تحت مُسمى العشق - علا فائق

الفصل العشرون

" الفصل العشرون . "
" تحت مسمى العشق"
* * *
ليان بصدمة : -
- اشرف !!
هجم اسر عليه قبل ان يرد عليها ولكمه لكمة اطاحت به، سمع من في الداخل صوت الضجيج نتاج شجارهم  فنهض احمد وانس بسرعة حتى يروا مصدر الضجيج وتفاجأ احمد وانس بوجود اشرف ..
فصل احمد ما بين اشرف واسر وصاح فيهم
احمد : -
- هو في ايه يا جماعة هو كل شوية خناق خناق ارحمونا
اسر : -
- اطلع برا بيتي يا كلب
انس : -
- اهدي يا اسر مش كدا
احمد : -
- في ايه يا اسر انتَ مزودها
اسر : -
- انا مش عايز الحيوان دا في بيتي ، اخرج برا يلا فكرلك في فكرة جديدة تخلص عليا بيها وبردو مش هموت ، كل مرة ربنا ينجدني من شرك ويكشفك على حقيقتك وتنزل من نظر اللي حواليك اكتر
احمد : -
- ايه الكلام دا يا اسر ، انتَ قصدك ايه بالكلام دا
اسر : -
- هو عارف قصدي كويس يا احمد
احمد : -
- اسر مش معنى انك جوز اختي يبقى مسمحولك تهينه انا مش هسكت
لاحظت ليان ان الموقف بدأ يتطور ضد اسر فقررت المدافعة عنه ..
فتحت ليان الباب على مصرعيه وقالت : -
- اتفضل اخرج برا يا اشرف ، لو سمحت ..
نظر اشرف الى ليان بصدمة لم تختلف كثيرا عن صدمة اخوها
احمد : -
- ايه الكلام دا يا ليان
اشرف : -
- كدا يا ليان ، بتبيعيني عشانه !
ليان : -
- انا مش بيبعك اسر جوزي ودا اللي المفروض يحصل وانت اكتر واحد عارف انك مش مظلوم ..
احمد : -
- لا انا عايز افهم في ايه بجد بدل ما امشي معاه حالا
نظرت ليان لاسر وظلوا صامتين واصبحت ليان في موقف صعب ، ذهبت ليان ووقفت بجانب اسر الذي لف ذراعه حول كتفها مما اثار  اشرف اكثر واكثر ..
جاء صوت حنين التي تابعت كل ما يحدث هي وعليا وتقدمت منهم وقالت : -
- تسمحيلي يا ليان اتكلم انا واعفيكي من الحمل دا بس ياريت نخرج برا نتكلم عشان باقي العيلة متسمعش وتبقى فضيحتك بجلاجل يا اشرف
خرجوا جميعهم الى الشارع امام الفيلا وتكلمت حنين وهي تنظر في عيون اشرف بتحدي : -
- اشرف هو اللي قطع فرامل عربية اسر يا احمد هو السبب في حادثته
احمد بصدمة : -
- ايه ، الكلام دا حقيقي يا اشرف
حنين اكملت : -
- انا سمعته بودني وهو بيتكلم مع مراته وليان شافته بعينها وهو بيحاول يموته وهما في المستشفى
احمد : -
- معقول ! انتَ يطلع منك كل دا يا اشرف
لمح اشرف المحبس في اصبع ليان ونظر لوقفتها بجانب اسر بشكل حميمي فزاد الغل في قلبه واقترب من اسر وقال : -
- انتَ خدت مني كل حاجة ولسه بتاخد ، اوعدك اني هاخد منك كل اللي خدته مني واحد ورا التاني واستنى اول قلم قريب اوي يا اسر ..
اسر : -
- اعلى ما في خيلك اركبه ، وريني نفسك يا شاطر انا مستنيك ..
نظر لهم اشرف بنظرة شملتهم بحقد وتركهم وغادر ودمه يغلي من الغضب وشيطانه استلم زمام الامور واعمى عيونه ..
* * *
" امام فيلا اسر الالفي . "
* * *
عليا : -
- معقول كل دا يحصل واحنا منعرفش
احمد : -
- انتِ ليه مقولتليش قبل الوقتي يا ليان
اسر : -
- يا جماعة مش دا المهم الوقتي ، المهم انكوا شوفتوه على حقيقته ياريت تاخدوا بالكم منه يا احمد
احمد : -
- كان لسه عندنا النهارده بس معرفتش ايه السبب
عليا : -
- غالبا انا عارفة السبب لان سارة كمان كانت عندنا النهارده وسمعت كلام كدا عن طلاق
حنين : -
- طلاق ! ، هما لحقوا !!
انس ضحك ونظر لاسر وقال بتهكم : -
- دا المتوقع
اسر : -
- مش وقت الكلام دا الوقتي يلا نرجعلهم ..
احمد : -
- في حوار يخص الشغل عايز اكلمك فيه يا اسر
اسر : -
- خلاص خليها بكره ، تعالالي بكره  وابقوا عدوا انتوا كمان يا شباب بعد ما تخلصوا في الشركة
احمد : -
- خلاص تمام
عليا : -
- يلا ندخل ..
* * *
" بعد مرور حوالي ساعة . "
* * *
كانوا مجتمعين في غرفة الضيوف والجو مشحون ، لم يكن يوجد غير سارة وصباح ورحمة واحمد اما انس وحنين وعليا غادروا ، نظر احمد في ساعته وقرر المغادرة هو ووالدته فخرجت معهم ليان حتى ترافقهم هي واسر ، وصباح نهضت من مكانها تنظر عليهم وتاكدت سارة ان لا احد يراها وسكبت كوب مياه على الارض امام المطبخ ..
دخل ليان  واسر بعد ما ودعت اهلها ..
سارة : -
- بقولك يا ليان ممكن تعمليلي حاجة سخنة اشربها ياحبيبتي ، احسن تعبانة اوي
ليان بمضض : -
- اه طبعا الف سلامة
سارة : -
- الله يسلمك
جلس اسر معهم والضيق مرسوم على ملامح وجهه وفجأة صرخة ليان جعلته ينتفض من مكانه ..
وقعت ليان بسبب المياو ولوت كاحلها.
نزل اسر الى مستواها وقال بقلق : -
- ليان انتِ كويسة ايه اللي حصل ؟
ليان : -
- معرفش ايه اللي حصل فجأة اتزحلقت
وضع اسر  يده على الماء باستغراب وقال : -
- ايه الميه دي ، ايه اللي دلقها هنا !!
ليان نظرت لسارة بشك وقالت : -
- مش عارفة يا اسر ، ممكن تطلعني اوضتي
حمل اسر ليان تحت انظار سارة الحاقدة.
وضع اسر ليان على السرير وقال لها : -
- عايزة حاجة اجيبهالك من تحت
ليان : -
- لا شكرا
اسر : -
- انا نازل الوقتي واول ما يمشوا هجيلك على طول
ليان : -
- تمام
* * *
" في الاسفل . "
* * *
الصمت هو سيد الموقف ، اسر ناظر الى الارض او يلعب في هاتفه .
قررت سارة قطع الصمت وقالت : -
- عايزاك في كلمتين يا اسر ممكن
اسر بجمود : -
- اتفضلي اتكلمي
سارة : -
- لا مش هينفع هنا
اسر : -
- مفيش بينا كلام يتخبى اصلا يا سارة ، اتفضلي اتكلمي
صباح : -
- خدها وروحوا اتكلموا في الجنينة يا اسر انا قاعدة هنا اهو
زفر اسر انفاسه باستياء ونهض قبلها وخرج ولحقت به على عجل.
* * *
" في اوضة ليان . "
* * *
حاولت ليان  النهوض والسير حتى ترى مدى الاصابة وحمدت ربنا انها خفيفة وقادرة على السير ، شعرت بألم بسيط بسبب الوقعة ولكن استطاعت المشي وظلت تمشي خطوات في الغرفة ذهابا وايابا وتذكرت سارة ونظراتها لها اللي اشعرتها ان السقف طبق على نفسها فقررت تفتح الشباك حتى يدخل هواء نظيف للغرفة ولمحت اسر في الحديقة ..
نظرت ليان باستغراب لاسر وافتكرت ان اهله غادروا وتفاجأت عندما ظهرت سارة امامها ووقفت بجانب اسر ..
* * *
" في الحديقة . "
* * *
كان اسر  واقف ظهره للفيلا وسارة وقفت امامه ولمحت شباك غرفته مفتوح وخيال واقف خلفه فابتسمت وتوقعت انها ليان وشكرت حظها الذي سهل مهمتها
سارة : -
- اسر
اسر : -
- عايزة ايه يا سارة !
سارة : -
- عايزة اقولك اني لسه بحبك يا اسر وعمري ما نسيتك ولو مرة وحياتي كانت عذاب معاه عشان انت مش فيها
اسر : -
- انتِ هبلة !
سارة : -
- ليه كدا
اسر : -
- انتِ بتقولي ايه يا سارة انتِ بصيتي لاشرف وانتِ معايا انتِ اخترتي اشرف الراجل اللي بتقولي حياتك عذاب عشان معاه ، انتِ بتضحكي على مين ، عليا ولا على نفسك
سارة ببكاء كاذب : -
- يا اسر عارفة اني غلطت بس احنا بنحب ببعض
اسر : -
- اخرسي انا مبحبكيش انا كنت مخدوع فيكي وانتِ عمرك ما حبتيني انتِ حبيتي نفسك بس متكذبيش الكذبة وتصدقيها !
امسكت سارة كف اسر ووضعته على وجهها وقالت : -
- عرفت قيمتك وندمت ولله يا اسر ايدك اللي كنت بتترفع عشان تطبطب عليا هو رفعها عشان يضربني سامحني يا اسر
اسر سحب يده بسرعة من يدها وقال : -
- اديكي وقعتي بلسانك انتِ عرفتي قيمتي وندمتي لما هو مد ايده عليكي وقارنتي بينا ، بس لو مكنش ضربك مكنتيش جيتي تاني يا سارة كنتي عيشتي حياتك طبيعي المفروض انا كنت اوقف حياتي عليكي بقى وابكي على اطلالك و يا ترجعي يا مترجعيش ! انتِ موتي في قلبي يا سارة فاهمة انا معتش قادر ابص في وشك تخيلي وصلتيني لايه !
قررت سارة تنتقم منه ومنها وحضنته فجأه بقوة بكل قوتها
سارة : -
- سامحني يا اسر بالله عليك ، اسر خليني جمبك متبعدنيش عنك عشان خاطري ، عشان خاطر الحب اللي بينا
رأت ليان حديثهم الطويل وتفاجات عندما وضعت يده على وجهها ويدها فوق يده وصدمت عندما عانقته !!
ابتعدت ليان عن النافذة تكتم شهقاتها ودموعها سالت ورفضت ان ترى اكثر  وخرجت واغلقت النور واستندت على الجدار حتى توصل لغرفتها ودخلت وقفلتها بالمفتاح خلفها وانهارت من البكاء وهي في حرب مع نفسها ..
حاول اسر ان يمسك ذراعها حتى يبعدها عنه لكنها كانت متشبثة به بكل قوتها ، واخيرا استطاع اسر ودفعها بعيدا لدرجة انها وقعت ورأت امه الذي حدث انه دفعها ووقعت فثارت عليه وصاحت فيه بغضب واخذت سارة وغادرت ..
* * *
يتبع ..