[Unicode]
ကိုယ်၏ မျက်လုံးများက မီးလျှံခစား၏ မီးခိုးရောင် မျက်ဆံအား စိုက်ကြည့်နေရင်းမှာပင် Dancing floor သို့ သွားလိုက်သည်။သူ့ဆီက အကြည့်တွေကလည်း လူကို သေစေလောက်သည်။သူ့အကြည့်များထဲတွင် အဓိပ္ပာယ်တစ်ခုခုပါနေသော်လည်း ဘာလဲဆိုတာကို အတိအကျ မခန့်မှန်းနိုင်ချေ။တစ်ယောက်နှင့် တစ်ယောက် ဖြည်းညှင်းစွာ နီးကပ်လိုက်သည့်အခါတွင် တီးလုံးသံမှာ စတင်ထွက်ပေါ်လာသည်။တီးဝိုင်းအဖွဲ့က ကိုယ်အနှစ်သက်လုံး တေးသွားသံစဉ်အား တီးခတ်နေသည်။
တစ်ယောက်နှင့်တစ်ယောက် လက်မအနည်းငယ်ခန့်သာ ကွာဝေးနေပြီး မီးလျှံခစား ခေါင်းငုံ့လိုက်သောအခါ သူ့နှုတ်ခမ်းတို့က ကိုယ့်နားရွက်နားသို့ လာထိသည်။
ကိုယ့်အား တစ်ပတ်လှည့်လိုက်တော့ သူ့ရင်ဘတ်နှင့် ကိုယ့်ကျောပြင်မှာ ကပ်သွားပြီး သူကတိုးညှင်းစွာ ပြောလာသည်။
"ကိုယ့်ခြေထောက်ကို တက်မနင်းနဲ့နော်"
သူက ဒီနှစ်တွေအတွင်း ညီလာခံမှာ တစ်ခါမှ ကခြင်းမရှိခဲ့ဘဲ ကိုယ့်အား လက်စားချေရန်သာ တွေးတောနေသူတစ်ဦးဖြစ်သည်။ကိုယ့်ကလည်း သူ့အတိုင်းပင်။နှစ်တိုင်း သူနှင့်အတူ ဆော့ကစားပေးလေ့ရှိသည်။
သူနောက်ထပ် ခြေတစ်လှမ်းမလှမ်းခင်တွင် သူ၏ခါး၌ ကိုယ့်လက်အား ရစ်သိုင်းလိုက်ရင်း ြဖည်းဖြည်းချင်း ရွေ့လျားကာ စနောက်လိုက်သည်။ကျန်လက်တစ်ဖက်ကိုတော့ သူ့ရင်ဘတ်မှ တစ်ဆင့် ဖြည်းဖြည်းချင်းအောက်ဆင်းကာ သူ၏ ဝမ်းဗိုက်ကြွက်သားများနေရာတွင် ရပ်တန့်လိုက်သည်။သူက ရပ်တန့်သွားရင်း အသက်ပြင်းပြင်းရူလိုက်တာကြောင့် သူ့ကြွက်သားများမှာ ခဏကျုံ့သွားသည်။
ချီးပဲ! ဒီကောင့်ကိုယ်က သေအောင်တောင့်တာ!
"ဒီပွဲက နှစ်ယောက်ဆော့လို့ရပါတယ် Mr.Denial"
သူက ကိုယ့်ရဲ့ခါးကို သိုင်းဖက်လျက် နူးညံ့စွာ ပြောသည်။သူ၏ တခြားလက်တစ်ဖက်က ကိုယ်လက်ဖြင့် ချိတ်ဆွဲလိုက်ကာ တေးသွားအတိုင်း စီးမျှောလှုပ်ရှားကြသည်။သူ့ခါးပေါ်ရှိ ကိုယ့်လက်မှာ သူ့နောက်ကျော၌ ရွေ့လျားသွားလာနေပြီး သူအကျီအောက်ရှိ ကြွက်သားများ၏ မာကျောမှုကို ခံစားမိသည်။ဘေးသို့ ခြေလှမ်းလိုက်စဉ်တွင် မျက်လုံးချင်းမှာ ထပ်ဆုံသွားခဲ့သည်။
YOU ARE READING
MAFIA Vs MAFIA
Randomနှစ်ပေါင်းများစွာ မာနပြိုင်ဆိုင်ကြလျက် အလစ်အငိုက်အား ချောင်းကာ တစ်ဦးကိုယ်တစ်ဦး အမြဲလုပ်ကြံသတ်ဖြတ်ရန် ကြံစည်နေကြသူနှစ်ဦး။နှစ်ဦးစလုံးမှာ မာဖီးယားများ ဖြစ်သည့်အလျှောက် အချင်းချင်း ရန်သူများဟုပင် သဘောထားပြီး ခြိမ်းခြောက်နေကြစမြဲပင်။ထိုလူနှစ်ဦးသည် မမျှော...
