MAFIA Vs MAFIA

Episode 3

[Zawgyi]

မီးလျှံခစားဆိုသည့်ကောင် အမှောင်ထုအတွင်း၌ မျက်စိတမှိတ်အတွင်း ပျောက်သွားသည်ကို ရပ်ကြည့်နေမိသည်။လှောင်ပြုံးတစ်ချက်ပြုံးလိုက်ကာ ရိုင်ဖယ်အိတ်အား ဆွဲယူလိုက်သည်။ထို့နောက် လွတ်မြောက်နိုင်မည့်လမ်းဆီသို့ ပြေးသွားလိုက်သည်။ကိုယ်က Mission တိုင်းကို သေချာပြင်ဆင်ပြီးမှ လုပ်လေ့ရှိသည်။အရေးပေါ်အခြေအနေအတွက် Plan သုံးလေးခုလောက်ကို အစထဲက အစီအစဉ်ဆွဲပြီး သေချာအောင် လုပ်ထားတတ်သည်။

အဆောက်အအုံအနောက်သို့သွားပြီး အနီးရှိ ပြတင်းပေါက်ဘေးတွင် ဝပ်နေလိုက်သည်။ရိုင်ဖယ်အိတ်မှ ကြိုးအား ခပ်တင်းတင်း ဆွဲကိုင်ရင်း ကိုယ်နှင့်မကွာရှိနေကြောင်း သေချာအောင် လုပ်လိုက်သည်။လက်များက အကျီအိတ်ကပ်အတွင်းသို့ ရှာဖွေလိုက်ပြီး အနက်ရောင် လက်အိတ်တစ်စုံကို ထုတ်ယူလိုက်သည်။လက်ဗွေရာများ ချန်မထားခဲ့ချင်တာကြောင့် လက်အိတ်အား ဝတ်ဆင်လိုက်သည်။ခေါင်းအား ဖြည်းဖြည်းချင်း ထောင်ကြည့်ကာ ပြတင်းပေါက်မှန်မှတဆင့် ချောင်းကြည့်မိတော့ အဆောက်အအုံ၏ တခြမ်းလောက်က ရဲများဖြင့် ပြည့်နှက်နေပြီ။

"ပျော်စရာပဲ"

ရွှဲ့ပြောလိုက်ကာ နံရံအား အားဖြင့်တွန်းပြီး ဂိုဒေါင်‌၏ ဆန့်ကျင်ဘက်အရပ်သို့ ပြေးထွက်လာသည်။လှေကားထစ်များကို ပြေးတက်နေစဉ် တံခါးမှာ ပေါက်ကွဲထွက်ပြီး ပွင့်သွားတော့သည်။ဒါဇင်နဲ့ချီတဲ့ ရဲတွေက ကိုယ့်အား သူတို့၏ မောင်းပြန်သေနတ်များဖြင့် ချိန်ရွယ်ပြီး ပစ်ခတ်ကြ‌ ‌တော့သည်။ကျည်ဆန်များအား ငုံ့ရှောင်လျက် လှေကားအား ဆက်တက်လိုက်သည်။ကိုယ့်နောက်တွင် ကျန်ခဲ့သော နံရံ၌ ကျည်ဆံရာတို့ ဗလပြွဖစ်နေခဲ့သည်။နောက်ဆုံးတော့ နောက်တစ်လွှာသို့ ရောက်ရှိခဲ့ပြီ။

အခန်းလွတ်တစ်ခန်း‌နောက်သို့ ဝင်ပုန်းကာ ဘာဆက်လုပ်ရမလဲဟု တွေးတောမိသည်။ကိုယ့်နောက်မှ ထပ်ကြပ်မကွာ လိုက်လာသော မပြီးဆုံးနိုင်တော့သည့် ဖိနပ်သံများကို ကြားရသည်။ထို့ကြောင့် အစွန်ဆုံးအခန်းဆီသို့ ထွက်ပြေးမိတော့ အရေးပေါ်‌လှေကားဆီသို့ ရောက်နိုင်သည့် ရှည်ပေမယ့် ကျဉ်းမြောင်းသော ပြတင်းပေါက်တစ်ခုအား ရှာတွေ့သည်။ညာဘက်ခြေထောက်အား မြှောက်လိုက်ကာ ပြတင်းပေါက်မှန်အား အားသုံးပြီး ကန်‌လိုက်တာကြောင့် တစ်ချက်ထဲဖြင့်ပင် ကွဲကြေသွားသည်။ဘယ်ဘက်သို့ ကြည့်လိုက်တော့ သံချေးတက်နေသည့် အရေးပေါ်လှေကားကို တွေ့ရသည်။ပြတင်းပေါက်ဘောင်ပေါ်တွင် မတ်တပ်ရပ်လိုက်ကာ အောက်ထပ်စင်္ကြန်ပေါ်သို့ ခုန်ချလိုက်သည်။လက်ရမ်းကို ဆွဲလိုက်တာကြောင့် အောက်သို့ ပြုတ်မကျဘဲ ပြီးမှ အနည်းငယ်သာ ကွာတော့သော စင်္ကြန်ပေါ်သို့ ခုန်ချလိုက်သည်။