Twisted Affection (Completed)

THIRTY - THREE

Tapos na rin ang program sa gabi-isang malaking foam party na inorganisa ng University pagkatapos ng intrams. Hindi kami nagtagal sa loob ng gymnasium dahil ang iba sa amin ay nagpasyang uminom sa isang sulok. Nakakatawa nga dahil sa sobrang saya ng party, may ilan na talagang naglasing.

The laughter and screams were in sync with the music that reached outside the gymnasium. Even though we were outside, we could still feel the energy and joy coming from inside.

Ang dalawa na kahit medyo lasing na ay patuloy pa rin sa kakulitan nila. Nagtatawanan sila habang naglalakad palabas at minsan pa nga'y nadadapa dahil sa kalasingan nila. Nakasunod lang rin ako sa kanila at sanay na rin ako na ganito sila.

"Nandito na Lolo mo, girl! Hello, Tay, sa bahay niyo kami matutulog ngayon hehe!" Sinapok siya ni Jazz.

"Buang ka, kapal mukha beh?" Nakabusangot lang si Dalcy pero sabay naman silang sumakay sa Tricycle ni Lolo. Napailing nalang ako.

"Ano? Totoo naman ah!" depensa niya pa.

Nagsasagutan na sila habang nasa byahe kami. Pinabayaan ko nalang sila kasi tatahimik rin naman sila mamaya.

"Anong oras na girl? May bukas pang tindahan malapit sa inyo?" tanong ni Jazz sa akin.

"Mukhang wala na. Daan nalang tayo sa convenience store. Ano bang bibilhin niyo?"

"Syempre, mga snacks habang nakikinig kami sayo. Ngayon lang tayo nakagawa ng ganito kaya lubusin na natin!" Sagot niya.

"May load pa ako sa Netflix, nood rin tayo!" Sabat pa ni Dalcy.

"Mas mabuti! Walang tulugan ito!" Natawa nalang ako sa pagiging hyper nila. Dumaan nga kami agad sa convenience store pero sinabihan ko nalang si Lolo na mauna na dahil pwede naman naming lakarin pagkatapos. Gabi na rin kasi masyado tapos masyadong ng matanda si Lolo. Ayaw nga niya noong una pero dahil sa pangungumbinsi ng dalawa, napapayag.

Kahit sa loob ay puro tawa nalang nagawa namin roon. Hindi sila talaga nauubusan ng kwento.

"Hindi mo ba napapansin iyong ex ni Justine kanina? Wasted na wasted! Ako pa binangga, alam niya namang papatol talaga ako!" Ani Jazz.

"Hahaha! Natatawa ako kanina kasi napahiya talaga siya ng todo. Akalain mo naman na nag confessed si Justine sayo tapos nandoon si Alvey. Yieee! Bakod naman agad sayo!" Namumula si Jazz habang namimili ng chips.

"Ano ka ba! Syempre, maganda ako! Kaya normal lang sa aking pag agawan!" naglakad kami sa ibang section nang may mabangga si Jazz.

"Ay! hala, sorry kuya!" Hindi man lang natinag ang lalaki. Nakatalikod pa rin siya habang nakatingin sa chocolate sa harap niya. Naka black jacket siya at naka hoodie pero alam namin na lalaki siya dahil sa tindig niya palang.

Sinilip ito ni Dalcy at nanlalaki ang mata. Bumulong agad siya sa amin. "Girls, ang taas ng ilong! Gwapo toh! Baka ito na forever ko!" Binatukan siya ni Jazz.

"Makati beh? What if kidnapper iyan? Aber?"

"Syempre, magpapakidnap! Kung ganito naman kidnapper, okay lang." Sagot niya. Napatingin ulit kami sa lalaki nang gumalaw na siya at dumiretso sa exit.

"Ay, umalis na. Sino kaya iyon? Pero alam mo pamilyar iyong side face niya. Nakalimutan ko lang kung kanino." Dagdag pa ni Dalcy.

Lumingon ako ulit kung saan iyon lumabas at nagulat nalang ako nang tumingin ito sa akin. Pero hindi iyon ang napansin ko, may kahawig siya! Agad itong umiwas ng tingin at saka tumalikod.

"Kahawig? Sinong kahawig niya?" Bulong ko sa sarili ko.

"Beh, tara na. May napili ka na ba?"tanong ni Jazz.