تحت مُسمى العشق - علا فائق

الفصل الثاني عشر

" الفصل الثاني عشر . "
" تحت مسمى العشق. "
* * *
آسر : -
- فكرت في كل دا ووصلت لحل هيصلح كل دا..
عليا : -
- ايه هو؟
آسر : -
- قررت اطلق ليان..
عليا بصدمة : -
- نعم!، لا دا انتَ اتجننت بجد، مينفعش تعمل كدا
آسر : -
- ليه، انا هرجع كل حاجة زي ما كانت
عليا : -
- بعد كل اللي انتَ خربته مينفعش تقول هرجع كل حاجة زي ما كانت، طلاقكوا مش هيحل حاجة بالعكس هيعقد الدنيا والضحية الوحيدة هتكون ليان، انتَ بدل ما تكحلها هتعميها..
آسر : -
- انا شايف ان دا انسب حل...
قطع حديثه عندما سمع هاتفه يرن ونظر لعليا باستغراب عندما وجد ان المتصل احمد..
فتح آسر الخط وقال : -
- ايوه يا احمد
تمتم احمد بنبرة متحشرجة: -
- تعالي خد ليان على بيتك
آسر بتساؤل : -
- ليه في حاجة حصلت؟
احمد : -
- هتيجي ولا لا
آسر : -
- مش افهم الاول في ايه!
احمد : -
- بسببك، بسببك بابا مش قابل وجودها في البيت لو رجع البيت ولقاها ممشتش هيطردها، انتَ متخيل ليان بسببك وصلت لايه، متخيل ان في اب مبصش في وش بنته بسببك..
شعر آسر بالذنب وقال : -
- ليان عرفت بالكلام دا؟
أحمد : -
- ليان لو عرفت ممكن تروح فيها من الزعل وبابا وليان كانوا اقرب اتنين لبعض، انا من ساعة كلام بابا مش قادر ابص في وشها، بعد ما كانت كل حاجة بقت عبء تقيل ابويا مستحملش وجوده ونزل..
آسر : -
- خلاص يا أحمد انا جاي اهو
احمد اغلق الخط ولم ينتبه الى التي كانت تقف على عتبة الغرفة وسمعت كُل شيء!
* * *
"آســر."

عليا : -
- في ايه يا آسر حصل حاجة؟
آسر : -
- اطلعي على بيت ليان وهحكيلك بعدين..
عليا : -
- ماشي
* * *
(في شركة انس واسر)

أنس طلب من السكرتيرة الخاصة به بعض الملفات حتى يراجعها فاحضرت السكرتيرة الملفات له ولكن كانت مرتبكة ولاحظ أنس ارتباكها فقال : -
- ماشي يا الاء تقدري تتفضلي..
جلس أنس يراجع ملفات الشركة واكتشف ان هناك ملف ناقص، وبدأ يفتح الملفات بشكل سريع فشعر ان هناك ورق مفقود فقرر النهوض بنفسه لكي يسألها..
سار أنس بهدوء وكان باب الغرفة الخاصة بالسكرتيرة موراب وسمعها تتحدث في الهاتف فوقف يسمعها..

الاء بنبرة مضطربة : -
- أنس طلب ملفات الشركة بما فيهم الملف اللي عندك..

الاء : -
- يعني ايه لسه يا محمود بلغ اشرف انه لو انس اكتشف الورق والملفات اللي عندكوا انا هروح فيها..

الاء : -
- ماشي، ماشي هستني اما اشوف هستنى لحد امتا..

اغلقت الاء الخط واخذت نفس عميق حتى تهدىء ونهضت لتخرج وجدت أنس واقف امام الباب وملامح وجهه لا توحي بالخير..
أنس : -
- تعالي ورايا على مكتبي يا آنسة الاء..
بلعت الاء ريقها بصعوبة ونظرت له بخوف ومشت خلفه..
دخل انس مكتبه وجلس على كُرسيه وقال : -
- تعرفي ان آسر لو عرف اللي انتِ عملتيه هيوديكي ورا الشمس!
الاء بتوتر : -
- ايه، عملت ايه، انا معملتش حاجة ولله
أنس : -
- تعرفي كمان ان انا اقدر اعمل فيكي محضر سرقة الوقتي واضيعلك مستقبلك وساعتها لا اشرف ولا محمود هينفعوكي ولا هيعرفوا طريقك تاني اصلا!
الاء برجاء : -
- سامحني يا مستر انس ولله مش هعمل كدا تاني والملفات اللي عندهم هجيبها ولله بس متفضحنيش..
أنس : -
- الملفات اللي عندهم هتيجي كدا كدا سواء انتِ عايزة او لا جبتيهم بالذوق او هجيبهم في القسم عادي دي مش مشكلة يعني بس انتِ معتش ليكي مكان معانا، تقدري تتفضلي انزلي للمحاسب والملفات تكون عندي في خلال يومين او الموضوع هيوصل لآسر والشرطة
ألاء : -
- لا حاضر ولله بس متوصلش الموضوع لمستر آسر والشرطة انا هجيبهم منه..
أنس : -
- اتفضلي برا..
انتظر أنس الاء حتى خرجت وامسك كوب زجاج والقاها في الجدار بغضب شديد، وقال بصوت عالي : -
- وبعدهالك يا اشرف، عايز توصلنا لايه!!
* * *
"حنين"