[Unicode]
"ဟဲလို"
တစ်ဖက်လူ၏ အသံကို ကြားကြားချင်းပင် ဘာဆက်ပြောရမှန်းမသိတော့။
"တောင်းပန်ပါတယ် ဖုန်းမှားသွားလို့"
ဖုန်းကို လျင်မြန်စွာပင် ချလိုက်သည်။
သူ၏အသံကို ကြားလိုက်ရသည့်အချိန်တွင် ကိုယ့်စိတ်ထဲ ဘယ်လိုဖြစ်သွားမှန်းမသိပေ။အစကတော့ သူနဲ့စကားပြောပြီး သူ့ဆီပြန်လာဖို့ တောင်းဆိုချင်လို့ပင်။သူ့ကို ဘယ်လောက်လွမ်းကြောင်း သူနဲ့တွေ့ချင်ကြောင်း ပြောချင်မိသည်။သားလေးကိုလည်း သူ့Daddyမရှိရင် ဆက်ထိန်းထားနိုင်မှာမဟုတ်တော့။ဘာလို့များ ဖုန်းကို ချလိုက်မိတာလဲ။
~~~
"သား ထတော့"
သား၏ အခန်းသို့ သွားကာ နှိုးလိုက်သည်။
"ဘာလုပ်မလို့လဲ ပါးပါး"
"ထတော့ ပါးပါးတို့ သွားစရာရှိတယ်"
"ဘယ်သွားမှာလဲ"
သားက မျက်လုံးလေးများကို ပွတ်ကာမေးသည်။
"ပါးပါးမှာ သားအတွက် Surprise ရှိတယ် သားကြိုက်မှာကျိန်းသေတယ်အခုအိပ်ရာက ထ သွားကြမယ်"
စောင်အား ဖယ်ကာ ပြောလိုက်သည်။
"ရေး Surprise တဲ့ သွားကြမယ်"
သားလေးက အော်ကာ အိပ်ရာပေါ်မှ ပြေးဆင်းပြီး ရေချိုးခန်းသို့ဝင်သွားသည်။သားလေးက မျက်နှာသစ် သွားတိုက်တာက အစ အဝတ်အစားပင် ကိုယ်တိုင်လဲတတ်နေပြီ။
"မြန်မြန်နော် ပါးပါးက အကုန်ပြီးနေပြီ"
"ဝူးဟူး"
သူ၏ ခြေထောက်သေးသေးလေးများဖြင့် သားက လှေကားကို မြန်မြန် ပြေးဆင်းသွားသည်။
"သား ဖြည်းဖြည်းဆင်း"
သူ့နောက်မှ ပြေးလိုက်ရင်း ပြောတော့ သားကို အောက်ထပ်၌ ရှိနေသည့် တံခွန်ရှားက ချီထားသည်။
"ဦးဦး ပါးပါးမှာလေ သားအတွက် Surprise ရှိတယ်တဲ့"
"ဟုတ်လား ဘာတဲ့လဲ"
"သားလည်း သိပူး သားအရမ်းပျော်တာပဲ"
"သား ကားထဲမှ သွားစောင့်နေ ပါးပါးလိုက်ခဲ့မယ်"
YOU ARE READING
MAFIA Vs MAFIA
Casualeနှစ်ပေါင်းများစွာ မာနပြိုင်ဆိုင်ကြလျက် အလစ်အငိုက်အား ချောင်းကာ တစ်ဦးကိုယ်တစ်ဦး အမြဲလုပ်ကြံသတ်ဖြတ်ရန် ကြံစည်နေကြသူနှစ်ဦး။နှစ်ဦးစလုံးမှာ မာဖီးယားများ ဖြစ်သည့်အလျှောက် အချင်းချင်း ရန်သူများဟုပင် သဘောထားပြီး ခြိမ်းခြောက်နေကြစမြဲပင်။ထိုလူနှစ်ဦးသည် မမျှော...
