[Unicode]
"Hi အားလုံးပဲ မဂ်လာပါ ကျနော့် နာမည်ကတော့ သွေး ဖြစ်ပါတယ် Texas ကနေလာခဲ့တာဖြစ်ပြီး ပင်လယ်နံဘေးက သဲသောင်ပြင်ပေါ်မှာ လမ်းလျှောက်ရတာ နှစ်သက်ပါတယ် ရှေးဟောင်းသုတေသနပြုသူတစ်ယောက်ဖြစ်ပြီး ကျနော့် စိတ်ကူးထဲက Dateအမျိုးအစားကတော့ ကြယ်ရောင် အောက်မှာ စကားပြောရင်း စိတ်ကူးယဉ်ဆန်ဆန် ညလေးတစ်ည ဖန်တီးချင်တာပဲဖြစ်ပါတယ်"
ဆံပင်အနက်ရောင်ရှိပြီး ညိုချောလေးဖြစ်သည့် ထို Omega က မိုက်ခရိုဖုန်း ရှေ့တွင် ရပ်ကာ ပြောနေသည်။သူဝတ်ထားသော ဘောင်းဘီက တမင်သူ၏ တင်ပါးတို့အား အသားပေးထားသည်ဟုထင်ရအောင် ကြပ်ထုတ်နေပြီး တင်တို့မှာ ထင်းထွက်နေသည်။သူက စင်၏အလယ်တွင် ရပ်နေရင်း စင်အောက်၌ သူ့အား စောင့်ကြည့်နေကြသော ဂိုဏ်းစတားတို့အား ပြုံးပြလိုက်သည်။
"လူကြီးမင်းတို့အလှည့်ရောက်ပါပြီ လေလံပစ္စည်းနာမည်ကတော့ သွေးပါ လေလံစဆွဲရမယ့် ဈေးနှုန်းကတော့ $1500ပါ "
မဏ္ဍိုင်က စင်မြင့်ကြီး၏ ညာဘက်၌ ရှိသော လူတစ်ယောက်သာ ရပ်လို့ရသည့် အနက်ရောင်စင်မြင့် အသေးလေးပေါ်ကနေ စိတ်အားထက်သန်စွာ ပြောသည်။
"$2000"
လူတစ်ယောက်က ပြောသည်။
"$2500"
နောက်တစ်ယောက်မှ ရှန်ပိန်ခွက်ကို ကိုင်မြှောက်ကာ အော်ပြောသည်။
"လူကြီးမင်းတို့က ဒီထက် ပိုရက်ရောကြမှာပါ"
မဏ္ဍိုင်က သွေး ကို လက်ညိုးထိုးပြတော့ သွေး၏အပြုံးတို့က ပိုမိုပီပြင်လာပြီး ခေါင်းအား တစ်ဖက်သို့ စောင်းလိုက်သည်။
"$4000"
နောက်တစ်ယောက်က လက်မြှောက်ကာ ပြောသည်။
"$5000"
ပထမဆုံး လေလံဆွဲသူက အသံကို ပိုမြှင့်ကာ အော်သည်။
"ဝိုး...$5000... အခုချိန်မှာ အများဆုံးပါပဲ $5000 တစ်ကြိမ် $5000 နှစ်ကြိမ် $5000 သုံးကြိမ် ဟုတ်ကဲ့ပါ အပြာရောင် Suit ဝတ်ထားတဲ့ လူကြီးမင်းက အနိုင်ရရှိသွားပါပြီ"
မဏ္ဍိုင်က လေလံနိုင်သွားသူအား ညွှန်ပြကာ ပျော်ရွှင်နေသည့်လေသံဖြင့် ပြောသည်။
YOU ARE READING
MAFIA Vs MAFIA
Randomနှစ်ပေါင်းများစွာ မာနပြိုင်ဆိုင်ကြလျက် အလစ်အငိုက်အား ချောင်းကာ တစ်ဦးကိုယ်တစ်ဦး အမြဲလုပ်ကြံသတ်ဖြတ်ရန် ကြံစည်နေကြသူနှစ်ဦး။နှစ်ဦးစလုံးမှာ မာဖီးယားများ ဖြစ်သည့်အလျှောက် အချင်းချင်း ရန်သူများဟုပင် သဘောထားပြီး ခြိမ်းခြောက်နေကြစမြဲပင်။ထိုလူနှစ်ဦးသည် မမျှော...
