القصة : ( حفيدة آلـ سرحان؟ )
الكاتبة : رواء هادي
يوزر حسابي على الانستغرام : royan4h@
لا تنسون تعلقون بين الفقرات وتخلون
لايك .قراءة ممتعة لجميع.
بالليل وره العشة اجوي أهل وردة عليها علمود مااجت للعرس وكالت مابي حيل انحسدت وراسي يوجعني عمت عيني عليها محسودة
استغليت الفرصة ورحت لغرفتها نبشتها نبش مالكيت تلفون أبوي لكيت قاصة دخلت كذا رقم
مافتحت ايست ورجعت للغرفة
توني طبيت لغرفة وحدة وراي جانت
بسرعة التفتت شفت نهلة
ـ شعندج ؟
ـ اجيت اسلم عليج
ـ بعد السويتي لج عين توكفين كدامي
ـ وشمسوية يمة ماتكيفين واحد مثل مصطفى معجب بيج ويدفع فلوس علمود يشوفتج
وين لاكيتها ماتكليلي
ـ حجيج صدك وين لاكيتها حالج من حال ام النادي يدفعون لها فلوس وتعرض لهم بنات امشي
ادبسزز شلكيتيني من ذني الرخيصات
اللي بيبعن نفسهم علمود الرجال والفلوس
ـ هاي شبيج ؟
ـ اكسرج والله العظيم .. امشي ولييييي
دفعتها وسديت باب الغرفة حيل روحي صارت بطرف خشمي ياربي وين اكو هيج بنات يعرضن بنات للزلم علمود الفلوس ويكتلك
القهر هالبنية بت بيت وبت ناس وعالم مو من ذني الرخيصات وهنا تأكدت نهلة نسخة ثانية من
وردة هم تحب الفلوس بس
وردة متشددة وماتقبلها احد يشوفني "
اعتقد خوفاً من عمامي وأبوي.
ردت من وره الباب "
من امداج يالعربية بت العرب ولج كلج على
بعضج بت عرب افتهمتي لو لا
فتحت الباب وصرت بوجهاا "
اوووي عيني ست نهلة بت باريس وجاية للعراق سياحة وماعاجبتها أهلها العرب.. هسة جاية
براسي تتعايرين كلج
على بعضج وحدة مصلخة وتمشين
وتعرضين نفسج للزلم
ـ عليمن هاييي
رادت تكمش شعري بايدها وانه اطول منها صح هي قصيرة وسمينة بس وكحة جريت ايدها وشمرتها بالكاع وصرت فوكها ناس تضرب ناس
آخر شي لزمت شعري باثنين ايديها لزمت ايدها وعضيتها كل قوتي في حيث حسيت طعم الدم بحلكي صار هي عافتني وصارت تصرخ
علمود اعوف ايدها .
ـ اااااه عوفيني چلبة اااااااه
الكل اجه يركض على أصواتنا "
وردة ـ صخام براسجن هاي شمسوياااات
بيبي ـ فلك الطرجن اكون اشو كومن
بس مالات مشاكل
ابو نهلة ـ هاي ليش هيج ماتخافين الله
جرتني وردة من فوك نهلة الدم ينزل من حلكي وايد نهلة تنزف دم أبوها من شافها ضاج مني مسحت الدم من حلكي واخزر بيها
أنت تقرأ
حفيدة آلـ سرحان ( مكتملة )
Mystery / Thrillerتدور أحداث القصة حول قصة حقيقية... عن (فتاتين) كان عمل عائلتهما خارج القانون.. تنقلب حياة رنا رأساً على عقب بعد انفصال والديها وتتعرض لعدد من الحوادث منها التحرش والاستغلال والخطف.... اما ابنه عمها (سارة) فيقع ابن صديق والدها في حبها فترفضه تماماً "...
