[Unicode]
မီးလျှံခစား၏ ရုံးခန်းရှိရာသို့ တိတ်ဆိတ်စွာ လျှောက်လာခဲ့ကြသည်။အခန်းရှေ့ ရောက်သည်အထိ ကိုယ့်လက်အား ဆွဲထားသော မီးလျှံခစား၏ လက်မှာ မလွှတ်သေးပေ။ထို့ကြောင့် လက်အား ရုန်းလိုက်တော့ လှည့်တော့ကြည့်လာပေမယ့် ဘာမှမပြောပေ။မီးလျှံခစားက ရုံးခန်းထဲသို့ ဝင်သွားတာကြောင့် ကိုယ်ပါလိုက်ဝင်လိုက်သည်။မီးလျှံခစားက ကိုယ်ဝင်တာကို စောင့်ပြီး အခန်းတံခါးကို ပိတ်လိုက်ကာ အလုပ်စားပွဲ၌ ဝင်ထိုင်လိုက်သည်။
"အရေးကြီးကိစ္စက ဘာလဲ"
ဇမ္ဗူရှားက မေးလိုက်သည်။
"မင်းသိတဲ့အတိုင်းပဲ ကိုယ်တို့မဂ်လာပွဲက သိပ်မကြာခင်မှာ လုပ်တော့မယ် ဒါကြောင့် ကိုယ်တို့ ပြင်ဆင်စရာတွေရှိတယ် မဂ်လာဝတ်စုံဝယ်တာတို့ ဘယ်နေရာမှာ ကျင်းပမယ်တို့ အများကြီး လုပ်ရဦးမှာ ကိုယ်တို့ဒီနေ့ပဲ စပြင်ဆင်သင့်တယ်"
ဪ အရေးကြီးကိစ္စဆိုတော့ ဘာများလဲလို့ မဂ်လာပွဲကိစ္စတဲ့လား။
မီးလျှံခစား၏ ပြန်ဖြေမှုကြောင့် ဇမ္ဗူရှားစိတ်လေမိသည်။
"ရတယ်လေ ဘယ်တော့သွားမှာလဲ"
"အခုပဲ သွားပြင်ဆင်တော့ ကိုယ်ဧည့်ခန်းက စောင့်နေမယ်"
"အင်း"
တုံးတိတိ အဖြေကို ပေးကာ အိပ်ခန်းသို့ ပြန်လာခဲ့လိုက်သည်။
∆∆∆∆∆∆∆∆∆∆∆∆∆∆∆∆∆∆∆∆∆∆
"ကိုယ်တို့ ဘယ်အရင် သွားကြမလဲ"
ကားစစထွက်ချင်းပင် မီးလျှံခစားက မေးလာသည်။သူ့ကြည့်ရတာ စိတ်လှုပ်ရှားပြီး တက်ကြွနေပုံရသည်။ဘယ်ဘဝက ရေစက်မှန်းမသိ သူဘယ်လိုနေနေ ကိုယ်က ကြည့်မရ။
"အစားအသောက်ဆိုရင်ရော"
ကိုယ်အကြိုက်ဆုံးအပိုင်းကို ဇမ္ဗူရှားပြောလိုက်သည်။
"ဟင့်အင်း...အဝတ်အစားဆီပဲ အရင်သွားရအောင် အဲ့တာက အရေးအကြီးဆုံးပဲ"
အဲ့ဒါဆိုလည်း ဘာလို့လာမေးနေသေးလဲ ခွေးကောင်ရဲ့။အရင်စိတ်နဲ့ဆို ရှေ့က ကောင် လည်ပင်းပြတ်နေလောက်ပြီဖြစ်သည်။ယခုတော့ ကိုယ့်စိတ်ကိုယ် ထိန်းချုပ်ထားရသည်။အဘယ့်ကြောင့်ဆိုသော် ကားရှေ့ခန်း၌ မီးလျှံခစား၏ ဒရိုင်ဘာနှင့် သက်တော်စောင့်ပါသည်။သုံးယောက် တစ်ယောက်ဆိုရင်တော့ နည်းနည်းစဉ်းစားရမည်။
YOU ARE READING
MAFIA Vs MAFIA
De Todoနှစ်ပေါင်းများစွာ မာနပြိုင်ဆိုင်ကြလျက် အလစ်အငိုက်အား ချောင်းကာ တစ်ဦးကိုယ်တစ်ဦး အမြဲလုပ်ကြံသတ်ဖြတ်ရန် ကြံစည်နေကြသူနှစ်ဦး။နှစ်ဦးစလုံးမှာ မာဖီးယားများ ဖြစ်သည့်အလျှောက် အချင်းချင်း ရန်သူများဟုပင် သဘောထားပြီး ခြိမ်းခြောက်နေကြစမြဲပင်။ထိုလူနှစ်ဦးသည် မမျှော...
