[Unicode]
"ဒေါက် ဒေါက်"
"ဝင်ခဲ့"
တံခါးခေါက်သံကြောင့် ဝင်လာရန် မီးလျှံခစားက အသံပေးလိုက်သည်။
"ဟိုတစ်နေ့က ဆိုက်ရောက်တဲ့ လက်နက်တွေကို အကုန်အရည်အသွေးစစ်ပြီးပါပြီ ခေါင်းဆောင် အကုန်စံချိန်မှီပါတယ်"
မှိုင်းညို့က ဝင်လာကာ ပြောသည်။ထို့နောက် စာရွက်တစ်ရွက်အား စားပွဲပေါ် တင်ပေးလာတာကြောင့် ကြည့်လိုက်တော့ ပစ္စည်းအရည်အသွေးမှန်ကန်ကြောင်း စစ်ဆေးချက်ရလာဒ်ဖြစ်သည်။
"လာလက်စနဲ့ ဇမ္ဗူရှားကို ခေါ်ပေးလို့ရမလား သူ့ကို ပြောစရာရှိလို့"
အရှေ့ရှိစာရွက်များကို တစ်စက်လေးမှ အကြည့်မခွာဘဲ အမိန့်ပေးလိုက်သည်။
"ဟုတ်ကဲ့ လွှတ်လိုက်ပါ့မယ်"
မှိုင်းညို့က နာခံကာ အပြင်သို့ ထွက်သွားသည်။မိနစ်အနည်းငယ်ကြာသောအခါ မှိုင်းညို့က အခန်းထဲသို့ ပြန်ပြေးဝင်လာသည်။
"ဇမ္ဗူအခန်းထဲမှာမရှိဘူး ခေါင်းဆောင်"
မှိုင်းညို့၏ အသက်ရူသံများက မြန်နေပြီး အမောတကောပြောသည်။
"ဘာ"
ကိုယ်ပါ အော်ပြီး ထရပ်မိသည်။
"သူ့အခန်းထဲမှာမရှိဘူး အပြင်ထွက်မယ်လို့ ပြောသွားသေးလား"
"ဟင့်အင်း မပြောဘူး ငါမနက်အခန်းထဲက ထွက်တော့ သူအိပ်တုန်းပဲ ရှိသေးတာ"
ပြန်ပြောကာ အခန်းအပြင်သို့ ပြေးထွက်လိုက်သည်။မှိုင်းညို့ကလည်း ကိုယ့်နောက်မှ ပြေးလိုက်လာသည်။
"မင်းအမိန့်ရဲ့ လက်ချက်များလား"
မှိုင်းညို့က မေးလာသည်။
"ဘာမှ ကောက်ချက်ချလို့မရသေးဘူး သူဒီစံအိမ်ထဲမှာပဲ ရှိနေဦးမှာပါ မင်းအမိန့်လက်ချက်သာဆိုရင်တော့ အဲ့ကောင်ကို ငါကိုယ်တိုင်သတ်မယ်"
"တခြားဂိုဏ်းသားတွေကိုပါ ကူရှာပေးဖို့ ပြောလိုက်မယ်"
မှိုင်းညို့က ပြောကာ ကိုယ့်အမိန့်ပင် မစောင့်ဘဲ တခြားတစ်ဖက်သို့ ပြေးသွားသည်။
YOU ARE READING
MAFIA Vs MAFIA
Randomနှစ်ပေါင်းများစွာ မာနပြိုင်ဆိုင်ကြလျက် အလစ်အငိုက်အား ချောင်းကာ တစ်ဦးကိုယ်တစ်ဦး အမြဲလုပ်ကြံသတ်ဖြတ်ရန် ကြံစည်နေကြသူနှစ်ဦး။နှစ်ဦးစလုံးမှာ မာဖီးယားများ ဖြစ်သည့်အလျှောက် အချင်းချင်း ရန်သူများဟုပင် သဘောထားပြီး ခြိမ်းခြောက်နေကြစမြဲပင်။ထိုလူနှစ်ဦးသည် မမျှော...
