القصة : ( حفيدة آلـ سرحان ؟ )
الكاتبة : رواء هادي
يوزر حسابي على الانستغرام : royan4h@
قراءة ممتعة لجميع
"لا أحد يعرفنا حقًا، لأنه ثمة دائمًا
مالا بوسعنا أن نظهره"
في محافظة ديالى /فصل الشتاء
الساعة ( 2:00 )
نتمشى ونضحك بأصوات عالية وكفت مقابيل شجرة الرمان جانت عبارة عن أوراق صفرة يابسة وبيها
جم رمانة بعض منهن منهوشة
لأن الطيور ماكله منها قطفت وحدة بايدي وأني اضحك قطفتها ونداريت عليه باوعلي بوجه بشوش وابتسامة تارسة ملامح وجه الحلوة
_ بابا باوع رمان
_ اي بابا
_ هاي الي ولك
_ هههه اي
_ شوفها نظيفة وماماكلتها الطيور
_ اممم وهاي هم وحدة نظيفة
_بابا عالية
_ هسة احوشها لج
_ شلون .. مو عالية ؟!
_ ابوج طويل مو قزم ههههه
_ ههههه
بقيت لازمة الرمانة بايدي وباوع لابوي تقرب على شجرة الرمان ولزم الغصن اليابس بايده ونزله
وقطف الرمانة أني فرحانة راح يصير
عدنا اثنين رمانات قطفها وجابها لي
_ وهاي صارن اثنين
_ اي هههه
أخذتها من ايده بسرعة وخليتهن بالتيشيرت مالتي ارفع من فوك بطني وطلعت صرتي شافني
ابوي هيج خرب من الضحك وكال
_جنج هندية مطلعة الصرة ههههه
_بابا !
_عيب بابا عيب هيج تطلعين من البستان
نزلي ملابسج وانطيني الرمانات
أني اشيلهن بدالج
_ هاا
_انطيني
اخذهن من عندي ونزلت ملابسي بقى شايلهن بايديه الاثنين كل ايد شايله وحدة طلعنا من البستان صادفنا غياث ابن عمي الغثة
غثة من غثة ...
غياث : هلأ عمي شلونك
ابو رنا : هلأ غياث هلأ
غياث : جايب رمان ؟
رنا : شعليك
أبو رنا : رناوي بابا عيب ابن عمج
رنا : خوش نعال وإذا ابن عمي
غياث : لزمي السانج ولج
رنا : ولما لزمته شراح تسوي ؟
ابو رنا : كافي يلا أمشي للبيت
خزرني غياث بعيونه البنية نظرات عيونه تخوف وأصلا شكله كله يخوف اسمر حنطاوي البشرة وشعره لكتوفه جان مربي شعر
أنت تقرأ
حفيدة آلـ سرحان ( مكتملة )
Mystery / Thrillerتدور أحداث القصة حول قصة حقيقية... عن (فتاتين) كان عمل عائلتهما خارج القانون.. تنقلب حياة رنا رأساً على عقب بعد انفصال والديها وتتعرض لعدد من الحوادث منها التحرش والاستغلال والخطف.... اما ابنه عمها (سارة) فيقع ابن صديق والدها في حبها فترفضه تماماً "...
