[Unicode]
"မင်းနည်းနည်းပါးပါး နားပါဦး ညကလည်း မအိပ်ထားဘူးမလား ဇမ္ဗူပြန်ပေးဆွဲခံရတဲ့နေ့ကတည်းက မင်းနှစ်ရက်လုံးမအိပ်ရသေးဘူး"
တိမ်စိုင်ခစားက မီးလျှံခစားကို ပြောလိုက်သည်။
"ဇမ္ဗူရှား ငါ့လက်ထဲ ပြန်ရောက်မှ ငါအိပ်မယ်"
လက်ထဲရှိ အဆုံးမသတ်နိုင်သော စာရွက်များကို ကြည့်နေရင်း မီးလျှံခစားက ပြန်ဖြေသည်။
"မင်းစိုးရိမ်နေတယ် ဆိုတာ ငါသိပါတယ် ဒါပေမယ့် အနားယူဖို့လည်း လိုအပ်တယ်လေ ဒီလိုလုပ်နေလို့ ဇမ္ဗူကို ပြန်ရမှာမဟုတ်ဘူး"
မီးလျှံခစား၏ အလုပ်စားပွဲပေါ်ရှိ vodka ပုလင်းအလွတ်နှစ်ပုလင်းအား လက်ညိုးထိုးပြရင်း တိမ်စိုင်ခစားက ပြောသည်။
"ငါကရော နားမလည်ဘူးများ ထင်နေလား ငါကောင်းကောင်းသိတယ် ဒါပေမယ့် ငါ့အမှားကြောင့် ဖြစ်တဲ့ပြဿနာတွေကို ဘယ်လိုဖြေရှင်းရမှန်းမသိတော့ဘူး အဲ့တာတွေကို မေ့နိုင်ဖို့ ငါဒါတွေကို သောက်နေရတာ"
မီးလျှံခစားက အော်ပြောသည်။
"အဲ့တော့ရော ဒီဟာတွေက မင်းကို အရမ်းများ ကူညီနေလို့လား"
တိမ်စိုင်ခစားကလည်း ပြန်အော်သည်။
"ငါလည်း ကြိုးစားနေတာပဲ ဒါပေမယ့် ဟိုခွေးကောင်က ဇမ္ဗူရှားကို ဘယ်မှာဖမ်းထားသလဲဆိုတာ ခြေရာခံလို့မရဘူးဖြစ်နေတယ်"
စားပွဲအား လက်ဖြင့်ရိုက်ကာ ဒေါသတကြီးဖြင့် ပြောလိုက်သည်။
"ငါ ဘာပြောပြော မင်းက နားထောင်မှာ မဟုတ်လို့ မပြောတော့ဘူး ဒါပေမယ့် တစ်ခုတော့ မေးမယ်"
"ဘာလဲ"
"မင်းသူ့ကိုချစ်လား"
"ဒီလိုအခြေအနေမှာ ဘာလို့သောက်ရေးမပါတာတွေ လာမေးနေတာလဲ"
"မင်းကိုယ်မင်း လိမ်နေတာတွေ ရပ်လိုက်တော့ မီးလျှံ မင်းဘယ်သူ့ကိုမှ ဒီလောက်ထိ ဂရုမစိုက်ဖူးဘူး မင်းအရင်က အရမ်းယုံကြည်ရတဲ့ လက်အောက်ငယ်သားတွေကိုတောင် ဒီလောက်ထိ အချိန်ပေးပြီး ရှာခဲ့လို့လား မင်းရဲ့ မပြီးနိုင်ေတာ့တဲ့ရန်သူတွေလက်ထဲမှာပဲ အသေခံခိုင်းခဲ့တာလေ အခုကျဘာလို့လဲ ဘာလို့ သူ့ကိုကျ ခက်ခက်ခဲခဲရှာပြီး ပြန်လိုချင်နေရတာလဲ"
YOU ARE READING
MAFIA Vs MAFIA
Diversosနှစ်ပေါင်းများစွာ မာနပြိုင်ဆိုင်ကြလျက် အလစ်အငိုက်အား ချောင်းကာ တစ်ဦးကိုယ်တစ်ဦး အမြဲလုပ်ကြံသတ်ဖြတ်ရန် ကြံစည်နေကြသူနှစ်ဦး။နှစ်ဦးစလုံးမှာ မာဖီးယားများ ဖြစ်သည့်အလျှောက် အချင်းချင်း ရန်သူများဟုပင် သဘောထားပြီး ခြိမ်းခြောက်နေကြစမြဲပင်။ထိုလူနှစ်ဦးသည် မမျှော...
