[Unicode]
ကားပါကင်ရှိရာဆီသို့ မသွားတော့ဘဲ ဆင်ဝင်အောက်၌ အသင့်ရပ်ထားသော ဆိုင်ကယ်ကို မောင်းနှင်ကာ Daddy နေသည့်အိမ်သို့ ဦးတည်လိုက်သည်။Daddyက ဇမ္ဗူရှား စံအိမ်သို့ စရောက်သည့်အချိန်မှစ၍ သူ့မိဘများ အမွေပေးထားသည့် အိမ်တွင်သာ နေထိုင်သည်။
ကိုယ့်ရဲ့ဆုံးဖြတ်ချက် မိုက်ရူးရဲဆန်တယ်ဆိုတာ သိပါသည်။ကိုယ်က တစ်ယောက်တည်း Daddy ဆီမှာက သက်တော်စောင့်တွေ လုံခြုံရေးတွေ အများအပြားရှိသည်။ဤလမ်းသို့ သွားခြင်းက ကိုယ့်သေလမ်း ကိုယ် သွားနေခြင်းနှင့် တူသည်။
ဆိုင်ကယ်အား အိမ်ရှေ့တွင် ရပ်လိုက်ကာ အိမ်ထဲသို့ ဝင်ခဲ့သည်။တံခါးကို ခြေထောက်ဖြင့် ကန်ဖွင့်ကာ အိမ်ထဲသို့ ဆက်ဝင်လာပြီးနောက် လှေကားအတိုင်း အပေါ်ထပ် ဧည့်ခန်းရှိရာသို့ တက်ခဲ့သည်။Daddyက သက်တော်စောင့် အများအပြား ခြုံရံလျက် ဆိုဖာပေါ်တွင် ထိုင်နေသည်။ကိုယ်ဝင်လာသောအခါ Daddy အပါအဝင် လူအားလုံးက ကိုယ့်ကို ကြည့်လာသည်။
"ဟာ...မီးလျှံ သားလေး နေကောင်းရဲ့လား"
Daddy က ပြုံးလျက် ပြောလာသည်။
"ကျနော် မသိဘူးများထင်နေလား Daddy က မင်းအမိန့်နဲ့ တစ်ဖွဲ့တည်းဆိုတာ"
"ဘယ်လိုသိသွားတာလဲ"
"ကျနော်က ငတုံးမှ မဟုတ်တာ မင်းအမိန့်က ဘာလို့ Daddyနဲ့ ပူးပေါင်းသွားတာလဲ သူက Daddy ကို မုန်းနေတာလေ"
"ဒါပေမယ့် မင်းကိုတော့ ငါ့ထက်ပိုမုန်းတယ်လေ သူက မင်းကို လက်စားချေချင်တယ် ဒါကြောင့် ငါနဲ့ပူးပေါင်းခဲ့တာပဲ"
"ဇမ္ဗူရှား ဘယ်မှာလဲ"
မီးလျှံခစားက မေးတော့ ဦးမင်းခစားက ရယ်သည်။
"ငါက ဘာလို့ပြောရမှာလဲ"
ဦးမင်းခစား၏ အပြုံးတို့က ပိုမိုထင်ရှားလာသည်။
∆∆∆∆∆∆∆∆∆∆∆∆∆∆∆∆∆∆∆∆
ဘာလိုလိုနဲ့ နောက်တစ်ခါ ထပ်ပြီး မိုးလင်းခဲ့ပြန်ပြီ။တံခါးအပြင်ဘက်ကနေ စကားပြောသံအချို့ကို နားစွန်နားဖျားတော့ ကြားရပေမယ့် ဘာတွေပြောနေမှန်းတော့မသိ။
YOU ARE READING
MAFIA Vs MAFIA
Acakနှစ်ပေါင်းများစွာ မာနပြိုင်ဆိုင်ကြလျက် အလစ်အငိုက်အား ချောင်းကာ တစ်ဦးကိုယ်တစ်ဦး အမြဲလုပ်ကြံသတ်ဖြတ်ရန် ကြံစည်နေကြသူနှစ်ဦး။နှစ်ဦးစလုံးမှာ မာဖီးယားများ ဖြစ်သည့်အလျှောက် အချင်းချင်း ရန်သူများဟုပင် သဘောထားပြီး ခြိမ်းခြောက်နေကြစမြဲပင်။ထိုလူနှစ်ဦးသည် မမျှော...
