تحت مُسمى العشق - علا فائق

23

" الفصل الثالث والعشرون . "
" تحت مسمى العشق. "
* * *
" في فيلا اسر الالفي . "
* * *
انس : -
- شراكة ....
اسر / احمد : -
- ايه !!
انس : -
- ايه رأيكوا نعمل شراكة بين العيلتين وبكدا هنسكت اي حد بيتكلم
اسر : -
- وبعدين الشركة مين هيديرها وهل حمايا هيوافق
احمد : -
- لو هنعمل شراكة ودا فعلا حل مناسب الشركة انا اللي هشارك فيها لان بابا لسه على موقفه من ليان
اسر : -
- تمام ومين اللي هيمسك الادراة مع احمد
انس : -
- ولله وقتها نشوف اهم حاجة اننا متفقين
اسر : -
- تمام
احمد : -
- شامين الريحة دي
اسر : -
- ريحة ريحة ايه
احمد بابتسامة : -
- ريحة اكل ليان ، تعالوا نشوف بيعملوا ايه
* *
في المطبخ.
* *
ليان كانت واقفة في المطبخ تطهي البصل والثوم في السمنة التي اشترتها منذ عدة ايام مع مستلزمات للمطبخ، وكانت حنين قطعت الكبدة الى شرايح ونزلت بها على النار..
عليا كانت جالسة على الطاولة تقطع الخضار الذي سيوضع جانب الطعام..
اقترب اسر واحمد وانس من المطبخ واصدروا صوت حتى يثيروا انتباههم انهم قادمين ودخلوا ..
اسر : -
- ايه دا بتعملوا ايه
ليان : -
- انتَ شايف ايه
نظر لها اسر قليلا بحب ووقف بجوارها وقال بصوت منخفض : -
- شايف قدامي اجمل بنت في الدنيا
اكتفت ليان بابتسامة رقيقة ونظرت للاكل فسند اسر على المطبخ بجانبها ونظر لاخته وقال : -
- واخيرا شوفت البرنسيسة في المطبخ
احست عليا بالاحراج واحمر وجهها وقالت : -
- فيها ايه يعني غلى فكرة انا بقف في المطبخ من زمان انت اللي مش بتاخد بالك
اسر : -
- امممم ماشي
ذهب انس ووقف جوار حنين وهي تغسل يدها وتغسل الاشياء التي استخدمتها في المطبخ وقال : -
- اساعدك في حاجه يا حنين
حنين : -
- ميرسي يا انس بس انا خلصت اصلا
جلس احمد على الطاولة قبالة عليا وقال : -
- وحشني اكلك يا ليان
اسر شعر بالغيرة وتضايق عندما جلس احمد قبالة عليا وقال له : -
- متشوفش وحش يا احمد تعالوا يلا برا على ما هما يخلصوا ..
* *
" بعد مرور ساعة تقريبا . "
* *
وضع الفتيات الطعام على طاولة الطعام، ونادت ليان على اسر ودخلوا الشباب وبدأوا في تناول الطعام ..
انس : -
- احنا ناويين ان شاء الله نفتح شركة جديدة واحمد هيكون شريك فيها
ليان : -
- بجد يا احمد بجد يا اسر انتوا هتعملوا شركة سوا
عليا : -
- بجد فكرة فظيعة يا اسر عشان الكلام اللي بيتقال دا يخف بقى ، احنا محتاجين نعمل حاجة زي كدا فعلا عشان نثبت للناس ان مفيش عدواة وان دي مجرد اشاعات
اسر : -
- اهدوا يا جماعة دي مجرد فكرة لسه مدرستهاش انس بس بيحب يكبر الدنيا
عليا : -
- بس الفكرة عظيمة يا اسر مش محتاجة دراسة احنا اساسا كنا ناويين نفتح فرع جديد
اسر : -
- يا عليا قولت محتاج دراسة ومدة كويسة عشان اقدر اوفق بين الشركتين
عليا : -
- توفق ليه خليك في الفرع الاساسي مش انت اتففت معايا ان الفرع الجديد انا اللي همسك ادراته
انس : -
- اها فعلا يا اسر انتَ اتفقت معاها على كدا
ضرب اسر انس في ساقه من اسفل الطاولة فتأوه انس بقوة ، فضرب اسر على ضهره وقال : -
- سلامتك يا انس
نظر له انس بغيظ واكل خيارة بغضب مكتوم ، اسر : -
- اكيد طبعا هفكر في الموضوع دا يا عليا ، ركزوا في الاكل انتوا بس
* *
" في فيلا اسر الالفي . "
* *
مر ذلك اليوم وانس وحنين وعليا واحمد غادروا وصعدت ليان واسر للاعلى ..
دخلت ليان غرفتها فدخل اسر خلفها وجلس على السرير بجانبها وقال : -
- ممكن افهم في ايه بقى ؟
ليان : -
- في ايه ؟
اسر : -
- اتغيرتي فجأه ليه ، عملت ايه زعلك
ليان : -
- لا معملتش حاجة بس انا كنت عايزة اكلمك في موضوع كدا ..
اسر : -
- ايه هو ؟ اتكلمي ..
ليان : -
- انتَ عارف ظروف جوازنا وكلا اللي حصل
اسر : -
- عارف وعشان كدا طلبت منك نفتح صفحة جديدة
ليان : -
- ايه رايك نتخطب من اول وجديد ، نتعرف على بعض من البداية وتطلبني من بابا ويسامحنا ونعمل فرح حلو ..
اسر : -
- فكرة حلوة بس غريبة وكدا احنا بنثبت للي حوالينا ان جوازنا مكنش طبيعي من البداية ..
ليان : -
- احنا نعرف بابا اننا غلطنا وجايين نطلب منه السماح ونبدأ من اول وجديد ..
اسر : -
- خلاص اتفقنا بس ممكن نأجل الحوار دا شوية لحد ما نشوف هنعمل ايه مع اشرف ..
ليان : -
- تمام ، يلا روح على اوضتك بقى
اسر : -
- ماشي يا ليان هانم ، تصبحي على خير
ليان : -
- وانت من اهله
* *
" الساعة الثانية صباحًا . "
* *
ارتدى اسر جاكيت جلد اسود وبنطلون جينز ونزل على الجراج واستقل دراجته النارية وخرج على بداية الشارع ووجد انس منتظره على دراجته النارية ومرتدي ملابس شبيهه لملابس اسر ، تحرك اسر على الطريق وتحرك انس خلفه للعنوان المطلوب ..
وصل اسر وانس للعمارة القاطن بها اشرف وصفوا دراجتهم النارية امام العمارة التي كان حارسها غير موجود، فصعدوا سريعا للدور الذي فيه شقة اشرف، وبدأ اسر يطرق الباب بشكل خفيف حتى لا يفزع اشرف ..
فتح اشرف الباب فورا وكأنه كان منتظر احدهم وعندما رأه اسر ورأى زجاجة المشروب خلفه ضحك بسخرية ودخل قبل ان يغلق اشرف الباب ونطحه براسه اسقطه ارضا ودخل انس خلفه وقفل الباب!
* *
" في الصباح . "
* *
كان اسر واقفا في المطبخ يتناول طعام الفطور قبل ذهابه للعمل ووجد ليان  تنادي عليه ..
ترك اسر الفطار وذهب اليها وقبل راسها وقال : -
- صباح الخير يا ليان
ليان : -
- صباح النور يا اسر ايه اللي مصحيك بدري كدا
اسر : -
- نازل الشركة النهارده
ليان : -
- اها ، بالتوفيق ، فكرت في حوار الشراكة دا يا اسر
اسر : -
- لا بتسألي ليه
ليان : -
- مفيش بس يعني الفكرة حلوة
اسر : -
- عايزة الشركة دي تتعمل
ليان : -
- اها ، جدًاااا
اسر : -
- اعتبريها اتعملت يا لولو
ليان : -
- بجد يا اسر
اسر : -
- بجد يا ليان
عانقته ليان بسعادة بتلقائية وقالت : -
- انا فرحانة اوي اوي اوي ، ربنا يخليك ليا
بادلها اسر العناق وفي داخله شعور غريب وجميل وقال :-
- ويخليكي ليا
* *
" في بيت اشرف الموجي . "
* *
اشرف كان متمدد على الارض ووجهه مليء بالدم وكدمات وعينه ورامه ..
فتح اشرف عينيه ويشعر بالالم في كل جسمه وتذكر كل ما حدث ليلة امس وقال بشر : -
- ولله لادفعكوا تمن دا غالي وهبدأ بيك يا اسر ، بكره تشوف هحرق قلبك ازاي ..
* *
" اسفل منزل فؤاد الموجي . "
* *
وصل اسر اسفل بيت اهل ليان وصف سيارته ..
اسر : -
- متأكدة ان حمايا مش فوق
ليان : -
- ايوه هو بيكون في الشركة الوقتي ..
اسر : -
- ماشي ، خلي بالك من نفسك ومتتحركيش من هنا قبل ما اجيلك ، لما تحتاجيني رني عليا على طول ماشي
ليان : -
- ماشي انتَ كمان خد بالك من نفسك ، سلام
اسر : سلام
* *

يتبع ..