှင့် အနီးဆုံးဖြစ်သည့် ကိုယ်က စာအိတ်အား ယူလိုက်ကာ ထိုလူအား အခန်းထဲမှ ထွက်သွားရန် အမူအယာပြလိုက်သည်။ထို့နောက် အဖေ့ကို ကြည့်တော့ အဖေက ခေါင်းညိမ့်ကာ ဖွင့်ရန် ပြောသည်။
YOU ARE READING
MAFIA Vs MAFIA
Randomနှစ်ပေါင်းများစွာ မာနပြိုင်ဆိုင်ကြလျက် အလစ်အငိုက်အား ချောင်းကာ တစ်ဦးကိုယ်တစ်ဦး အမြဲလုပ်ကြံသတ်ဖြတ်ရန် ကြံစည်နေကြသူနှစ်ဦး။နှစ်ဦးစလုံးမှာ မာဖီးယားများ ဖြစ်သည့်အလျှောက် အချင်းချင်း ရန်သူများဟုပင် သဘောထားပြီး ခြိမ်းခြောက်နေကြစမြဲပင်။ထိုလူနှစ်ဦးသည် မမျှော...
