تحت مُسمى العشق - علا فائق

الفصل السابع عشر

" الفصل السابع عشر . "
" تحت مسمى العشق"
* * *
بــعد مـــرور شهـــر

فتحت ليان عينيها ببطء بسبب الشمس التي اقتحمت الغرفة وايقظتها.
نظرت ليان الى جانبها فلم تجد اسر فنهضت من مكانها بقلق وجلست على السرير وهي تنظر إلى الساعة فوجدتها الواحدة ظهرًا.
نزلت ليان من السرير وبدات تبحث عن اسر في كل مكان وتاكدت من عدم وجوده في الفيلا فدقت على هاتفها فالغى مكالمتها.
وضعت ليان يدها على قلبها بخوف وقلق وهي تفكر اين ذهب بحالته تلك؟
كانت واقفة في المطبخ تشرب المياه وبالها مشغول عليه وفجأة سمعت صوت باب الفيلا يُفتح!
ذهبت بسرعة حتى ترى القادم ووجدته اسر واقفًا على قدميه بدون عكاز وازال الجبيرة فصرخت من الفرحة وركضت نحوه وارتمت في احضانه فعاد بعض الخطوات بسبب اندفاعها.
عانقته ليان بفرحة وهي تطبطب على ظهره وقالت:
- الحمدلله على سلامتك يا اسر، الحمدلله، متعرفش انا فرحانة عشانك الوقتي ازاي
بادلها اسر العناق وعلى وجهه ابتسامة سعيدة وقال بتلقائية: -
- الحمدلله يا حبيبتي...
صمت اسر فجأة عندما سمعت اذناه الكلمة التي خرجت من فمه دون ان يشعر وكان لها نصيب من نفس الصدمة وعادت لرشدها وادركت انها عانقته وهو ناداها بحبيبتي!
ابتعدت ليان عنه بتوتر ورفع يده عنها وتصنع الاثنين عدم الفهم وتجاهلوا ما حدث!
دخل اسر الفيلا وهي سارت بجانبه ودخلوا الى الصالون وجلسوا قبالة بعض..
ليان : -
- ليه مصحتنيش عشان اروح معاك يا اسر؟
اسر : -
- حبيت اعمالهالك مفاجأة
ليان : -
- الحمدلله انك رجعت بخير يا اسر
اسر : -
- الحمدلله، انا قررت قرار كدا وحابب اخد رأيك فيه..
ليان : -
- ايه هو؟
* * *
" في شركة الالفـي . "
* * *
وصل انس الى الشركة بعدما كان مع اسر في المستشفى ووصله الى البيت..
صعد انس الى الشركة بسرعة حتى يلحق بالاجتماع الذي سيبدأ بعد دقائق
فتح باب الاسانسير ودخل مكتبه ووجد حنين دخلت خلفه..
حنين : -
- عملتوا ايه، اسر بقى كويس؟
انس : -
- الحمدلله تمام، ايه اخبار الشغل ؟
حنين : -
- متقلقش كويس
انس : -
- الاجتماع لسه عليه قد ايه
حنين : -
- حوالي 20 دقيقة، انا حضرتلك شوية سندوتشات النهاردة قبل ما اجي، هجيبهملك تاكل ويكون الشاي جهز عشان تدخل الاجتماع مصحصح كدا
انس : -
- بتدخليلي من ثغراني يا حنين يلا هاتي السندوتشات واقعدي كلي معايا وانا هكلمهم يجبولنا اتنين شاي، اشطا!
حنين بضحك : -
- اشطا
* * *
" في شركة الموجي . "
* * *
كان احمد يحضر اجتماع مع شركة تانية بدلا من والده الذي بات يتغيب كثيرا عن الشركة بسبب ظروفه الصحية ويكتفي ان يتابعه بالهاتف..
بعدما انهى الاجتماع دخلت له الموظفة التي تعمل بدلا من اخته ليان..
نرمين : -
- ازيك يا مستر احمد ايه الاخبار؟
احمد : -
- تمام يا نرمين، ايه اخبار الشغل؟
اقتربت نرمين منه ووقفت بجانبه ونظرت الى عينيه وجهها قريب الى وجهه وقالت بصوت انثوي رقيق : -
- كويس، كويس اوي
تضايق احمد من قربها المبالغ فيه ونظر الى الاتجاه الاخر وقال بحدة : -
- عايز اراجع الشغل يا انسة نرمين، ممكن اطلع على اخر شغلك؟
نرمين : -
- اه اكيد..
بدأت نرمين تعرض عليه عملها وكان يدقق في كل ملف تعرضه عليه وعلامات الاستياء ظاهرة على وجهه وتزيد..
اغلق احمد الحاسب المحمول بغضب وقال : -
- ايه الشغل اللي كله اخطاء دا يا آنسه، مفيش حاجة صح مفيش حاجة كامله على بعضها من غير اخطاء! انا جايب طفلة تشتغل، انتِ لو كنتي بصيتي على شغل مدام ليان كنتي عرفتي ان شغلك دا جمب شغلها عك
شعرت نرمين بالضيق الشديد والاهانة فقررت مضايقته وقالت :-
- مش مدام ليان دي اللي اتجوزت اسر الالفي اكبر عدو لشركة الموجي ولا انا مش واخدة بالي
احمد بحدة : -
- انتِ تقصدي ايه بالكلام دا!
نرمين : -
- اقصد ان حتى لو شغلي فيه اخطاء بس عمري ما ابيعكوا زي ما مدام ليان عملت
احمد : -
- انتِ بتتكلمي ازاي، انتِ اتجننتي يا بت انتِ عارفة انتِ بتتكلمي على مين بتتكلمي على اختي صاحبة المكان دا زيها زيّ
نرمين : -
- لو لسه صاحبة مكان مكنش فؤاد بيه مشاها من هنا
احمد : -
- انتِ بتتكلمي الكلام دا ازاي!، مين قالك الخرافات دي
نرمين : -
- الشركة كلها عارفة كدا وبيتكلموا وعرفت منهم والا مكنتش عرفت حاجة بس محدش عنده الجراءة انه يتكلم
احمد : -
- جميل، احب اكافئك على جرائتك وشجاعتك دي واقولك مع السلامة، مش عايز اشزف خلقتك دي في الشركة تاني
نظرت نرمين الى احمد بتعالي وتركته وغادرت تسير بغنج متعمدة استفزازه، جلس احمد في مكانه ووضع راسه بين يديه بحزن على اخته والكلام الذي يُقال عنها وفجاة لمعت في ذهنه فكرة لو نجحت سوف يخرس جميع الالسنة الاي تتحدث عن شقيقته بالسوء، امسك هاتفه حتى يحادثها فوجدها ترن عليه.
* * *
" في شركة الالفي . "
* * *
وصلت عليا الى الشركة وصفت سيارتها وصعدت الى الشركة بخطوات ثابته وراسها مرفوع بشموخ مرتدية نظارة سوداء وحلة نسائية وذهبت الى قاعة الاجتماعات ولحق بها انس وحنين..
بعدما انتهى الاجتماع..
جلست عليا مع انس وحنين يدردشوا ومازالت عليا متذكرة كلام انس عن حنين واحمد..
رن موبايل عليا ووجدته اسر ففتحت المكالمة..
اسر : -
- عليا انس معاكي
عليا : -
- ايوه وحنين كمان هنا
اسر : -
- حلو افتحي الاسبيكر واسمعوا اللي هقوله
* * *
" في بيت اشرف الموجي . "
* * *
اشرف بغضب : -
- سارة، انا كنت سايب فلوس في الدرج دا، راحت فين!
سارة بكذب : -
- معرفش اكيد عندك
اشرف : -
- وديتي الفلوس فين يا سارة دي مش اول مرة تختفي فيها فلوس وحاجات من البيت
سارة : -
- في ايه يا اشرف انتَ هتسرقني
اشرف:
-ايوه هسرقك لان انتِ حرامية واستغلاليه ولو مطلعتيش بالفلوس هطلع بروحك
سارة : -
- في ايه يا اشرف انا عملت ايه لكل دا حرام عليك بقى
اشرف : -
- في ان انا بكرهك، انك دمرتي حياتي انتِ وابن عمك ان بسببك حبيبتي مرات اسر، انتوا خربتوا حياتي
سارة : -
- حبيبتك!
اشرف : -
- ايوه ليان حبيبتي، بحبها وهفضل احبها وكل ما بقعد معاكي بكرهك اكتر وبحبها انا معرفش ايه اللي بلاني بيكي، ازاي اتخبط في نفوخي وبصتلك، دا لا جمال زي الجمال ولا اخلاق زي الاخلاق حتى يا بنى ادمه روحك روحك سم متتحبيش..
سارة : -
- انتَ اتجننت يا اشرف انتَ نسيت انك حفيت ورايا، انك خدتني من اسر
اشرف : -
- ما هي دي المشكلة، المشكلة انك سهلة وخاينه وسيبتي حبيبك عشاني ودا خلاني اكرهك اكتر
رفعت سارة كفها حتى تضربه بعدما شعرت بالاهانة وجرحت كلماته كرامتها وكبريائها : -
- انتَ زبالة
امسك اشرف كف سارة وثناه خلف ظهرها بعنف حتى شعرت ان ذراعها سيُكسر وقال : -
- ما عاش اللي تمد ايدها على اشرف الموجي يا ***
انهى اشرف سبته لها وصفعها على وجهها فوقعت على الارض، وضعت سارة يدها على وجهها ونار الحقد استعرت داخلها وقالت : -
- طلقني
نزل اشرف على ركبتيه حتى يكون في مستواها ونزر لها بقرف وقال : -
- بس كدا، انتِ طالق يا سارة
ونهض من مكانه فجأة وجذبها من ذراعها فوقفت رغما عنها وفتح باب الشقة ودفعها خارجا وقال : -
- لو عتبتي البيت دا تاني انتِ الجانية على نفسك، برا وورقتك هتوصلك
سارة : -
- عايزة ادخل اخد حاجتي
اشرف : -
- مسمهاش حاجتك، دي حاجاتي اللي جايبها بفلوسي انتِ ملكيش حاجة هنا والقايمة تتنازلي عنها بدل ما افضحك قدام اهلك واقول انك خونتي اسر معايا واتجوزتك عشان اصلح غلطتي، اعتقد كفاية اسر بس يكون عارف الحوار دا
سارة بقهر : -
- ربنا ياخدك..
* * *
" في فيلا اسر الالفي . "
* * *
كان اسر جالس على مكتبه يراجع اخر ملفات ارسلها له انس وفتح حاسوبه المحمول حتى يرى احدث الايميلات التي وصلت له..
دخلت ليان غرفة المكتب ومعها فنجان قهوة وضعته على المكتب.
اسر : -
- ليان
ليان : -
- نعم يا اسر
اسر : -
- اجهزي عشان نخرج نشتري شوية حاجات
ليان : -
- حاضر
صعدت ليان لغرفتها وغيرت ملابسها وصففت شعرها ونزلت لتنتظر آسر..
نزل آسر بعدها بدقائق واستغرب سرعتها وخرجوا سويا وركبوا السيارة وبداخل ليان مشاعر متضاربة وغريبة وسعادة لا تعلم مصدرها..
* * *
" في فيلا محفوظ الالفي . "
* * *
طرقت سارة على باب الفيلا وهي تصطنع البكاء وتنوح، فتحت صباح الباب وظنت انها عليا وتفاجئت بسارة امامها منهارة من البكاء مرتدية "بيجامة" مستندة بيدها على باب الفيلا وقالت سارة من وسط شهقاتها : -
- ممكن تحاسبي التاكسي يا طنط
صباح بصدمة : -
- مالك يا سارة ايه اللي حصل
سارة : -
- مشي التاكسي وهحكيلك كل حاجة
انها سارة كلامها ودخلت بخطوات بطئيه وصوت بكائها يزداد علو..
* * *
صف اسر سيارته امام محل لبيع الفساتين وثياب الخروج فاستغربت ليان وقالت له : -
- احنا جينا هنا ليه؟
اسر : -
- جينا عشان تشتري طقم للمناسبة اللي هنعملها بليل وكمان اشتري كام طقم ليكي والمرة دي من غير غصب ولا عند ولا زهق، اتفقنا
ليان بدهشة : -
- يعني ايه
اسر : -
- يعني تعالي نفتح صفحة جديدة يا ليان، انتِ حد كويس اوي وجدع، ومش حابب اني اخسرك على الاقل كصديقة ليا، ايه رأيك؟
ليان : -
- موافقة، موافقة جدا
اسر بابتسامة سحرتها :  -
- اتفقنا، يلا انا مستنيكي هنا
ليان : -
- لا تعالى معايا، امال هاخد رأي مين
اسر : -
- ماشي
* * *
" في فيلا محفوظ الالفي . "
* * *
سارة : -
-  بيضربني وبيبهدلني يا طنط، ببقى قاعدة في حالي والقيه جاي يضربني لما بنام ايام في السرير، واستحملت وقولت عيشي ومتخربيش بيتك بايدك وخصوصا بعد ما اسر اتجوز واستقر في حياته، وفي الاخر رضينا بالهم والهم مش راضي بينا النهارده نزل فيا ضرب وطلقني وطردني يا طنط
صباح : -
- معقول، كل دا يحصلك ومتقوللناش اخص عليكي يا سارة
سارة : -
- اعمل ايه بس يا طنط، انا بحاول ابعد عن المشاكل على قد ما اقدر، مش عايزة اسر او حد فيكوا يتأذى
صباح : -
- خلاص اهدي يا حبيبتي، يا انا يا عيلة الموجي، عايزين يقضوا علينا واحد ورا التاني انا هوريهم صبرك عليا
* * *
" في المحل . "
* * *
خرجت ليان بفستان قصير حتى ركبتها وفتحة الصدر واسعة وعلى شكل مربع وظهرها ايضا يوجد به نفس الفتحة على شكل مربع يُظهر جزء ليس بقليل من ظهرها وكان الفستان صك لونه اسود..
انبهر اسر بجمال ليان الشديد وجمال الفستان عليها خلق داخله اعجاب ممزوج بالغيرة فعقد حاجبيه وقال : -
- لا لا وحش اوي شوفي غيره
نظرت ليان لنفسها في المرآة بضيق وقالت : -
- ليه بس يا اسر دا شكل تحفة عليا، بص كدا تاني
ركز اسر في تفاصيلها الانثوية اللي رسمها الفستان بوضوح وشرد في جمالها لثوان واصر قائلا برفض : -
- لا يا ليان شكل زفت ادخلي غيريه
ليان : -
- ماشي يا آسر

دخلت الفتاة التي تعمل في المحل والتي حضرت المحادثة من بدايتها حتى تاخذ منها الفستان وتساعدها فوجدتها منزعجة..
الفتاة : -
- مالك بس
ليان : -
- عادي كنت حابة الفستان بس مش عارفة ليه معجبوش، هو فعلا شكله وحش؟
الفتاة : -
- لا بالعكس دا يجنن عليكي
ليان : -
- امال ايه بقى
الفتاة : -
- غيران عليكي بس، مش عايز حد تاني يشوفوك بالجمال دا غيره
ليان : -
- غيران عليا انا! لا لا بيتهيألك
الفتاة : -
- بيتهيألي ايه بس دا اتسحر اول ما شافك وعشان كدا رفض، تقوليلي لا دا مات من الغيرة.
اخذت الفتاة الفستان من ليان ووقفت ليان امام المرآة وقالت بعدم تصديق : -
- اسر غيران عليا انا، معقول!
* * *
يتبع ..