[Unicode]
"အစီအစဉ်အတိုင်း လိုက်နာကြပါ ငါနဲ့မှိုင်းညို့က မင်းအမိန့်ဆီ သွားမယ် တိမ်စိုင်က ကားနားမှာပဲ စောင့်နေ မင်းအမိန့် အပြင်ကိုထွက်ပြေးလာရင် လိုက်လို့ရအောင် ရှားက ဒီမှာ နေပြီး အားလုံး အဆင်ပြေမပြေ စောင့်ကြည့်နေ"
မီးလျှံခစားက အစီအစဉ်အား ရှင်းပြနေသည်။
"ငါက ဘာလဲ ထိုင်နေရမှာလား"
ဇမ္ဗူရှားက လက်မခံနိုင်စွာ ထမေးလိုက်သည်။
"မဟုတ်ဘူးလေ ရှားကလည်း ရှားက မပေါ့မပါးကြီးနဲ့ဆိုတော့ ဒီတာဝန်က သင့်တော်တယ်"
"မရဘူး ငါ ဒီတိုင်းကြီး ထိုင်ကြည့်မနေချင်ဘူး တိမ်စိုင်နဲ့ပဲဖြစ်ဖြစ် တာဝန်လဲပေး"
"ရှားကလည်းကွာ ခေါင်းမမာစမ်းပါနဲ့"
"ဘာဖြစ်တာလဲကွာ ခေါင်းမာတော့ မကျေနပ်ဘူးလား ဘာလုပ်ချင်လဲ"
အခြေအနေတင်းမာလာသော နှစ်ယောက်ကြားထဲသို့ တိမ်စိုင်ခစားက ဝင်လိုက်ကာ တားသည်။
"တော်ကြတော့ ဒီလိုနဲ့ နောက်ကျကုန်တော့မယ် မီးလျှံ မင်းကလည်း ကိုယ့် Omega က ကိုယ်ဝန်ကြီးနဲ့ဟာကို စိတ်ချမ်းသာအောင် ထားပါဦး ကိုယ်ဝန်သည်တွေက ဒီလိုပဲ စိတ်ဆတ်တယ် ဒေါသထွက်လွယ်တယ် ဝမ်းနည်းလွယ်တယ်"
တိမ်စိုင်ခစားက ကျော်ကာ နှစ်ယောက်သား အကြည့်ချင်းဆုံမိတော့ ဇမ္ဗူရှားက ကျောပေးသွားသည်။ထိုအခါ မီးလျှံခစားက မနေနိုင်။ဇမ္ဗူရှား၏ ရှေ့သို့ သွားကာ
"ကိုယ်က ရှားကို စိတ်ပူလို့လေကွာ ကိုယ်တို့ ကလေးလေးကိုလည်း ထိခိုက်မှာစိုးလို့ပါ"
"ငါက ငါ့ကိုယ်ငါရော ငါ့ကလေးကိုရော ဂရုစိုက်နိုင်တယ် နေရာတကာ လိုက်စိတ်မပူနဲ့ မကြိုက်ဘူး"
ဇမ္ဗူရှားက မီးလျှံခစားကို ပြန်ကြည့်မလာသေး။လက်ပိုက်ကာ တခြားနေရာသို့ ကြည့်နေဆဲပင်။
"ဟုတ်ပါပြီကွာ ရှားသဘောပါ ရှားကို မယုံလို့ မဟုတ်ပါဘူး ကိုယ်က စိတ်ပူလွန်းသွားတာပါ ရှားကြိုက်တဲ့တာဝန်ယူ ဟုတ်ပြီလား"
မီးလျှံခစားက ပြောတော့ ဇမ္ဗူရှားက ဘာမှပြန်မပြောဘဲ မီးလျှံခစား၏ ပါးအား လှမ်းနမ်းလိုက်သည်။
YOU ARE READING
MAFIA Vs MAFIA
Randomနှစ်ပေါင်းများစွာ မာနပြိုင်ဆိုင်ကြလျက် အလစ်အငိုက်အား ချောင်းကာ တစ်ဦးကိုယ်တစ်ဦး အမြဲလုပ်ကြံသတ်ဖြတ်ရန် ကြံစည်နေကြသူနှစ်ဦး။နှစ်ဦးစလုံးမှာ မာဖီးယားများ ဖြစ်သည့်အလျှောက် အချင်းချင်း ရန်သူများဟုပင် သဘောထားပြီး ခြိမ်းခြောက်နေကြစမြဲပင်။ထိုလူနှစ်ဦးသည် မမျှော...
