[Unicode]
ဇမ္ဗူရှားတစ်ယောက် အဆက်မပြတ်ကျလာသော မျက်ရည်များနှင့်အတူ ဘတ်စ်ကားမှတ်တိုင်၌ အတွေးများဖြင့် ထိုင်နေမိသည်မှာ နာရီဝက်ခန့်ကျော်ပြီဖြစ်သည်။ဘာဆက်လုပ်ရမယ်မှန်းမသိတော့ချေ။ထိုစဉ် ကားမီးရောင်တစ်ခုက ကိုယ့်မျက်နှာအား လာထိုးတာကြောင့် မျက်လုံးမှာ စူးသွားရပြန်သည်။လူတစ်ယောက်ကားပေါ်မှဆင်းလာသည်ကို ဝေဝါးစွာ မြင်ရသည်။မျက်လုံးတို့အား မှိတ်ပြီး သေချာပြန်ကြည့်လိုက်တော့မှ မီးလျှံခစားဖြစ်နေသည်။သူဘယ်လိုလုပ်ပြီး ကိုယ့်ကို ရှာတွေ့တာပါလိမ့်။သူက ကိုယ့်လက်အား ဆွဲယူလိုက်ကာ ကိုယ့်အား သိမ်းကျုံးဖက်လိုက်သည်။
"မင်း အဆင်ပြေလို့ တော်သေးတာပေါ့ ဒါနဲ့ တိမ်စိုင်ရော"
မီးလျှံခစားက မေးလာတော့သည်။
"ငါ...ငါမသိဘူး"
"ဘယ်လိုလုပ်ပြီး မသိရတာလဲ"
"ငါ...ငါတကယ်မသိတာပါ ငါတို့ဈေးဝယ်ထွက်ရင်း သူသန့်စင်ခန်းဝင်ချင်လို့ဆိုပြီး ထွက်သွားတာ ပြီးတော့ ပြန်မလာတော့တာနဲ့ ငါလိုက်ရှာရင်း ဒီရောက်လာတာ"
ဘာလို့ မီးလျှံခစားကို လိမ်လိုက်မိမှန်းမသိချေ။
"ဒါဆို ကိုယ်မင်းကို ပြန်လိုက်ပို့ပေးမယ် ပြီးတော့မှ ကိုယ့်ညီကို လိုက်ရှာလိုက်မယ်"
ထို့နောက် ကိုယ့်လက်အား ဆွဲကာ ကားထဲ၌ ထိုင်စေသည်။
တိတ်ဆိတ်စွာဖြင့် စံအိမ်သို့ ပြန်လာခဲ့ကြသည်။ဘာပြောရမှန်းလည်းမသိပေ။ဘာတြွေဖစ်နေသလဲဆိုတာကို သူ့အား ပြောမပြချင်။ကိုယ်၏ မျက်ရည်တို့အား သူမြင်ပေမယ့် ဘာမှပြောမလာ။ထိုအစား သူ၏ အားနေသော လက်တစ်ဖက်က ကိုယ့်လက်အား ကိုင်ထားကာ အားပေးသည့်ပုံစံ ပြုမူနေသည်။ဒီလိုတွေ လုပ်နေလို့လည်း ဘာမှထူးလာတော့မှာမှ မဟုတ်တာ။စံအိမ်ကို ပြန်ရောက်တဲ့အခါ ကိုယ်က သူ့ဘဝကအား အဆုံးသတ်ပေးရတော့မည်ဖြစ်သည်။
∆∆∆∆∆∆∆∆∆∆∆∆∆∆∆∆∆∆∆∆∆
တိမ်စိုင်ခစားမှာ နိုးနိုးချင်းပင် ရောက်နေသည့်နေရာအား ကြည့်ရှုမိတော့ အလွန်ပင် ဟောင်းနွမ်းစုတ်ပြတ်နေသည့်အခန်းဖြစ်နေသည်။ထိုင်ခုံ၌ ကြိုးဖြင့်အချည်ခံထားရပြီး အခန်းပြင်၌ လူနှစ်ယောက် စကားပြောနေသောအသံအား ကြားရသည်။အသံများမှာ တိခနဲ တိတ်ဆိတ်သွားသည့်နောက် အခန်းတံခါးဖွင့်သံအား ကြားလိုက်သည်။ဝင်လာသည့်လူအား ကြည့်မိတော့ လုံးဝမယုံနိုင်ပေ။သူက သေသွားပြီမလား။သူ့ကို မီးလျှံနဲ့ ဇမ္ဗူက သတ်ပစ်လိုက်ပြီမလား။
YOU ARE READING
MAFIA Vs MAFIA
Randomနှစ်ပေါင်းများစွာ မာနပြိုင်ဆိုင်ကြလျက် အလစ်အငိုက်အား ချောင်းကာ တစ်ဦးကိုယ်တစ်ဦး အမြဲလုပ်ကြံသတ်ဖြတ်ရန် ကြံစည်နေကြသူနှစ်ဦး။နှစ်ဦးစလုံးမှာ မာဖီးယားများ ဖြစ်သည့်အလျှောက် အချင်းချင်း ရန်သူများဟုပင် သဘောထားပြီး ခြိမ်းခြောက်နေကြစမြဲပင်။ထိုလူနှစ်ဦးသည် မမျှော...
