تحت مُسمى العشق - علا فائق

الفصل الثامن عشر

" الفصل الثامن عشر . "
" تحت مسمى العشق"
* * *
" في فيلا محفوظ الالفي . "
* * *
وصلت عليا الى الفيلا ودخلت وتحدثت قبل وصولها لمكان سارة.
عليا:
-جهزي نفسك يا ماما اسر عازم العيلتين عنده في البيت النهارده ..
سمعت سارة وصباح حديث عليا ونظروا لبعضهم البعض ودخلت عليا الصالون ووقفت مكانها عندما وجدت سارة امامها!
عليا : -
- سارة !
سارة : -
- ازيك يا عليا
عليا : -
- كويسة، جيتي ليه ؟
سارة : -
- بدل ما تقوليلي نورتي بيت عمك يا عليا !
صباح : -
- ايه يا عليا قلة الذوق دي
عليا بحرج : -
- مقصدش يا ماما طبعا نورتي يا سارة انا اقصد بس انك جيتي فجأة من غير معاد
صباح : -
- وهو لازم تستأذن قبل ما تيجي بيت عمها يا عليا هانم
عليا : -
- ايه يا ماما لا طبعا مقصدتش تنوري في اي وقت، عن اذنكوا ..
صعدت عليا الى غرفتها دون ان تقترب من سارة وشعرت بالضيق من تصرف والدتها وانتابها القلق حيال اسر وليان ..
* * *
" في بيت فؤاد الموجي . "
* * *
" وصل اشرف بسيارته الى بيت عمه وصعد الى البيت "

كان اشرف جالس مع عمه الذي رحب به واستقبله في غرفة المكتب وقال : -
- اهلا يا اشرف نورت
اشرف : -
- البيت منور باصحابه يا عمي
فؤاد : -
- تشرب ايه
اشرف : -
- انا مش جاي اشرف ، انا كنت جاي اكلم حضرتك في موضوع كدا
فؤاد : -
- خير يا اشرف اتكلم
اشرف : -
- انا نويت اطلق سارة يا عمي !
فؤاد : -
- ليه بس يا بني انتوا لحقوا !
اشرف : -
- معتش قادر اعيش معاها ، كل يوم اكتشف فيها صفة اوحش من اللي قبلها عشان كدا قررت اطلقها وزي ما وقفت معايا في جوازي حابب انك تقف جمبي الوقتي كمان ، انتَ ابويا التاني
فؤاد : -
- ربنا يقدملك اللي فيه الخير يا ابني
اشرف : -
- يارب ليان عاملة ايه ، مفيش عنها اخبار
فؤاد : -
- اهي عايشة دا كل اللي اعرفه عنها..
سمعوا صوت احمد وصل الى المنزل ويحدث والدته فنهض فؤاد وذهب ليراه وترك اشرف في في غرفة المكتب ..

بعدما خرج فؤاد نهض اشرف من مكانه ووقف خلف الباب يسترق السمع.
احمد : -
- اما انا جايبلك خبر يا رحومة انما ايه عسل
رحمة : -
- في ايه
احمد : -
- ليان اتصلت بيا عزمتني النهارده على حفلة صغيرة كدا اسر عاملها
رحمة : -
- بجد يا ابني، ربنا يهدي سرهم يارب
فؤاد : -
- وانتوا فرحانين كدا ليه واكننا هنروح
احمد : -
- يعني ايه الكلام دا يا بابا
فؤاد : -
- يعني محدش داخل للبنت دي مكان طول ما انا عايش
رحمة : -
- بس انا عايزة اروح واكون جمب بنتي واطمن عليها
فؤاد : -
- انا مليش دعوة بكل الكلام دا ، اللي هيروح لليان النهارده يعتبرني مت زي ما انا اعتبرتها ماتت
احمد : -
- دا اخر كلام عندك يا بابا !
فؤاد : -
- اخر كلام عندي يا احمد
احمد : -
- تمام ، مع احترامي ليك انا مقدرش اسيب اختي لوحدها حضرتك معودتنيش اسيبها لوحدها ضهرها عريان طول ما فيا نفس فانا هكون سند اختي وضهرها ، لو حابة تيجي معايا يا امي عرفيني
رحمة : -
- هاجي معاك يا ابني
فؤاد : -
- ماشي يا رحمة ، ماشي يا احمد انتوا اللي اختارتوا ..