تحت مُسمى العشق - علا فائق

22

" الفصل الثاني والعشرون . "
" تحت مسمى العشق"
* * *
ضرب اسر الطاولة بيده غاضبًا من قطع الجرس لهذه اللحدة الهامة ونهض ليفتح الباب ووجد انس وحنين وعليا امام الباب وملامحهم لا تبشر بالخير !
اسر : -
- في ايه !!
انس : -
- في دبور زن على خراب عشه
اسر : -
- نعم !
عليا : -
- يلا ندخل مش هنتكلم على الباب يعني يا اسر ..
اسر : -
- اتفضلوا
* * *
قعد اسر مع انس في غرفة المكتب وجلست الفتيات في حديقة الفيلا ..

" في الحديقة . "

ليان : -
- ايه اللي حصل مال وشكوا مقلوب كدا
عليا : -
- اشرف بعت تهديد لحنين النهارده
ليان : -
- ايه ، الكلام دا صح
حنين : -
- صح
ليان : -
- ليه وازاي يعمل كدا !!
حنين : -
- عشان الكلمتين اللي قولتهم امبارح ، بعت النهارده تهديد مع بوكية ورد
ليان : -
- ايه البجاحة دي
عليا : -
- بجاحة و اي بجاحة ومن ساعتها انس طار نار ومش قاعد على بعضه وبينه وبين انه يروح يموت اشرف الوقتي مفيش واحساسي كدا انهم مش ناويين على خير
ليان : -
- يعني هيعملوا ايه يعني
عليا : -
- بصي يا ليان يا حبيبتي اللي مهمد اسر من ناحية اشرف الفترة اللي فاتت دي كلها انس ومدام انس قلب القلبة السودة دي مش بعيد يروحوا يطلعوا روحه النهارده
ليان : -
- يا لهوي وبعدين
عليا : -
- ولا قبلين ادينا قاعدين بنتفرج ، مقولتليش انتِ رجلك مالها وسارة عملت معاكي ايه امبارح
ليان : -
- واحدة واحدة عليا ، امبارح بعد ما ماما واحمد مشيوا سارة طلبت مني حاجة سخنة تشربها عشان تعبانة
عليا : -
- تعبانة ايه ما كانت زي الفل
ليان : -
- معرفش بقى المهم جيت داخلة المطبخ اتزحلقت كانت في مية مدلوقة على العتبة وزحلقتني
حنين : -
- ايه دا وايه اللي دلق المية
ليان : -
- علمي علمكوا ، معرفش
حنين :-
- تكونش هي اللي دلقت ليكي المية يا ليان
عليا : -
- هي سماوية وتعملها انا ياما شوفت منها واحنا صغيرين معرفش اسر حبها على ايه
ليان : -
- ايوه بيحبها لدرجة انه بعد ما عرض عليا نفتح صفحة جديدة وندي لجوازنا فرصة يستغل اني مش موجوده ويخرجوا يتكلموا في الجنينة ومش بس كدا لا وحضنها كمان
عليا : -
- لا بتهزري اسر بيكره سارة بعد اللي عملته يستحيل يطيق يلمسها اكيد انتِ فاهمة غلط
ليان : -
- فاهمة ايه بقولك شوفتهم بعيني
عليا : -
- شوفتي ايه بالظبط يا ليان
ليان : -
- شوفتهم خرجوا يتكلموا وبعد كدا سارة خدت ايده رفعتها على وشها وبعدين حضنته مقدرتش اشوف اكتر من كدا
حنين : -
- بتقولي حضنته وخدت ايده يعني الراجل معملش حاجة اهو !!
ليان : -
- بس سابها تعمل وسواء هي او هو واحد الفعل واحد ..
عليا : -
- ليان متبقيش غبية وتضيعي اسر من ايدك ، اسر يستحيل يبص لسارة تاني ، سارة هي اللي بتحاول ترجعه
ليان : -
- وانتِ ايه اللي مخليكي متاكده كدا !!
عليا : -
- عشان دي سارة دايما بتبص للي بعيد عنها للي مش في ايدها مبدأ ومشي عليه اي حاجة في حياتها ، اسر لما اتجوزك اتصدمت وبدأت تزهد اشرف والنتيجة هتطلق وراجعة تحوم حوالين اسر عشان هو معاكي وهي الوقتي بتراهن نفسها عليه وهتعمل كل اللي تقدر عليه عشان ترجع تاخده منك
ليان : -
- واسر ممكن يرجعلها ؟
عليا : -
- اسر عمره ما يرجعلها بس لو اتعاملتي بغباء مع اسر يبقى بتقدميه ليها على طبق من دهب وانتِ الخسرانة
ليان : -
- يعني اعمل ايه الوقتي
حنين : -
- انتِ قلبتي عليه امبارح صح
ليان : -
- اه
حنين : -
- غبية ، انتِ الوقتي بعد ما نمشي تفردي وشك دا وتقوليله اي حجة تانية غير الاساسية
عليا : -
- حنين عندها حق ، اياك تذكري سيرة سارة ولا تحشريها في حياتك بالكلام حتى لانك كدا بتنبهيه انه يفكر فيها من غير ما يحس واحنا عايزين اسر يركز معاكي بس ويفكر فيكي بس
ليان : -
- ولو سألني مالي
حنين : -
- قوليله هرمونات ولا اي حاجة
عليا : -
- هو ممكن ميفتكرش يسأل لو اسلوبك رجع كويس اصلا ..
ليان : -
- رأيكوا كدا
عليا : -
- طبعا
حنين : -
- اكييد
قطع كلامهم صوت جرس الباب فقالت عليا : -
- خليكي يا ليان هقوم افتح انا ..

فتحت عليا وتفاجأت بأحمد الذي ضحك بشكل لا ارادي عندما رأها واثار توترها.
احمد : -
- ايه دا ازيك يا عليا ، انتِ هنا
عليا : -
- اه ، ازيك انتَ
احمد : -
- انا كويس اوي ، امال اسر فين
عليا : -
- مع انس جوا في اوضة المكتب
احمد : -
- في حاجة ولا ايه !
عليا : -
- ادخل هتعرف كل حاجة ..
* * *
" في غرفة المكتب . "
* * *
اسر : -
- حلو كدا هو جاب اخره معايا
انس : -
- هنعمل ايه
اسر : -
- عندنا طلعة حلوة النهاردة
انس : -
- طلعة من طلعات زمان قصدك
اسر : -
- بالظبط ، هنعلمه الادب باللغة بتاعته قرصة خفيفة كدا عشان شكله نسى نفسه
انس : -
- اجيلك على كام كدا
اسر : -
- على الساعة 2 كدا نروح نخلص ونرجع على الفجر
انس : -
- طيب وحنين انا قلقان عليها
اسر : -
- هتعمل ايه طيب اديها في بيتها بليل وطول النهار معاك في الشركة وابقى وصلها بعد الشغل وخلاص ربنا هيسترها ان شاء الله
سمع اسر وانس طرقات على الباب فقال اسر : -
- اتفضل
دخل احمد وسلم على انس واسر وجلس امام انس ..
احمد : -
- مالكوا حاسس في حاجة مش هيا في البيت ، حصل ايه
سحب انس الكارت من على المكتب واعطاه لاحمد وقال : -
- خد اقرى
اخذ احمد الورقة من انس باستغراب وقراها وصدم من
المكتوب ..
احمد : -
- ايه الكلام دا ! مين اللي باعت التهديد دا
اسر : -
- مين اللي حنين فضحته قدامنا امبارح ، اشرف طبعا
احمد : -
- انا لسه مش مصدق ان اشرف طلع مصيبة بالشكل دا
انس : -
- توقع غير المتوقع يا احمد لسه ياما هتشوف
احمد : -
- طيب وبعدين هتعملوا
اسر : -
- سيب الحوار دا لينا والرد هيوصلك
احمد : -
- طيب ما ترسوني
انس : -
- اللي بيقول مبيعملش يا ابو حميد ردنا هيوصلك قريب كبر دماغك انتَ بس
احمد : -
- ماشي
اسر : -
- انتَ كُنت عايزاني في ايه بقى ؟
احمد : -
- في مشكلة عندنا في الشركة ، كل الموظفين بيتكلموا في ضهري وبيقولوا كلام وحش عن ليان
اسر : -
- بيقولوا ايه
احمد : -
- انها خانتنا واتجوزت عدونا وان بابا قاطعها وكلام من النوع دا
انس : -
- طيب وانتَ عرفت منين
احمد : -
- الموظفة اللي جت خدت شغل ليان كانت شغلها زي الزفت ومش بتاعت شغل بمعنى اصح جيت اعلق عليها اتكلمت باسلوب زفت وغلطت في ليان وانا مستحملتش وطردتها بس هي جاية بعد جواز ليان وعرفت كل دا معنى كدا ان الشركة كلها بتتكلم في الحوار دا ، انا جيتلك عشان نشوف حل ونرد غيبتها يا اسر
اسر : -
- طيب وانت ايه رأيك يا احمد احنا ممكن نعمل ايه ، قولي في ايدي ايه اعمله وانا معاك طبعا
احمد : -
- منا مش عارف انا جيت عشان افكر معاك ..
انس : -
- شراكة ....
اسر / احمد : -
- ايه !!
* * *
يتبع ..