تحت مُسمى العشق - علا فائق

21

" الفصل الواحد والعشرون . "
" تحت مسمى العشق. "
* * *

خرج اسر مع والدته وسارة واوقف لهم تاكسي وعاد الى الفيلا مستاء وجلس في غرفة المكتب.
* * *
" بعد مرور ساعة تقريبا . "
* **
صعد آسر الى غرفته  وطرق الباب قبل الدخول، طرق الباب عدة مرات ولكن لم يجد رد ففتح الباب وتفاجأ انها فارغة .
خرج اسر من الغرفة وذهب الى غرفتها وطرق الباب
اسر : -
- ليان ، ليان انتِ جوا
كانت ليان تنام بوضعية الجنين على السرير  ودموعها تسيل بصمت ويوسوس لها عقلها انها تبدو وكأنها كانت بديل لسارة او مجرد مسكن لجرحه العميق ..
حاول اسر فتح الغرفة لكن وجد الباب مقفول بالمفتاح فجن جنونه  من صمتها وغلقها الغرفة وخاف من حدوث مكروه لها
اسر : -
- ليان ردي عليا ، ليان لو مفتحتيش الباب دا انا هكسره
ليان بصوت باكي : -
- سيبني لوحدي يا اسر
اسر : -
- ليان انتِ بتعيطي ، ليان حصل ايه ردي عليا ، في جاجة بتوجعك ! ليان
ليان : -
- ابعد عني يا اسر مش عايزاك جمبي ، ابعد من هنا بدل ما اسيبلك البيت كله وامشي ومش هتعرفلي طريق
اسر : -
- ماشي يا ليان ، اللي يريحك
جلس اسر بخيبة امل وسند ظهره للباب وفرد قدميه وخبط الباب براسه  بخفة ولعن عودته للصفر مجددًا.
* * *
" صباح اليوم التالي"
* * *
اسر نام مكانه امام بابها وهي استيقظت بعد ليلة بكاء طويلة نامت فيها ساعة واثنين فقط ..
نهضت ليان وامسكت راسها من قوة الصداع ونزلت من على السرير وفتحت الباب حتى تخرج ووجدت اسر كان سيقع امامها بسبب نومه على بابها، كان نومه خفيف واستيقظ بسبب حركة الباب ونهض بسرعة من مكانه وهو يمسح وجهه حتى يستفيق ونظر لكاحلها وقال : -
- انتِ كويسة ، رجلك عامله ايه الوقتي
ليان : -
- تمام
وقبل ان ينطق كلمة، نزلت وهي تسند على الجدران بجانب السلم ونزلت درجة درجة بسبب كاحلها ودخلت المطبخ ..
مسح اسر على شعره بعنف وضيق ودخل غرفته
* * *
" في الشركة . "
* * *
دخلت حنين غرفة انس بعدما طرقت على الباب ووضعت كوب الشاي على المكتب ..
انس : -
- عاملة ايه يا حنيني
حنين باندهاش : -
- ايه
انس : -
- عاملة ايه
حنين برقة : -
- كويسة ، انتَ عامل ايه
انس : -
- كويس طول ما انا شايفاك
حنين بمزاح : -
- وبعدين بقى في الكلام الحلو دا
انس : -
- مهما قولت قليل عليكي ..
حنين بتوتر : -
- شوف كدا الشاي انا صبيته بقالي شوية زمانه بقى كويس اشربه ..
حماانس كوب الشاي وقال : -
- تسلم ايدك من قبل ما اشربه
سمعوا صوت طرقات فانس قال : -
- اتفضل
عليا : -
- صباح الخير
حنين : -
- صباح النور ، عاملة ايه يا لولا
عليا : -
- انا تمام يا قمر ، عاملة ايه انتِ
انس : -
- مفيش عامل ايه يا انس وبعدين دي مواعيد يا انسة انا بعد كدا هخصملك
عليا باستغراب : -
- تخصملي !!
انس بمزاح : -
- ايوه اخصملك واخصم لاسر كمان مفيش دلع في الشغل
عليا : -
- ماشي ، ماشي لما اسر يجي نشوف الكلام دا
جلست عليا وحنين وانس في غرفة انس وظل انس يعاكس عليا وسط ضحكات حنين، سمعوا طرقات على الباب فقال انس : -
- اتفضل ، الباب دا لو لسانه كان اشتكى من الخبط النهارده
دخل موظف يحمل باقة ورد وقال : -
- الورد دا جه لانسة حنين ..
تغير وجه انس وملامحه تحولت فجأه وقال : -
- هات الورد دا واتفضل
اعطى الموظف الباقة لانس وخرج اما حنين فأحمر وجهها وضربات قلبها اصبحت سريعة وعليا نظرت لها بتساؤل
امسك أنس الورد والتقط الكارت الموضوع وقرأ المكتوب بعينيه
" انتِ امبارح غلطتي غلطة كبيرة اوي لما دخلتي في حاجة متخصكيش واتسحبتي من لسانك وحكيتي كل حاجة قدام الكل ، صدقيني هتدفعي تمن دا غالي اوي لان اللي بحطه في دماغي مش هرجع الا لما اعلم عليه والمفروض تكوني خدتي عظة من اسر لكن كدا الانسان مش بيتعلم غير بقرصة تطلع بالدم يا حنين .. "

رمى انس الورد بعصبية شديدة في الحائط فانفرط الورد على الارض وذُعرت الفتاتين من غضب  انس ونظرت عليا لحنين وحنين بادلتها النظرة بخوف ونهضوا ..
جال انس الغرفة ذهابا وايابا وقال : -
- انا هدفعك تمن جراءتك دي غالية يا اشرف ، انا هعرفك ازاي تبعت تهديدات جوا شركتي بكل بجاحة وتتعدى على اللي مش ليك ..
عليا : -
- اهدى بس يا انس وفهمنا في ايه
انس : -
- خدي اقرئي البجح وصل لايه ..
اخذت عليا الكارت من انس قرأت حنين معها  وصدموا من الرسالة !!
عليا : -
- ايه الكلام دا يا انس ، معقول ممكن يعملها حاجة !
انس : -
- على جثتي لو مس شعرة منها ، المرة دي اشرف زودها والقصة بقت قصتي انا وانا اللي هوقف عند حده ، انا هطلع *** صبرك عليه
حنين : -
- اهدى بس يا انس ومتخافش عليا اللي مكتوبله حاجه هيشوفها
انس : -
- حنين لو سمحتي هو مهددكيش انتِ بس هو هددني انا وانا هعرف ازاي يجي على حاجة تخصني

ظلت حنين تنظر له وشعرت بالضياع ونظرت لها عليا وعلى وجهها ابتسامة سعيدة ..
عليا : -
- طيب احنا هنعمل ايه الوقتي
انس : -
- على اسر ، لازم اشوفه حالا
عليا : -
- طيب روح انت واحنا هنستناك هنا
حنين : -
- ايوه فعلا يا انس انا عندي ش..
انس امسك يد حنين وقال وهو ينظر داخل عينيها بنظرة لم ترها من قبل، نظرة خائفة من فقدانها: -
- في داهية الشغل انا مش هسيبك لوحدك في مكان ، يلا معانا يا عليا ..
* * *
" في فيلا اسر الالفي . "
* * * *
جلست ليان تشرب فنجان قهوة في المطبخ وقررت ان تحدث احمد !
فتحت هاتفها ورنت على احمد ..
احمد : -
- ازيك يا لي لي
ليان : -
- تمام يا حبيبي ، انت فين كدا ؟
احمد : -
- انا رايح الشركة في حاجة ولا ايه
ليان : -
- لا بس انت وحشتيني كنت عايزاك تعدي عليا نتكلم شوية
احمد : -
- الوقتي !
ليان : -
- لو ينفع
احمد : -
- خلاص تمام انا كنت هعدي على اسر النهارده اصلا هعدي عليك الوقتي وبالمرة اكلمه في الموضوع اللي كنت عايزه فيه ..
ليان : -
- تمام مستنياك
اسر دخل المطبخ بعدما اغلفت الخط الاتصال فقال لها : -
- كنتي بتكلمي مين
ليان : -
- احمد هيعدي الوقتي وبيقول انه هيكلمك في حاجة
اسر : -
- اه هو فعلا قالي امبارح بس قال هيعدي بعد الشغل ايه اللي هيجيبه الوقتي
ليان : -
- انا اللي قولتله يجي
اسر : -
- ليه
ليان : -
- عايزة اتكلم معاه شوية
اسر : -
- طيب ما تتكلمي معايا انا اسهل في اللي ضايقتك فيه اي ان كان ونتصافي احسن من الخصام دا
نظرت ليان له وهو جالس امامها على الطاولة وكانت ستتحدث ولكن رن جرس الباب فقالت له : -
- شوف مين ..
ضرب اسر الطاولة بيده غاضبًا من قطع الجرس لهذه اللحظة الهامة ونهض ليفتح الباب ووجد انس وحنين وعليا امام الباب وملامحهم لا تبشر بالخير !
* * *
يتبع ..