ဒုကျောင်းအုပ်က တုန်လှုပ်နေခဲ့သည်။ကျောင်းအုပ်ကြီး ဒေါသအရမ်းထွက်နေတာကိုသိပေမယ့် ဒုကျောင်းအုပ်ကမဝံ့မရဲလေးပြောလိုက်သည်။
"ကျွန်တော်လည်း Mrs.ရှန်းကို ပြောပြထားပါတယ် ပြီးတော့ စာကြည့်တိုက်သစ်ကလည်း စဆောက်နေပြီဆိုတော့ ..."
"ဒါဆိုလဲ အဲ့ဒါကို ဖျက်ခိုင်းလိုက်!"
ကျောင်းအုပ်ကြီးက ဒေါသအရမ်းထွက်လာတာကြောင့် နဖူးမှာ သွေးကြောများပင် ထွက်လာပြီး သူ့လက်က စားပွဲကို ပြင်းပြင်းထန်ထန် ရိုက်လိုက်တဲ့အတွက် လက်ဖဝါးတွေ နီရဲလာခဲ့တယ်။
မတိုးသာမဆုတ်သာအခြေအနေ ဖြစ်လာတာကြောင့် ရှန်ယွဲ့က ရုတ်တရက်ပြောလိုက်တယ်။
"ကျောင်းအုပ်ကြီး၊ သမီးရဲ့ ဝမ်းကွဲ ရှန်ယန်က တကယ့်ကို သနားသရာကောင်းတဲ့ မိန်းကလေးပါ။ ယန်ယန်က တောမှာကြီးပြင်းခဲ့ရပြီး သူ့ကိုမွေးစားခဲ့တဲ့သူကလည်း စကားမပြောနိုင်ဘူးလေ သူမကတော်တော်ကို နာကျင်ခဲ့ရတာ"
သူမသည် သူမ၏ဝမ်းကွဲအတွက် တကယ်ကို ဝမ်းနည်းသလိုခံစားပြပြီး စကားပြောရင်း မျက်ရည်ကျပြလုမတတ်ပင်ဖြစ်လာသည်။
ဒါပေမယ့် ကျောင်းအုပ်ကြီးကတော့ မတုန်မလှုပ်ရှိနေဆဲပင်။ သူအတွက် အမုန်းဆုံးအရာက အနောက်တံခါးမှ ဝင်ချင်သောသူများဖြစ်သည်။
" အဲ့ဒါက ကျောင်းစည်းကမ်းနဲ့ မဆိုင်ဘူး။ ငါတို့ကအဲ့လို့ဆိုတိုင်းအားလုံးကို ဝင်ခွင့်ပြုရင် ငါတို့ကျောင်းကို ဘယ်လိုလုပ်ပြီးတော့ မြို့တော်ရဲ့ အကောင်းဆုံး အထက်တန်းကျောင်းလို့ ခေါ်လို့ရတော့မှာလဲ"
ကျောင်းအုပ်ကြီး၏ စကားကိုကြားတော့ ခန်းဝေကျန်းသည် မျှော်လင့်ချက်မရှိမှန်း သိလိုက်ရသည်။ကျောင်းအုပ်ကြီးက သူ့သမီးအား ဝေဖန်မည့်စကားများကို နားမထောင်ချင်သောကြောင့် ကျောင်းအုပ်ကို စည်းရုံးရန် မကြိုးစားခဲ့ပေ။
ယန်ယန်သာ ပျောက်မသွားဘူးဆိုရင် ဒီနေ့လို အဖြစ်မျိုး ဖြစ်မှာမဟုတ်တာ သေချာတယ်။ သူမဟာ အခုလိုမျိုး နှိမ့်ချခံရမှာ မဟုတ်ဘူး၊ ယန်ယန်ဟာ အကောင်းဆုံးမိန်းကလေးဖြစ်မှာ သေချာတယ်။
YOU ARE READING
Bigshot ပြန်လည်မွေးဖွားပြီးနောက် ကမ္ဘာကြီးကိုလွှမ်းမိုးခဲ့တယ် (MM-tran)
Romansဆယ့်ခုနစ်နှစ်ကြာ ပျောက်ဆုံးခဲ့နေသော နာမည်ကြီးရှန်မိသားစု၏ အငယ်ဆုံးသမီးလေး ပြန်ရောက်လာပြီဖြစ်သည်။ ကျေးလက်မှ ဆွံ့အသော အဖွားတစ်ဦးမှ သူမကိုပျိုးထောင်ခဲ့ချိန်မှစ၍ သူမဘဝ ပျက်စီးသွားခဲ့ပြီဟု လူအများက ထင်မြင်ကြပြီး ရှန်မိသားစုကို သူမ မည်ကဲ့သို့ အရှက်ရစေမည်က...
