သေခြင်းတရား ယူနစ်ဘား [ဘာသာပြန်]

|၆၇|

အခန်း(၆၇)အကောင်ကြီးဖမ်းခြင်း

ကျိုယန်၏ဆွေးနွေး ညှိနှိုင်းမှုများကို ဥပေက္ခာပြုပြီး နှစ်ရက်ကျော်အကြာတွင် Annihilationအဖွဲ့အစည်းထောက်ပံ့မှုဖြင့် Phantom၏Nine Eaglesအပေါ်တိုက်ခိုက်ထိုးနက်မှုများဟာ တစတစပိုမိုပြင်းထန်လာခဲ့သည်။Gua Yi နှင့်ကျန်သူများသည်လည်း Lနိုင်ငံရှိGunfireလက်အောက်ခံအဖွဲ့များရှင်းလင်းရေးကို အရှိန်မြင့်လိုက်သည်။

ဦးဆုံးနေ့တွင် ကျိုယန်မလှုပ်ရှားသေးသော်လည်း နောက်နေ့ သူ့ခေါင်းပြုတ်တော့မည့်အရိပ်အယောင်ထင်လာသောကြောင့် လျန်ကျွင်းနှင့်ထပ်မံစကားပြောရန် ပြာပြာသလဲစာများထပ်ပို့တော့သည်။

"ဒေါကန်သောသောချစ်သူ"ဟိတ်ဟန်ထိန်းသိမ်းထားသောလျန်ကျွင်းမှာ ကျိုယန်၏ဆက်သွယ်တောင်းဆိုသည်များအားလုံးကို ရက်ရက်စက်စက်ငြင်းပယ်ချပစ်သည်။ဒါတင်မက တရုတ်မှ Annihilationတပ်စုအား နိုင်ငံတွင်းရှိNine Eaglesကိုစတင်ပစ်မှတ်ထားရန် အသင့်ဖြစ်စေသည်။

ကိုယ်ပိုင်အင်အားတောင့်တင်းသည်ရုံတင်မက အစိုးရမှအထောက်အပံ့ပေးထားသော်ငြား Annihilationအဖွဲ့အစည်းသည် ရန်စခံရသည်မှတခြား ဘယ်သောအခါမှ တခြားသောအဖွဲ့အစည်းကိုစတင်တိုက်ခိုက်လေ့မရှိဘဲ တိတ်တဆိတ်အမြဲရှိသည်။ယခုအခါမှာ Nine Eaglesကို ထိုးနက်ရန် မိမိဘက်မှခြေလှမ်းစလိုက်၍ ထိုအထူးတလှယ်အခြေအနေကြောင့် မြေအောက်အဖွဲ့အစည်းခေါင်းဆောင်များလည်း သတိမူလာကြသည်။Tarantulaခေါင်းဆောင်ဖြစ်သောလုရှန်းသည်ပင် ဘာတွေဖြစ်ပျက်နေသလဲဆိုတာ တိုက်ရိုက်မေးမြန်းလာလေသည်။

လုရှန်း၏'လာပါ အခုနောက်ဆုံးပေါ်အတင်းစကားလေး အန်တီ့ကိုပြောစမ်းပါ'ဆိုသောမျက်နှာကိုကြည့်ပြီး လျန်ကျွင်းတစ်ခွန်းသာဆိုသည်။
"ကျိုယန်က ကျွန်တော့်ချစ်သူကို လာထိတာ"

{မင်းဘာပြောလိုက်တယ်}
လုရှန်းအသံမှာ မိုးထိမြင့်သွားကာ အထိတ်တလန့်ဖြင့်{မင်းချစ်သူ? ဘယ်သူလဲ?မင်းကဘယ်တုန်းကရည်းစားရသွားတာလဲ?ဘယ်လိုဖြစ်လို့ ငါကဘာမှမကြားခဲ့ရတာလဲ?တွေ့ဆုံပွဲတုန်းကလည်း မင်းမှာ....ခဏလေး မဟုတ်မှလွဲကော မင်းနဲ့အတူရှိနေတဲ့ဟိုကလေးများလား?}