تحت مُسمى العشق - علا فائق

25

" الفصل الخامس والعشرون . "
" تحت مسمى العشق. "
* * *
" في مكان اخر . "
* * *
شعرت ليان انها لا تستطيع التنفس وهي ترى امامها مكان غريب وما زاد زعرها عندما وقع نظرها على اشرف فجاءة الذي كان جالس على كرسي بجوارها وقال : صباح الخير يا حبيبتي ..
صرخت ليان عندما رأت اشرف امامها ويبتسم بجنون!
* * *
وصل اسر الى فيلته وصف السيارة ودخل ركضا الى الفيلا اللي كانت بوابتها مازالت مغلقة مثلما تركها صباحا !!
دخل الفيلا وهو ينظر في كل شبر فيها وينادي على ليان باعلى صوته وصعد على السلم بسرعة وفتح كل الاوض وهو ينظر بداخلهم  على امل ان يجدها ولكن الفيلا مثلما تركوها الصبح .. !
نزل اسر بسرعة رهيبة للاسفل وخرج من الفيلا واستقل سيارته وانطلق باعلى سرعة على بيت اهل ليان وهو يرن على انس ..
* * *
" في بيت فؤاد الموجي . "
* * *
وصل أحمد البيت وتفاجأ ان والده موجود في البيت فالقى عليهم السلام عليه ودخل حتى يرى والدته فوجدها تجلس في غرفة ليان وتبكي.
دخل احمد وجلس بجانبها وقال : -
- مالك يا ماما ، في ايه
رحمة : -
- ابوك جه وليان هنا وانفجر فيها كل الكلام اللي كان شايله في قلبه من يوم جوازها قاله النهارده وطردها ..
احمد : -
- طيب وليان متعرفيش راحت فين
رحمة : -
- جوزها اتصل من شوية على تليفونها وعرفته يارب يكون لقاها في البيت
احمد : -
- انا هرن عليه ..
اخرج احمد  هاتفه وكان سيرن على اسر سمع صوت طرقات على الباب  فنهض بسرعة حتى يرى الطارق على امل انها ليان.
احمد فتح الباب وتفاجأ بأسر امامه وشكله لا يبشر بالخير ..
احمد : -
- لقيت ليان يا اسر
اسر : -
- ليان مش موجودة ، ليان مروحتش يا احمد
رددت رحمة اسمها بخوف:-
- بنتي !
سمع فؤاد كلامهم فخرج من غرفته واقترب منهم اكثر
احمد : -
- يعني ايه مروحتش ! ،هتكون راحت فين
اسر :
-معرفش انا جاي اسألكوا ، انا سايب ليان امانة عندكوا ، ليان راحت فين !
فؤاد : -
- ليان مرجعتش البيت !!
اسر : -
- ايه اللي نزل ليان قبل ما اجيلها ، ليان راحت فين بعدما نزلت من هنا !
احمد : -
- تعالى معايا يا اسر نراجع الكاميرات اللي قدام البيت يمكن نلاقي حاجة ..
اسر : -
- ماشي
دخل اسر واحمد غرفة احمد وجلس احمد امام الحاسوب وبدأ يشاهد الكاميرات ..
فؤاد جلس على اقرب كرسي وردد بحسرة : -
- ليان ، متعمليش فيا كدا يا بنتي ..
بدأ احمد يراجع كل ساعات اليوم بشكل سريع بداية من وصولها مع آسر صباحًا حتى خروج ليان اخر النهار .
شاهد اسر بحسرة والم نفسي رهيب  ولفت انتباهه شيء ..
اسر : -
- وقف هنا كدا يا احمد ، شوفت العربية اللي طلعت ورا ليان دي ، رجع رجع كدا للساعة اللي جبت ليان فيها هنا ..
نفذ احمد طلب اسر وقال اسر : -
- بطء كدا
لاحظ اسر وجود سيارة كانت تتعقبه عندما وصلوا صباحا ونفسها التي تعقبت ليان عندما خرجت وحدها. 
اسر : -
- ليان اتخطفت يا احمد واللي خطفها كان مترصدلها من الصبح ، دي نفس العربية اللي طلعت وراها بعدما مشيت ارجع تاني كدا وحاول تلقط رقم العربية دي نعرف مين صاحبها على ما اتصل بأنس ..
انس : -
- الو ايه يا اسر لقيتوها !!
اسر : -
- لا اتخطفت يا انس تعالى على بيت اهلها عشان نشوف هنعمل ايه
انس : -
- تمام
احمد : -
- جبت رقم العربية يا اسر
اسر : -
- قوله ليا كدا ..
احمد : -
- * * * * *
اسر : -
- سمعت الرقم يا انس حاول تعرفلي مين صاحب العربية دي
انس : -
- اعتبره حصل ..
اسر : -
- تعالي معايا يا احمد ننزل تحت على ما انس يجي انا حاسس ان الدنيا ضيفة في وشي اوي
احمد : -
- ماشي انزل وانا جاي وراك
اسر : -
- ماشي
خرج اسر فوجد رحمة تنتظره فقالت له : -
- رجعلي بنتي يا اسر انا مليش غيرها
اسر : -
- انا كمان مليش غيرها ، ادعي لها ترجع يا حماتي
رحمة : -
- ربنا يرجعك لينا سالمة يا بنت قلبي
* * *
" اسفل منزل فؤاد الموجي . "
* * *
وصل انس بسيارته اسفل بيت فؤاد ووجد احمد وآسر ينتظرونه ..
نزل انس من السيارة ووقف قبالتهم وقال : -
- اشرف
احمد : -
- ماله
انس : -
- العربية لاشرف ، اشرف هو اللي خطف ليان ..
اسر : -
- هو اللي كتب فرمان موته ، احمد متعرفش ممكن اشرف يروح فين ملاحظتش عليه حاجة اخر فترة
احمد : -
- لا احنا مش قريبين اوي وهو اخر فترة كان عادي بس من بعد انفصاله عن مراته جدد الباسبور بتاعه كان بيقول ناوي يسافر ويسيب مصر ، ليه يعمل كدا ..
انس : -
- هنعرف
اسر : -
- كل واحد يركب عربيته هنروح مكان مكان اشرف بيروحه او يخصه لازم نلاقي ليان النهارده ، اللي يوصل لخيط يعرف الباقي ..
انس : -
- تمام
اسر ركب سيارته وتحرك ناحية شقة اشرف يعرف انه ليس هناك ولكن ربما يجد شيء يوصله اليه.
* * *
" في الاسكندرية . "
" عند ليان واشرف . "
* * *
اشرف : -
- متخافيش يا ليان اهدي ،انتِ معايا ..
ليان : -
- انا بعمل ايه هنا
اشرف : -
- انتِ في المكان اللي المفروض تكوني فيه يا حبيبتي
ليان : -
- بطل تقولي يا حبيبتي ، انا مش حبيبتك ، انا عايزة امشي ، خرجني من هنا حالا
اشرف : -
- عشان خاطري اهدي ماشي ، انتِ مش هتخرجي من هنا ، انتِ معتيش هتسيبيني تاني خلاص احنا هنفضل مع بعض على طول
ليان : -
- انتَ اتجننت !!! انا عايزة اخرج من هنا ، خرجني من هنا
امسك اشرف ليان بقوة من فكيها وضغط عليهم حتى تصمت وقال : -
- مفيش خروج من هنا ، مش عايز اسمع الكلمة دي تاني دا لمصلحتك ، انا مش عايز اقلب على الوش التاني ، ارجوكي متجبرنيش ازعلك
ليان : -
- انتَ مريض نفسي ولازم تتعال...اه
صفع اشرف  ليان على وجهها بقوة جعلت راسها يرتطم بهيكل السرير الخشبي خلفها  وسال الدم من فمها وجبينها ..
انحنى اشرف لمستوى ليان وقال بصوت خفيض : -
- ارجوكي متجبرنيش اعمل كدا تاني
سالت دموع ليان في صمت وكل انش في جسدها يرتجف من الخوف والرعب واغمضت عينيها خوفا منه ..
خرج اشرف من الغرفة بخطوات هادئة وثابته  واوصد الباب خلفه جيدًا.
فتحت ليان عينيها عندما سمعت صوت الباب يُغلق، وبدأت تأن من المها وهي تتذكر اسر وقلبها يصرخ باسمه ..
* *
" على الجانب التاني . "
* *
اسر وصل بسيارته امام منزل  اشرف ونزل منها ودفع البوابة بيده التي جُرحت بسبب وجود زجاج مكسور بالبوابة.
تفاجأ اسر من الزجاج الذي جرحه واستغرب كيف لم يره ونظر لنقط الدم التي تسيل على الارض والالم قابع في قلبه ليس يده ..
وكأن قلبه هو الذي جُرح وينزف ويده مجرد مثال بسيط على حاله وربما حالة حبيبته ايضًا ..
دخل العمارة واهرج منديل ورقي من جيبه ولف به  يده وصعد ركضًا الى الاعلى.
وصل اسر الى الشقة ودفع الباب بكتفه وكامل جسده عدة مرات حتى كُسر فدخل اليها وبحث في كل ركن عن شيء يلفت نظره او يوصله الي ليان.
وصل الى غرفة نوم اشرف ووجد ورقة معلقة على المرآة فالتقفها اسر وبدأ يقرئها ..

" بما انك وصلت لهنا وبتقرء رسالتي دي الوقتي فدا معناه ان خلاص ليان بين ايديا واحب اقولك انك يستحيل هتلاقيني يا اسر عشان انا في مكان لو قعدت عمرك كله تفكر فيه مش هتلاقيه بردو بس عمرك كتير هما كام يوم بالكتير وهاخد ليان وهنسافر برا البلد واسيبك بحسرتك عليها عمرك كله واوعدك اني هنسي ليان ان كان في حياتها حد اسمه اسر سواء برضاها او غصب عنها همحيك من حياتها وهتبقى ملكي انا وبس ، سلام يا صاحب عمري "
* * *
يتبع ..