[Unicode]
"သူ့ကို ငါ့တာဝန်ထားလိုက်"
လူအုပ်ထဲမှ ဦးမော်ကွန်း ထွက်လာကာ မင်းအမိန့်ကို ဖမ်းဆီးလိုက်သည်။
"ငါ့ကို လွှတ်စမ်း ခွေးကောင်တွေ"
မင်းအမိန့်က အော်ပြောပေမယ့် ဦးမော်ကွန်း၏ လူများက သူ့အား ဆွဲခေါ်သွားကြသည်။
ဇမ္ဗူရှားမှာ မီးလျှံခစား၏ ဘေး၌ ထိုင်ရင်း မျက်ရည်တို့ စီးကျကာ ငိုကြွေးနေသည်။လူတိုင်းကလည်း ငြိမ်သက်စွာဖြင့် ရပ်ကြည့်နေကြသည်။
"မင်းကိုယ်မင်း ဂရုစိုက်မယ်လို့ ကတိပေးခဲ့ပြီးတော့"
"ရှား ကိုယ်...ကိုယ်တစ်ခုခုဖြစ်သွားခဲ့ရင်တောင် မင်းသိထားပေးပါ ကိုယ် မင်း...မင်းလောက် ဘယ်သူ့ကိုမှ မချစ်...မချစ်ခဲ့ဖူးဘူးဆိုတာ"
မီးလျှံခစားက ထစ်ငေါ့စွာပြောရင်း မျက်လုံးတို့ ဖြည်းဖြည်းချင်း မှိတ်ကျသွားခဲ့သည်။
"မဟုတ်ဘူး မင်းဘာမှဖြစ်လို့မရဘူး မင်းငါ့ကို ပေးထားတဲ့ကတိ တည်ရမယ်လေ အရူးကောင်ရဲ့"
ဇမ္ဗူရှားက အော်ဟစ်ငိုကြွေးနေပေမယ့် အချည်းနှီးသာ။
"ကျနော်တို့က ဆေးဝန်ထမ်းတွေပါ လူနာဘေးကနေ ဖယ်ပေးကြပါ စစ်ဆေးပါရစေ"
လူတစ်ယောက်က ပြောလာပြီး ဇမ္ဗူရှားအား မီးလျှံခစား၏ ဘေးမှ တွန်းထုတ်လိုက်သည်။
ဆေးဝန်ထမ်းများက မီးလျှံခစားကို လူနာတင်ထမ်းစင်ပေါ်သို့ တင်ဆောင်လိုက်ကာ လူနာတင်ယာဉ်ထဲသို့ ထည့်လိုက်ကြသည်။
"သူအဆင်ပြေသွားမှာပါ"
မီးလျှံခစား၏ အဖေ ဦးမင်းခစားက ဇမ္ဗူရှားကို ပြောလိုက်သည်။
"သူကတိပေးထားရဲ့သားနဲ့"
ဇမ္ဗူရှားမှာ မျက်ရည်တို့ ထပ်မံကျဆင်းလာပြန်သည်။
"သူက သန်မာပါတယ် ဒါကို ကျော်ဖြတ်နိုင်မှာပါ"
ဦးမင်းခစားက ကြိုးစားနှစ်သိမ့်ပေးသည်။
"သူသေရင် ကျနော်လည်း သေသွားလိမ့်မယ်"
"လာပါ ဆေးရုံလိုက်သွားကြတာပေါ့"
YOU ARE READING
MAFIA Vs MAFIA
Randomနှစ်ပေါင်းများစွာ မာနပြိုင်ဆိုင်ကြလျက် အလစ်အငိုက်အား ချောင်းကာ တစ်ဦးကိုယ်တစ်ဦး အမြဲလုပ်ကြံသတ်ဖြတ်ရန် ကြံစည်နေကြသူနှစ်ဦး။နှစ်ဦးစလုံးမှာ မာဖီးယားများ ဖြစ်သည့်အလျှောက် အချင်းချင်း ရန်သူများဟုပင် သဘောထားပြီး ခြိမ်းခြောက်နေကြစမြဲပင်။ထိုလူနှစ်ဦးသည် မမျှော...
