MAFIA Vs MAFIA

Episode 31

[Unicode]

ဆယ်လခန့်ကြာသောအခါ

မီးလျှံခစားကတော့ ကိုမာအခြေအနေ၌ ဆက်ရှိနေဆဲပင်။ဇမ္ဗူရှားက နေ့တိုင်း သူ့ကို လာတွေ့သည်။မှိုင်းညို့နှင့် လေ့ကျင့်ရေး‌ဆင်းတာမို့ ညဘက်မှ လာဖြစ်သည်။မာဖီးယားဂိုဏ်းအား တရားဝင် လွှဲပြောင်းယူလိုက်ပြီလည်းဖြစ်သည်။အရင်ကတည်းက ကျွမ်းကျင်ခဲ့နေသည့် နေရာဖြစ်တာကြောင့် ဆိုးဆိုးဝါးဝါး ဘာမှဖြစ်မလာခဲ့ ။အကောင်းဆုံး လုပ်ဆောင်ခဲ့သည်။

"သွားဖို့ အဆင်သင့်ပဲလား ခေါင်းဆောင်"

လူတစ်ယောက်က ကိုယ့်အား မေးသည်။

"ခဏလေး ငါဖုန်းယူလိုက်ဦးမယ်"

"ဟုတ်ကဲ့ ကျနော် အိမ်ဝကနေ စောင့်နေပါ့မယ်"

အခန်းပြင်မှ လူ၏ ဝေးကွာသွားသော ခြေသံအားကြားရသည်။

ကိုယ် Mission တစ်ခု လုပ်ဆောင်ရန်ရှိသည်။တစ်စုံတစ်ယောက်က ကိုယ်တို့ဂိုဏ်းရဲ့ ပစ္စည်းတွေကို ခိုးယူဖို့ ကြိုးစားခဲ့သည်။ဒါကြောင့် အခု အဲ့လူဆီသွားပြီး သင်ခန်းစာ ပေးရမည်။ထို့အပြင် သတင်းအချက်အလက်များရရှိရန် နည်းနည်းပါးပါး နှိပ်စက်ရမည်။ဒီလိုမျိုးတွေ ထပ်လုပ်ရမည်ဟု မတွေးခဲ့ပေ။လူသတ်တာတွေ၊ နှိပ်စက်တာတွေ၊ စာချုပ်မှာ လက်မှတ်ထိုးတာတွေ၊ မာဖီးယားဂိုဏ်းတစ်ခုလုံးကို တစ်ယောက်တည်း ဦးဆောင်နေရတာတွေ။မကျေမနပ်ဖြစ်နေတာမျိုးတော့ မဟုတ်ပေ။

ဖုန်းအား Night standမှ ယူလိုက်ကာ အောက်ထပ်သို့ ဆင်းပြီး ကားဆီသို့ လာခဲ့သည်။လူတစ်ယောက်က ကားတံခါးဖွင့်ပေးလာတာမို့ ဝင်ထိုင်လိုက်သည်။ဆယ်မိနစ်ခန့် ကားမောင်းပြီးချိန်တွင် ဂိုဒေါင်ဆီသို့ ဆိုက်ရောက်ခဲ့သည်။ကားထဲမှ ထွက်ပြီး ဝင်ပေါက်ဆီသို့ လာခဲ့သည်။လက်အား စကန်ဖတ်လိုက်သောအခါ ဂိုဒေါင်တံခါးကြီးက ပွင့်သွားသည်။အထဲသို့ ဝင်လိုက်သောအခါ တိတ်ဆိတ်လွန်းတာကြောင့် ကိုယ်ခြေသံ ကိုယ်ပြန်ကြားနေရသည်။အိုဟောင်းနေသော အခန်းထဲသို့ ဝင်သွားတော့ လက်မောင်းတို့အား နောက်ပစ်ပြီး ကြိုးချည်ခံထားရသူတစ်ယောက်အား တွေ့ရသည်။‌သူ၏ ခြေထောက်များမှာလည်း သူထိုင်‌ေန‌သော ထိုင်ခုံ၏ ခြေထောက်ဖြင့်တွဲချည်ထားသည်။